Go Tokafatsa Bokgoni Jwa Rona mo Bodireding—Go Kgothaletsa ba ba Kgatlhegelang Boammaaruri go Tla Dipokanong

GORENG GO LE BOTLHOKWA: Dipokano di re naya tshono ya go ‘opelela Jehofa’ le go mo ‘baka’ ka metlha. (Pes 149:1) Kwa dipokanong, re rutiwa go dira thato ya Modimo. (Pes 143:10) Baithuti ba Baebele le batho ba ba kgatlhegang gantsi ba gatela pele ka bonako fa ba simolola go ya dipokanong.

SE O KA SE DIRANG:

• Laletsa motho ka bonako jo bo ka kgonegang. Ga o tlhoke go emela gore motho yoo e nne thuto ya Baebele pele o ka mo laletsa.—Tsh 22:17

• 

  Tlhalosetsa motho yo o kgatlhegang gore go diragalang kwa dipokanong le gore go tla bo go tlotliwa ka eng kwa pokanong e e latelang. Dilo tse di ka go thusang mo ntlheng eno: taletso ya dipokano tsa phuthego, bidio ya Go Dirwang Kwa Holong ya Bogosi?, le thuto 5 le thuto 7 tsa boroutšhara jwa Thato ya ga Jehofa

• 

  Mo thuse. A motho yo o kgatlhegang o tlhoka sepalangwa go ya dipokanong kgotsa o tlhoka thuso ka go tlhopha diaparo tse di siameng? Dula le ene kwa dipokanong mme lo dirise dikgatiso tsa gago mmogo. Dira gore a itsane le ba bangwe mo phuthegong