‘Akagumira Hali Yahwe’

HEZEKIYA akaba ali omu ha bakama abake ab’amaani omu Yuda, baitu ise arukwetwa Ahazi, akaba ali mukama omubi muno ayakurakuranizaaga okuramya okw’ebisuba. Kandi akahongera baruhanga ab’ebisuba omu h’abaana be. (2 Bakam. 16:2-4; 2 Byom. 28:1, 3) Hezekiya naasobora kuba yarozere ebintu ebibi muno obu akaba akyali muto. Baitu obu yakuzire, akanga kuhondera ekyokurorraho kya ise ekibi. Nambere Ahazi yafeeriire, Hezekiya akaba ahikize emyaka 25. N’obumanzi, omukama onu omuto akatandika kumaraho okuramya okw’ebisuba.

Hezekiya akongera yakingura yekaru omu Yerusaalemu kandi yagidaabiriza, yaihamu ebisisani byona ebikaba birumu kandi akeekambisa banyakatagara n’Abaleevi kwongera kukora omulimo gwa Yahwe. Akatuma abatumwa kuraaliza Isaleeri yoona kwija kujaguza okuhingurwaho omu Yerusaalemu hamu n’abo abaikaraga omu matemba omu bukama obw’enganda ikumi. Abamu bakasekeereza abatumwa baitu abandi bakagenda. Ekyokurorraho kya Hezekiya kikeekambisa abantu kuhwerekereza ebisisani n’ebiikaro eby’okuramizaamu baruhanga ab’ebisuba omu Isaleeri na Yuda. Abantu ba Ruhanga bakaba batandikire kuramya enjoka ey’omulinga Yahwe ei akaba agambiire Musa kukora nk’emyaka 700 enyuma. Hezekiya akahwerekereza ekisisani eki nukwo Abaisaleeri batongera kukiramya.

Kumara emyaka nyingi, Hezekiya akarora ngu Isaleeri ekaba neegenda kuhikwaho akabi. Kumara akasumi kaingi, Yahwe akaba agambiire ab’omu bukama bw’omu matemba ngu abanyanzigwa baabo baakwizire babahwerekereze. Hezekiya obu akaba yakatandika kulema, Abaasura bakataahirra ab’omu bukama obw’omu matemba kandi baatwara abantu abarukukira obwingi omu bunyagwa. Yuda, niyo yaakwongiireho? Abantu ab’omu Yuda bakaba barugire hali Yahwe nk’abantu ab’omu Isaleeri rundi n’okubakiraho. Yahwe akaba ahabwire ihanga lya Yuda ngu yaakubafubiire habw’okutaba beesigwa kandi mali Yahwe ebi abaza bihikirra. Kandi nkooku ihe ry’Asura likaba niryeyongera kwirra haihi na Yuda, Hezekiya akeeyongera kweraliikirra.

Omu kasumi kake, ihe ry’Abaasura likataahirra Yuda lyebembiirwe omukama omubi muno, Senakeribbu. Hanyuma omukama w’Asura, Senakeribbu n’ihe rye, bakaija omu Yuda baatandika kusingura embuga nyingi. Kandi nikizooka ngu omu kasumi ako akagumangaine, Hezekiya akarwara muno ekyamweraliikiriize. Hezekiya kaba atakazaire omwana omwojo, nahabweki tihaakubaireho omwijukuru wa Daudi ayaakugumiizeemu naalema nk’omukama. Akeesengereza Yahwe kumukoonyera kandi Yahwe akagarukamu okusaba kwe, yamukiza. Akamwoleka okugonza kandi yamwongeraho emyaka endi 15. Baitu nabwo, Abaasura bakaba batakalekere kutaahirra Isaleeri.

Kusobora kulinda Yerusaalemu orubuga rwa Yahwe orurukwera, Hezekiya akasindikira Senakeribbu sente nyingi nukwo atabataahirra. Senakeribbu akatwara sente baitu nabwo akaba nakyagonza kutaahirra orubuga rwa Yerusaalemu. Hezekiya akongera ha bulinzi bwa Yerusaalemu obu naayombeka ebisiika ebihyaka, yayombeka n’omukura ogurukuleeta amaizi omu rubuga, nukwo ab’omu rubuga basobole kutunga amaizi kakuba abanyanzigwa barugota. Kandi akagarramu amaani abantu be obu naabagumya ngu Yahwe naakirra hara ihe ly’abantu.

Senakeribbu akeeyongerra kimu kuba mubi muno. Akatuma omu h’abakuru omu Yerusaalemu arukwetwa Rabbusake, kusekeereza n’okutiinisa abantu. Omusaija onu akajuma Hezekiya omukama wabo hamu na Ruhanga, Yahwe. Hezekiya akaikara naayesiga Yahwe kandi naagarramu abantu be amaani. Senakeribbu akasindikira Hezekiya ebbaruha ezirukutiinisa kumumaramu amaani. Hezekiya akatwara ebbaruha ezi omu yekaru ya Yahwe kandi yazanjurra ha nsi kwoleka ngu ekizibu eki, akikwasize Ruhanga ow’obusobozi bwona. Yahwe akagarukamu Hezekiya n’obutumwa oburukugarramu amaani kuraba omu nabbi Isaaya. Obutumwa obu bukaba burumu ebigambo binu: Senakeribbu talitaaha omu Yerusaalemu, kandi n’abasaija be tibaliteerayo akasaali.

