EBITURUKWEGA KURUGA OMU BAIBULI | YEREMIYA 51-52
Ebigambo bya Yahwe Byona Bihikirra
Yahwe akaranga ebikaba nibigenda kubaho omu busumi obw’omu maiso
Omulinzi ow’omukama owa Peresi
“Mutekere engobe [Obusaali]”
51:11, 28
Abamedi n’Abaperesi bakozesaaga obuta nk’eky’okurwanisa ky’abo ekikuru kandi baali bamanyire muno kubukozesa. Batekeraga obusaali bw’abo nukwo bucumitire kimu
“Abasaija bamani aba Baburoni bangire okurwana”
51:30
Ekihandiiko kya Nabonidus nikigamba: “Ihe lya Kuro likataaha omu Baburoni hatabaireho obulemu.” Kinu nikimanyisa ngu batarwane kandi kyakwatagana n’eki Yerimiya y’arangire
Ekihandiiko kya Nabonidus
‘Baburoni erifooka emituumo y’amabale kandi erihwerekerra ebiro byona’
51:37, 62
Kutandika omu mwaka 539 B.C.E., ekitinisa kya Baburoni kikatandika kuhwaho. Omukama ow’Amaani ayayetwaga Alegezanda akafa bwangu atakahikiriize ekigendererwa kye eky’okufoora Baburoni orubugarwe orukuru. Omu kasumi nambere ekitebe Ekikristaayo kyatandikiire, omukwenda Petero akabungira Baburoni kurora Abayudaya abaali nibakyaikarayo. Baitu, nambere ekyasa ekyakana kyahikire, orubuga rwa Baburoni rukaba ruhoireho kandi rufokere matongo