Хакимнәр

4 Ләкин Әһү́д үлгәннән соң, исраиллеләр яңадан Йәһвә күзендә начар булганны эшли башлады.+ 2 Шуңа күрә Йәһвә аларны Хасурда патшалык иткән Кәнга́н патшасы Йави́н кулына бирде.*+ Аның гаскәренең башлыгы Һаруши́т-һагаимда*+ яшәгән Сиса́р иде. 3 Исраиллеләр Йәһвәгә кычкырып ялварды,+ чөнки Йавинның* тимер чалгылы 900 хәрби арбасы+ бар иде, һәм ул исраиллеләрне 20 ел буена бик каты җәберләде.+

4 Ул чакта Исраилдә Лапиду́т хатыны Дибра́ пәйгамбәр+ хөкем итте. 5 Ул Ифраимның таулы җирендә Рама́+ белән Бәйте́л+ арасындагы Дибраның финик пальмасы астында утыра иде. Исраиллеләр Аллаһының хөкемнәрен белер өчен аның янына килә иде. 6 Ул Кәде́ш-нәфтәлидән+ булган Абинуа́м улы Баракны+ чакыртырга һәм аңа болай дип әйтергә кешеләр җибәрде: «Исраи́л Аллаһысы Йәһвә сиңа мондый әмер бирде: „Бар, Табу́р тавына мен* һәм үзең белән 10 000 Нәфтәли́ һәм Зәбулу́н кешесен ал. 7 Мин Йавин гаскәренең башлыгы Сисарны хәрби арбалары һәм гаскәрләре белән синең яныңа — Кишо́н ташкыны*+ янына китерермен һәм аны синең кулыңа бирермен“».+

8 Шунда Бара́к аңа: «Син минем белән барсаң, мин дә барырмын, ә бармасаң, мин дә бармаячакмын»,— диде. 9 Моңа ул болай диде: «Мин синең белән барачакмын. Әмма бу сугыш сиңа дан китермәс, чөнки Йәһвә Сисарны бер хатын кулына бирәчәк».+ Аннары Дибра, торып, Барак белән Кәдешкә+ китте. 10 Барак Зәбулун һәм Нәфтәлине+ Кәдешкә чакырды, һәм аңа 10 000 кеше иярде. Дибра да аның белән барды.

11 Кәйниле Хәби́р исә кәйнилеләрдән+ — Мусаның каенатасы+ Хобабның токымнарыннан аерылган иде. Аның чатыры Кәдеш янындагы Сагананимда, зур агач янында корылган иде.

12 Сисарга Абинуам улы Баракның Табур тавына+ менеп киткәнен хәбәр иттеләр. 13 Сисар шундук Кишон ташкыны*+ янына барыр өчен халыклар Һарушитыннан бөтен хәрби арбаларын — тимер чалгылы 900 хәрби арбасын һәм үзе белән булган бөтен гаскәрләрен җыйды. 14 Дибра исә Баракка болай диде: «Күтәрел, чөнки бүген Йәһвә Сисарны синең кулыңа бирәчәк. Әллә Йәһвә синең алдан бармыймы?» Барак үзенә ияргән 10 000 кеше белән Табур тавыннан төште. 15 Шунда Йәһвә Баракның кылычы алдында Сисарны, аның бөтен хәрби арбаларын һәм бөтен гаскәрен каушатты.+ Ахыр чиктә Сисар үзенең арбасыннан төште дә качып китте. 16 Ә Барак хәрби арбалар һәм гаскәр артыннан Һарушит-һагаимга кадәр куа барды. Шулай итеп Сисарның бөтен гаскәре кылычтан һәлак булды, берсе дә калмады.+

17 Сисар исә кәйниле Хәбирнең+ хатыны Йаиләнең+ чатырына качты, чөнки Хасу́р патшасы Йавин+ һәм кәйниле Хәбир йорты арасында дошманлык юк иде. 18 Шунда Йаилә́ Сисарны каршы алырга чыкты һәм аңа: «Кер, хуҗам, кер монда. Курыкма»,— диде. Ул аның чатырына керде, һәм Йаилә аны япма белән каплады. 19 Шулчак Сисар аңа: «Миңа эчәргә әзрәк су бирче, бик сусадым»,— диде. Тегесе сөт салынган турсыкны ачып, аңа эчәргә бирде,+ аннары Сисарны кабат каплап куйды. 20 Сисар аңа: «Чатырның керү урыны янына бас һәм берәрсе килеп, синнән: „Монда берәр кеше бармы?“ — дип сораса: „Юк!“ — дип әйт»,— диде.

21 Ләкин Хәбирнең хатыны Йаилә кулына чатыр казыгы белән чүкеч алды һәм тегесе хәлсезләнеп каты йоклаган чакта, шым гына аның янына килде дә казыкны аның чигәсенә куеп җиргә кадәр кагып кертте, һәм тегесе үлде.+

22 Барак Сисарны куып анда килгәч, Йаилә аны каршы алырга чыкты һәм: «Әйдә, син эзләгән кешене күрсәтәм»,— диде. Ул аның белән керде һәм чигәләре аша казык кагылган Сисарның үле килеш ятуын күрде.

23 Шулай итеп, ул көнне Аллаһы Кәнган патшасы Йавинны исраиллеләргә буйсындырды.+ 24 Исраиллеләрнең кулы Кәнган патшасы Йавинга каршы көчәйгәннән-көчәя барды,+ һәм алар Кәнган патшасы Йавинны юк итте.+