Okuralizibwa
1. Okuraliza abantu ha rusorokano orw’ebiro bisatu kwija kutandika ddi?
1 Kakuba oba n’otekaniririza ab’enganda rundi abanywani ekiihuro ekyembaganiza, t’okuteiremu amaani kubamanyisa? Omu mulingo nugwo gumu omulimo gw’amaani gukozerwe kutekaniza ekiihuro eky’eby’omwoyo ekiraaba ha ruso’rokano orw’ebiro bisatu. Yahwe atuheeriize omugisa ogw’okuraliza abantu ha ruso’rokano runu omu wiiki isatu rutakatandikire. Kiki ekiratukoonyera kuraliza abantu n’obwekambi?
2. Kiki ekiratukoonyera kukorra kimu omulimo gw’okuraliza abantu?
2 Kakuba tutekereza omulingo enso’rokano zinu zitugasira, twija kwekamba kuraliza abantu. (Is. 65:13, 14) Tusemeriire kukijuka ngu, buli mwaka, haroho ebirungi ebiruga omu kuraliza abantu. (Rora akasanduuko “Ebirungi Ebirugirremu.”) Abantu abamu abaturaraliza nibaija kubaho baitu abandi tibarukwija kubaho. N’obukiraaba ngu titurukumanya abantu abaraija ha ruso’rokano, twijuke ngu amaani agaturukutekamu nigahaisa Yahwe ekitinisa kandi nigoleka nk’oku ali mugabi.—Zab. 145:3, 7; Kus. 22:17.
3. Kaadi ez’okuraaliza nitwija kuzigaba tuta?
3 Abagurusi omu buli kitebe basemeriire kucwamu emiringo kaadi ziragabibwamu, obukiraaba nikyetagisa kuzireka hansi y’orwigi obu muraaba mutasangireho abantu, rundi kuzigaba obu muraaba nimutebeza nimukozesa akagali rundi emeeza. Ha Kyamukaaga rundi Sunday, mugabe kaadi zinu na magaziini obu kiraaba kisobokere. Kanikiija kutusemeza kumanya ngu tukekamba kugaba kaadi ez’okuraliza abantu kandi abaingi hali bo bakaija ha kiihuro eky’eby’omwoyo eki Yahwe yatuhaire!