MAKASINE O O ITHUTIWANG

Batho ba ga Jehofa ba itumelela kagiso e e mo phuthegong ya Modimo. Re ka bontsha jang gore re anaanela thata go nna karolo ya thulaganyo eno ya kobamelo ya boammaaruri, mme ke eng se mongwe le mongwe wa rona a ka se dirang go atolosa kagiso eno? Setlhogo seno se tla araba dipotso tseno.

Setlhogo seno se tla sekaseka ditiragalo dingwe tse di itumedisang tse di tla diregang mo isagweng. Gape re tla ithuta lebaka la go bo re tla ikanya Jehofa ka botlalo ka nako ya pitlagano e kgolo.

Batho ba le bantsi mo lefatsheng leno la ga Satane ba ikanyega mo nageng, mo dingwaong le mo ditsong tsa bone. Mme rona re solofeditse Jehofa gore re tla ikanyega mo go ene. Setlhogo seno se tla sekaseka lebaka la go bo re sa tseye letlhakore mo dikgogakgoganong tsa lefatshe leno le kafa re ka ithapisang ka gone gore re akanye ka tsela e Jehofa le Jesu ba akanyang ka yone.

Go ralala lefatshe, batho ba ga Jehofa ba kopana mo Diholong Tsa Bogosi le mo dikagong tse dingwe. Mo setlhogong seno, re tla sekaseka melaometheo ya Baebele e e re rutang gore re tlotle mafelo ano, re a tshegetse ka meneelo le go a tlhokomela gore re kgone go galaletsa Jehofa.