“Buli Obungarukayo, Timusangayo!”

Wali obalizeho ebigambo nibyo bimu hali omuntu ay’asiimire amakuru amarungi? Nobworaaba olengereho nkoku kirukusoboka kugarukayo, totungire omugisa gw’okuseserra embibo y’amananu eyi wabyaire. (1 Kol. 3:6) Abatebezi abamu bahandiikira omuntu ou batasoboire kusanga omuka ebbaruha, rundi baleka akapapura hansi y’orwigi rwe akarukwoleka ngu babaireho. Obundi bamusaba enamba y’esimu. Ha kapapura, bamukaguza, “Tusobora kukusindikira obutumwa ha simu?” Osobora kubara ngu ogarukireyo hali omuntu obw’ogarukayo kumubungira, obw’omuhandikiira ebbaruha, obw’omusindikira obutumwa ha simu, rundi ha internet, obw’oleka akapapura hansi y’orwigi rwe, rundi obw’omuterra esimu. Gonze kigumire kumusanga omuka, osobora kwongera kukurakuraniza okugonza kwe.