Okuhikiriza Kurungi Obuheereza Bwaitu​—Kusigaho Ekimurabazaaho

HABWAKI KIRI KIKURU:

Kirungi kwiti’ra embibo y’amananu eyi tubyaire. (1Kol 3:6) Obutusanga omuntu arukugonza kumanya ebirukukiraho, kiba kirungi kumusigira ekimurabazaaho omurundi gundi. Ekyo nikiija kumuletera ekihika ky’okugonza kumanya ekiturukugenda kubazaaho, kandi naitwe kiija kutuletera kugonza kugarukayo. Obuturagarukayo, tumugambire ngu twizire kugarukamu ekikaguzo twamulekiire.

OMULINGO GW’OKUKIKORAMU:

• Obworaaba n’oteekaniza enyanjura ey’okukozesa nju ha nju, teekaniza n’ekikaguzo eky’orabazaaho ogarukireyo. Ekikaguzo ekyo kisobora kuba nikigarukwamu omu ekitabu eky’orukugenda kumusigira. Rundi kisobora kuba kimu ha bikaguzo ebigarukwamu omu kimu ha bitabu byaitu ebi tukozesa kwegesa abantu Baibuli, eky’oteekaniize kumutwarra ogarukireyo.

• Hanyuma y’okubaza n’omuntu arukugonza kumanya ebirukukiraho, mugambire ngu wakugondeze kugaruka omurundi gundi. Mugambire eky’orukugonza mubazeeho omurundi gundi. Obukiraaba kisobokere, musabe namba ye ey’esimu.

• Linda obwire obw’oraganiize kugarukayo kubungira omuntu ogu.​—Mat 5:37.