Okuhikiriza Kurungi Obuheereza Bwaitu—Okwetekaniriza Okugarukayo

Habwaki Kiri Kikuru: Obu tusanga omuntu akasiima amakuru amarungi, tugonza kumanya ddi obwaba omuka nukwo tusobole kugarukayo kuseseerra embibo ey’amananu eyi tubyaire. (1 Kol. 3:6) Nahabwekyo tutakamulekere, kyeetagisa tumukaguze ddi obwaba omuka nukwo tugarukeyo. Kandi kiba kirungi kumulekera ekikaguzo ekitulibazaho tugarukireyo. Kinu nikiija kumukonyera kwikara n’atekereza ha murundi ogu turagarukayo, kandi akatabu akatumulekire obukaraaba nikagarukamu ekikaguzo ekyo, naija kusikirizibwa kukasoma. Obu tulekaho ekikaguzo ekiturabazaho tugarukireyo, kitukonyera butatiina kugarukayo habwokuba tuba tumanyire ekiturabazaho, kandi n’omuntu ou tubalize nauwe aba n’atulindirra. Obu tugarukayo, tusemerire kumuganbira ngu twizire kugarukamu ekikaguzo eki twamulekiire.

Omulingo gw’Okukikoramu:

• Obwoba n’otekereza hali eby’orabaza ogenzere nju ha nju, kirungi kutekereza na ha kikaguzo eky’oramulekera eki muligarukamu ha rubungo orukugarukaho. Kisobora kuba nikiruga omu katabu ak’orukugenda kumulekera, rundi kisobora kuba nikiruga omu kamu ha butabu obutukozesa kwega n’abantu Baibul, akosobora kumwoleka ogarukireyo.

Obwoba n’omalirra kubaza n’omuntu ayolekere okusiima, mugambire ngu wakugondeze kugarukamu kumubungira nukwo mugarukemu ekikaguzo ekindi. Hanyuma mugambire ekikaguzo eky’otekaniize. Omu bicweka ebimu, abantu baba n’eby’okukora biingi, nahabwekyo kisobora kubagumiira kwikiriza entekaniza ey’okugarukamu kubabungira. Obukiraba kiri kiti, n’osobora kumugambira oti: “Obwire bunu okira kuba oli omuka? [Muleke agarukemu.] Ninkusaba ngaruke wiiki erukwiija ngarukemu ekikaguzo kinu . . . Obundaba nkusangire oine eby’orukukora, osobora kungambira, ningaruka obwire obundi.”

Kakuba oraganiza omuntu kugarukayo, lengaho kugarukayo omu bwire obu muragaine. (Mat. 5:37) Ha kumalirra, mugambire ekikaguzo eki murabazaho omurundi ogundi.

Lengaho Kinu Okwezi Kunu:

• Obwoba n’otekaniza eby’orabazaho oli omu buhereza, tekaniza n’ekikaguzo eki muragarukamu ha rubungo orurahonderaho. Kirungi kugambiraho ow’orukugenda kutebeza nauwe eby’otekaniize.