BOTSHELO JWA BOKERESETE

Dikarolo Tse di Thusang mo Kgatisong ya Itumelele go Tshelela Ruri!

A o itumelela go dirisa dibidio le dipotso tse di mo bukeng ya Itumelele go Tshelela Ruri!? O ikutlwa jang ka dikarolo tseno “Batho Bangwe ba Re,” “Leka go Dira Seno” le “Dintlha Tse Dingwe”? Ke dikarolo dife tse o akanyang gore di ka go thusa fa o ithuta Baebele le mongwe?—Mat 28:19, 20.

Buka ya “Itumelele go Tshelela Ruri!” mo app ya “JW Library.” Setshwantsho se bontsha karolo ya “Dikgatiso Tse di Tlhagang mo Karolo 1.”

Dikgatiso: Fa e le gore o batla go tshwara thuto ya Baebele o dirisa buka e e gatisitsweng, o ka dira eng gore o bone dibidio tsotlhe le dikgatiso tse dingwe motlhofo? Mo bukeng ya ileketeroniki, tlhopha karolo e o e batlang mo go tse nnê. Mo karolong eo, ya kwa tlase ga ditlhogo tsa dithuto, o bo o tobetsa mo go kwadilweng dikgatiso tse di tlhagang mo karolong eo go bona dikgatiso tsotlhe. (Bona setshwantsho 1.)

Setting ya “Printed Edition”: Fa o ithuta le mongwe o dirisa sedirisiwa sa ileketeroniki, gongwe go ka nna molemo gore o dirise setting ya “Printed Edition” fa lo ntse lo ithuta. Fa o ntse o le mo thutong, tobetsa didoto tse tharo tse di fa godimo kafa mojeng, go tswa foo o bo o tobetsa “Printed Edition.” Fa o kgona go bona gore kgatiso eno e ntse jang fa e printilwe, seno se tla go thusa go bona gore ntlha e lo tlotlang ka yone e amana jang le setlhogo sa thuto. Fa o batla go boela kwa setting ya ileketeroniki, tobetsa didoto tse tharo gape, go tswa foo o bo o tobetsa “Digital Edition.”

Buka ya “Itumelele go Tshelela Ruri!” mo app ya “JW Library.” Setshwantsho se bontsha mo re tshwanetseng go tobetsa gone gore re ye kwa lebokosong la “A ke Setse ke Siame?” le kwa karolong ya “Dintlha Tse di Kwa Bofelong.”

“A ke Setse ke Siame?”: Mabokoso a a kwa bofelong jwa karolo 4 a umaka dilo tse di tlhokegang gore motho yo o ithutang Baebele a kgone go rera le go kolobediwa. (Bona setshwantsho 2.)

Dintlha Tse di Kwa Bofelong: Dintlha tse di kwa bofelong di na le tshedimosetso e e oketsegileng ka dintlha dingwe tse di botlhokwa. Buka ya ileketeroniki e na le linki kwa bofelong jwa ntlha nngwe le nngwe e e tla go busetsang kwa lo feleleditseng gone. (Bona setshwantsho 2.)

Fa motho yo o ithutang le ene a ka kolobediwa lo ise lo fetse go bala buka ya Itumelele go Tshelela Ruri!, lo tshwanetse go tswelela lo ithuta go fitlha a e fetsa. Fa a sena go kolobediwa, o ka tswelela o bega nako, maeto a go boela le thuto. Fa mmoledi mongwe a tsamaya le wena mme a nna le seabe mo thutong, le ene a ka bega nako eo.