Dipuisano Tse Re ka Di Dirisang

Potso: Batho bangwe ba re Jesu ga a ise a tsamaye a nne gone mo lefatsheng mme ba bangwe ba dumela gore o kile a nna gone. Ba bangwe ba re ga ba a tlhomamisega. Wena o a reng?

Fa o mo naya kgatiso: Makasine ono wa Tsogang! o sekaseka bosupi jo bo ka thusang mo kgannyeng eno.

Potso: Go diragalang ka rona fa re swa?

Temana: Joh 11:11-14

Boammaaruri: Fa motho a swa, botshelo jwa gagwe bo a fela. Ka jalo ga re tlhoke go tshoga gore re tlile go ya diheleng. Jesu o ne a re loso lo tshwana le boroko. Jesu o ne a tsosa Lasaro, ka tsela e e tshwanang o kgona go tsosa batho ba re ba ratang ba ba suleng gore ba tle go itumelela botshelo mo lefatsheng gape.—Job 14:14.

Fa o mo naya kgatiso: Nka rata go go laletsa go tla go utlwa puo ya mahala ya Baebele. E tla bo e tshwaretswe kwa lefelong la rona la kobamelo kwa Holong ya Bogosi. [Mo neye taletso, mmontshe nako le kwa dipokano di tla bo di tshwaretswe teng o bo o mmolelela setlhogo sa puo ya phatlalatsa.]

Potso: A o kile wa ya Holong ya Bogosi? [Fa seemo se go letla, mmontshe bidio ya Go Dirwang Kwa Holong ya Bogosi?]