Isomo 15

Kukonyera Abandi Kukora Ruhanga eby’Agonza

Habwaki osemerire kugambira abandi ebintu eby’okwega? (1)

Oha owokusobora kutebeza amakuru amarungi? (2)

Kiki engeso zawe ekizisobora kukora hali abandi? (2)

N’osobora kutebeza di n’ekitebe? (3)

1. Hati otekwa kuba oyegere ebintu ebirungi bingi kuruga omu Baibuli. Okumanya kunu kwakukuletire kukurakuraniza emiringo y’Ekikristaayo. (Abefeso 4:22-24) Okumanya nk’oku nikwetaagisibwa okukusobozesa kutunga obwomezi obutahwaho. (Yohana 17:3) Kyonka n’abandi nibenda kuhu’ra amakuru amarungi basobole kujunwa. Abakristaayo boona ab’amananu nibatekwa kutebeza abandi. Kinu kiragiro kya Ruhanga.—Abarumi 10:10; 1 Abakolinso 9:16; 1 Timoseo 4:16.

2. N’osobora kutandika kugabana nabo abakuli haihi ebintu ebirungi eby’okwega. Gambiraho ab’omunju yaawe, abanywani bawe, abegi bagenzi bawe, n’abakozi bagenzi bawe. Ba w’embabazi kandi akugumisiriza obw’okuba n’okora ekyo. (2 Timoseo 2:24, 25) Ijuka ngu abantu barora muno engeso z’omuntu kukira kuhuliriza ebyo ebyaba n’abaza. Nahabw’ekyo engeso zaawe enungi zisobora kusikiriza abandi kuhuliriza obutumwa obw’okubagambira.—Matayo 5:16; 1 Petero 3:1, 2, 16.

3. Mu bwire oburukwija osobora kuhikaana nebyetaago by’okutandika kutebereza hamu n’ekitebe ky’Abakaiso ba Yahwe ekiri omu kicweka eky’olimu. Linu idaara likuru omukukurakurana kwawe. (Matayo 24:14) Kakuraba kusemererwa kwa mani kakuba okoonyera omuntu ondi akafoka muhereza wa Yahwe kandi akatunga obwomezi obutahwaho!—1 Abasesalonika 2:19, 20.