Isomo 14

Omulingo Abakaiso ba Yahwe Bategekerwemu

Abakaiso ba Yahwe ab’omu bwire bunu bakatandika di? (1)

Ensorrokano z’Abakaiso ba Yahwe zebemberwa zita? (2)

Eby’enturukya birolererwa bita? (3)

Oha atwara obw’ebembezi omu buli kitebe? (4)

Nsorrokano ki enkooto ezibaho buli mwaka? (5)

Mirimo ki ekolebwa hakitebe kyabu ekikuru kandi n’omu ofiisi z’amataagi? (6)

1. Abakaiso ba Yahwe ab’obwire bunu bakatandika omu myaka ya 1870. Okubanza, bayetwaga Abegi ba Baibuli. Kyonka omu mwaka gwa 1931 bakatunga ibara Abakaiso ba Yahwe erirukuruga omu Byahandiikirwe. (Isaya 43:10) Kuruga batandika ekitebe kyabo kikuzire hati kirumu obukaikuru n’obukaikuru bw’Abakaiso abakutebeza muno omu nsi ezikuhingura omu 230.

2. Ebitebe ebikukira obwingi eby’Abakaiso ba Yahwe bisorrokana emirundi esatu buli sabiiti. N’otangirirwa kubaho omu nsorrokano ezo. (Abaheburaniya 10:24, 25) Ebirukwegesebwa nibisigiki’ra omu Baibuli. Ensorrokano zikingurwaho kandi nizikingwaho n’okusaba. ‘Ebizina eby’eby’omwoyo’ ebikurugira kimu omu mutima bizinwa omu nsorrokano ezikukira obwingi. (Abefeso 5:18, 19) Okutahamu kwabusa, kandi busayo kusoroza sente.—Matayo 10:8.

3. Ebitebe ebikukira obwingi by’esoroleza omu Kingdom Hall. Binu bikira kuba byombeko bya buli kiro eby’ombekwa Abakaiso abakoonyezi. Toija kuroora bisisani bikuramibwa, misalaba rundi bintu nk’ebyo omu Kingdom Hall. Sente ezikozesebwa ziruga omukuhayo okw’okwegondeza. Hali abo abakugonza kuhayo, habaho akasanduuko ak’okutekamu.—2 Abakolinso 9:7.

4. Omu buli kitebe, harumu abagurusi b’eby’omwoyo, rundi abarolerezi. Nibo batwara obwebembezi omu kwegesa omu kitebe. (1 Timoseo 3:1-7; 5:17) Bakonyerwaho abahereza. (1 Timoseo 3:8-10, 12, 13) Abasaija banu tibahaisanizibwa kukira abandi omu kitebe. (2 Abakolinso 1:24) Tibahebwa bitinisa by’enyahukana. (Matayo 23:8-10) Enjwara yabu teri y’enyahukana na abandi. Kandi tibasasurwa habw’omulimo ogubakora. Abagurusi bakonyera ha byetaago by’ekitebe eby’omwoyo bataina kuhambirizibwa kwona. Bagumyagumya n’okuragiirra omu bwire bw’obuzibu.—Yakobo 5:14-16; 1 Petero 5:2, 3.

5. Abakaiso ba Yahwe kandi baba n’ensorrokano enkooto buli mwaka. Omu bwire obwo ebitebe bingi ebyesoroleza hamu bigasirwa omuntekaniza eyenyahukana ey’okwegesebwa Baibuli. Okubatizibwa kw’abegeswa abahyaka kubaho omu buli rusorrokano orukooto.—Matayo 3:13-17; 28:19, 20.

6. Ekitebe ekikuru eky’Abakaiso ba Yahwe kiri omu New York. Oku nuho hali Akakurato Akalemi, ekitebe ekikuru eky’abagurusi abaina okumanya abakurolerra ekitebe omu nsi yona. Kandi haroho ofiisi z’amataagi ezikukira omu 100 kwehinguliriza ensi yoona. Omubikaro binu, abakozi abeheireyo bakoonyera okutera n’okuhereza ebitabu ebirikusoboorra Baibuli. Oburagirizi oburukukwata hantekaniza y’omulimo gw’okutebeza nabwo buhebwa. Habwaki otatekaniza kubungira ofiisi y’eitaagi ekuli haihi?