Isomo 16

Okucwamu Kwawe Kuhereza Ruhanga

Osemerire kukora ki kuba munywani wa Ruhanga? (1, 2)

Okwehayo kwawe hali Ruhanga orakukora ota? (1)

Ora batizibwa di? (2)

N’osobora ota kutunga amani kwikara oli mwesigwa hali Ruhanga? (3)

1. Kufoka munywani wa Ruhanga, notekwa kumanya kurungi amazima ga Baibuli (1 Timoseo 2:3, 4), kwikiririza omu bintu eby’oyegere (Abaheburaniya 11:6), kwegarukamu ebibi byawe (Engeso ezabakwenda 17:30, 31), n’okuhinduka kuruga omu muhanda gw’obwomezi ogw’obaire nolibatiramu. (Engeso ezabakwenda 3:19) Okugonza okwoinakwo hali Ruhanga kwakukuletire kwehayo nambere ali. Kinu nikimanyisa ngu noraba omu kusaba kwawe habwawe oli wenka, nomugambira ngu oyehaireyo haliwe kukora ebyagonza.—Matayo 16:24; 22:37.

2. Hanyuma y’okwehayo kwawe hali Ruhanga, nosemerra kubatizibwa. (Matayo 28:19, 20) Okubatizibwa kwoleka buli omu ngu omazire ira kwehayo hali Yahwe. Nahabw’ekyo okubatizibwa kuli kwabo bonka abakuru abasobora kucwamu kuhereza Ruhanga. Omuntu obwaba nabatizibwa, omubiri gwe gwona gwina kwibikwa omu maizi kumara akaire kake.a—Marako 1:9, 10; Engeso ezabakwenda 8:36.

3. Hanyuma y’okwehayo, Yahwe nakunihiramu kuhikiriza okunihiza kwawe. (Zabuli 50:14; Omugambizi 5:4, 5) Omuhangirizi aija kulengaho kukulemesa kuhereza Yahwe. (1 Petero 5:8) Baitu hikiirra Ruhanga omu kusaba. (Abafiripi 4:6, 7) Soma Ekigambo kye buli kiro. (Zabuli 1:1-3) Gumira h’akitebe. (Abaheburaniya 13:17) Omu kukora binu byona, noija kutunga amaani kwikara oli mwesigwa hali Ruhanga. Omu mulingo gunu noija kusobora kukora ebintu Ruhanga ebyakukwetaagisa obusinge bwona!

[Akanyuunyuuzi]