Dintlhakgolo Tsa Tirelo ya Tshimo

Ka Mopitlwe baboledi ba ba mo tshimong e e tlhokometsweng ke lekala la Afrika Borwa ba dirile ka natla mo bodireding mme bontsi jwa bone ba ne ba tsenela bobulatsela jo bo thusang. Namibia e nnile le tlhora e ntšha ya baboledi ba le 2 265 e e fetang palogare ya 2013 ka diperesente di le 14. Re itumelela go lo itsise gore ke lekgetlo la ntlha palo ya baboledi mo Afrika Borwa e feta 95 000 e leng tlhora e ntšha ya 95 553. Bakaulengwe le bokgaitsadi ba ka nna 12 000 ba ne ba nna babulatsela ba ba thusang. E kete Jehofa a ka tswelela a segofatsa maiteko a rona a go ‘mmaka letsatsi lotlhe.’—Pes. 44:8.