Ekiro eki kyonyini omu bwire bw’ekiro, Yahwe akatuma malaika we omu nkambi y’Abaasura. Omu kaire kake Malaika ogu akaita abaserikale ba Senakeribbu abarukwingana 185,000. Teeramu akasisani Senakeribbu yaimuka nyenkyakara yarora emitumbi y’abaserikale be. Akagaruka omu nsi y’owabu aswaire. Hanyuma, kiro kimu obu akaba ali omu yekaru ya ruhanga we arukwetwa Nisiroki, batabanibe bonyini bakamwita.

Yahwe akaba ajunire Hezekiya n’abantu be omu mulingo ogurukuhuniiriza. Okutiinisirizibwa obu kwahoireho kandi n’oburwaire bwe bukizire, akazaara omwana omwojo. Eky’obusaasi, haroho akasumi Hezekiya obu yafookere w’emyehembo. Baitu Yahwe akamuhana kandi n’obwebundaazi Hezekiya akaikiriza okuhana oku. Nahabweki Hezekiya akaba omu ha bakama abarungi abaalemere abantu ba Ruhanga. Akooleka obumazi omu nyikara ezigumire muno kandi yaikara ali mwesigwa kuhikya obu yafiire.

Soma Ebyahandiikirwe ebirukumubazaaho:

• 2 Ekyabakama 18:1–19:37

• 2 Ekyebyomubusinge 29:1–32:33

• Isaaya 38:1–39:8

Kuleeta hamu ebiteekerezo:

Miringo ki Hezekiya ei yayolekeremu obumanzi?

Yega Ebirukukiraho

1. 1. Bintu ki abantu ebi baazoire ebirukwoleka ngu Baibuli ebi erukubazaaho Hezekiya, mananu? (w11 5/1 15 ¶1-3-wcgr) A

   Eky’okugarukamu kyawe

   

   Zev Radovan/Alamy Stock Photo

2. 2. Hezekiya akahikiiriza ata obunabbi bwa Isaaya oburukukwataho ‘enjoka ey’omurro erukuharruka’? (Is. 14:28, 29; ip-1 190-191 ¶4-6-wcgr)

   Eky’okugarukamu kyawe

3. 3. Abarukuseruliiriza ha by’omu itaka omu Nineve bakazoora ekintu ekihandiikirweho ebigambo bya Senakeribbu ekirukwoleka ebintu eby’amaani ebi yakozere. Bintu ki ebi yabalize? Kandi bintu ki ebi atarabalizeeho? Kandi habwaki eki nikihuniiriza? (g 12/10 27 ¶3-5-wcgr) B

   Eky’okugarukamu kyawe

   

   © The Trustees of the British Museum. Licensed under CC BY-NC-SA 4.0. Source

4. 4. Omu 2003, abanyasayansi bakaseruliiriza kugumya obu garaaba gali mananu ngu omukura gwa Hezekiya gukombekwa omu kasumi obu akaba naalema. Biki ebi baazoire? (w09 5/1 27 ¶3-5-wcgr)

   Eky’okugarukamu kyawe

Ebikaguzo eby’Okwecumiitirizaaho

• Ekyokurorraho kya Hezekiya nikigarramu kita amaani Abakristaayo abaine abazaire abatarukuramya Yahwe? C

  Eky’okugarukamu kyawe

  

• Kiki Hezekiya eki akaba naatwara kuba kikuru muno, Yerusaalemu obu yatiinisiriziibwe? (2 Bakam. 19:15-19) Nitusobora tuta kwegera ha kyokurorraho kye kasumi kanu?

  Eky’okugarukamu kyawe

• Noosobora ota kwegera ha bumanzi bwa Hezekiya omu bwomeezi bwawe?

  Eky’okugarukamu kyawe

Eki Birukunyegesa Hali Yahwe n’Ekigendererwa Kye

• Isomo linu nirikwegesa ki hali Yahwe?

  Eky’okugarukamu kyawe

• Ekyokurorraho kinu nikihikaana kita n’ebigendererwa bya Yahwe?

  Eky’okugarukamu kyawe

• Kiki eki waakugondeze kukaguza Hezekiya obu alihumbuuka?

  Eky’okugarukamu kyawe

Manya na Binu

Rora ebintu ebirukuhuniiriza ebyabaireho omu 2 Ekyabakama 19:14-36 omu vidiyo enu.

“Tukwesengeriize Otujune” (5:38)

Obunabbi oburukusangwa omu Mika 5:5, bukahikiirizibwa buta omu kasumi ka Hezekiya, kandi kasumi kanu nibuhukiirizibwa buta?

“Abaliisa Musanju n’Abantu Abakuru Munaana—Nibamanyisa ki ha Bwaitu Kasumi Kanu” (w13-E 11/15 18-20 ¶9-18)