Kozesa Omukura Gwaitu omu Buheereza Bwawe—“Baibuli Egarukamu Ebikaguzo Binu”
Ekicweka “Bible Teachings” ekiri ha jw.org kirumu ekicweka ekindi ekirukwetwa “Bible Questions Answered.” Kirungi kumanya ebikaguzo ebigarukirwemu omu kicweka kinu nukwo tusobole kuragirra abantu ha mukura babisome. Ebikaguzo binu tusobora n’okubikozesa kutandika okubaza n’abantu omu buheereza. Tusobora kukomamu ekikaguzo ekirukukwata hali abantu b’omu kicweka ekitutebezaamu, tukasaba omuntu kutugambira eky’arukukitekerezaho, hanyuma tukamugambira Baibuli eky’eyegesa nitukozesa amagezi agatwihire kuruga ha jw.org. Ha kumalirra tusobora kumugambira rundi kumwoleka nambere twihire eby’okugarukamu. Omulingo ogundi nugwo ogw’okumuleka akesomera wenka eby’okugarukamu kuruga ha mukura. Mukazi w’omuroleerezi omu agamba ngu obwasanga omuntu amugamba: “Abantu Baingi bekaguza, Ruhanga nuwe atuletera okubonabona?” Hanyuma amukaguza, wakugondeze kutunga eky’okugarukamu omu butikitiki 51 bwonka?” Amuzaniramu ebi yaihire ha mukura gwaitu y’abita ha simu ye. Amalirra n’amutwara omu suura 11 eya katabu Baibuli eky’Eyegesa. Agamba ngu enkora enu emurugirremu ebirungi biingi.