Bothata Jwa go Adima

“Bothata jwa go adima madi ke gore gangwe fela fa motho a sena go nna le one, motho ka mo go sa tilegeng o simolola go a tsaya jaaka a gagwe. Motho o tlwaelana le one, o a tshwara jaaka lelapa mme a ka nna a bo a galefisiwa kana a lebala lebaka la gore letsatsi lengwe otlhe a tshwanetse go etela motho mongwe o sele. Go adima go motlhofo. Go busa ke gone go gobatsang.” Go begile jalo Parade, makasine wa lekwalo-dikgang la Sontaga, malebana le bothata jwa tlhaloganyo ka go adima madi.

Lefa go ntse jalo, go na le mo gontsi ka gone go feta matswela mo tlhaloganyong. Gape go na le matswela a boitsholo​—patelesego ya go busa seo se adimilweng. Ka jalo, re dira sentle go gakologelwa pono ya ga Jehofa ka yo o sa buseng seo a se adimang. Lefoko la Modimo le bolela jaana: “Moikepi o tla a adime, me a seka a bose.”​—Pesalema 37:21.