Manaene​—Dira Gore go Direla Jehofa go Tle Pele

Manaene e ne e le mongwe wa bakaulengwe ba ba neng ba eteletse pele kwa phuthegong ya bogologolo ya kwa Antioka. O ne “a rutilwe ka nako e le nngwe le Herode yo o neng a busa kgaolo eo.” (Dit. 13:1) Ka jalo, Manaene o ne a rutegile fela thata e bile a ka tswa a ne a goletse mo lelapeng le le humileng.

Le fa Manaene a godisitswe jalo, o ne a tlhopha go nna Mokeresete le go ema phuthego nôkeng. Ga a ka a dirisa thuto e a neng a na le yone kgotsa go itse batho ba ba nang le maemo go itlotlomatsa. Go na le moo, o ile a dira ka natla go thusa bakaulengwe ba gagwe.

Se Manaene a se dirileng, se re bontsha gore go direla Jehofa go botlhokwa thata go na le go leka go tuma kgotsa go nna le madi a mantsi. Fela jaaka Manaene, re tshwanetse go dira gore go direla Jehofa e nne selo sa botlhokwa mo matshelong a rona go na le go leka go tuma kgotsa go nna le madi a mantsi. (Math. 6:33) Mo godimo ga moo, tota le fa re tsaya thuto e le botlhokwa, re dira gore “dilo tse di botlhokwa thata” di tle pele e bile re tlhomamisa gore dilo tse dingwe ga di re kgoreletse go obamela Jehofa.​—Bafil. 1:9, 10.