Thulaganyo ya Pokano ya Tirelo

Beke e e Simololang ka September 11

Pina 20

10 mets: Dikitsiso tsa phuthego. Dikitsiso tse di tlhophilweng go tswa go Tirelo ya Rona ya Bogosi. Kgothaletsa mongwe le mongwe go lebelela bidio ya Young People Ask—How Can I Make Real Friends? gore ba ipaakanyetse fa e tla bo e tlotlwa mo Pokanong ya Tirelo ka beke ya September 25. Dirisa dikakantsho tse di mo tsebeng ya 8 kgotsa dipuisano tse dingwe tse di tshwanelang tshimo ya lona go dira dipontsho tsa gore Tora ya Tebelo ya September 15 le Tsogang! ya September di ka tsamaisiwa jang. Mo go nngwe ya dipontsho, bontsha kafa o ka arabang ka gone fa motho a kgoreletsa puisano ka gore “Ke na le bodumedi jwa me.”—Bona buka ya Go Fetolana, ts. 18-19.

20 mets: Solegelwa Molemo ke Pokano ya Tirelo le Sekolo sa Bodiredi sa Puso ya Modimo. Puo le motlotlo le bareetsi o o theilweng mo bukeng ya Re Rulaganyeditswe go Dira Thato ya ga Jehofa, go tswa mo setlhogwaneng se se mo tsebeng ya 64 go ya mo go se se mo tsebeng ya 69.

15 mets: Lekwalo le le tswang kwa lekaleng. Puo le motlotlo le bareetsi o o theilweng mo lekwalong le le mo tsebeng ya ntlha ya kgatiso eno ya Tirelo ya Rona ya Bogosi.

Pina 126 le thapelo e e konelang.

Beke e e Simololang ka September 18

Pina 213

5 mets: Dikitsiso tsa phuthego.

15 mets: Re Dirile Jang Ngongola? Molebedi wa tirelo o sekaseka tiro e e dirilweng mo ngwageng o o fetileng wa tirelo, a gatelela dilo tse di molemo tse di dirilweng mo bodireding. Akgola botlhe ka tsela e e tshwanetseng. Umaka ntlha e le nngwe kgotsa di le pedi tse di tlhokang gore go tokafadiwe mo go tsone mo ngwageng o o tlang. Akgela ka tiro e babulatsela ba e dirileng, mme o ba akgolele tiro ya bone e e molemo. Umaka dilo tse di molemo tse di ileng tsa fitlhelelwa ka ntlha ya maiteko a a ileng a dirwa a go thusa ba ba tsidifetseng.

25 mets: “Letsholo le le Kgethegileng ka October 16–November 12!” Motlotlo o o matlhagatlhaga ka mogolwane. Fa o sena go bala kitsiso e e mo lekwalong le le kwaletsweng setlhopha sa bagolwane la June 6, 2006, dira gore mmoledi mongwe le mongwe yo o leng gone a newe pampitshana e le nngwe ya Dikgang Tsa Bogosi No. 37. Morago ga moo tswelela ka motlotlo wa dipotso le dikarabo. Tlhalosa dithulaganyo tse di dirilweng go bereka tshimo yotlhe ya lona. Kgothaletsa baboledi botlhe go nna le seabe ka botlalo mo letsholong leno. Dira pontsho e khutshwane.

Pina 50 le thapelo e e konelang.

Beke e e Simololang ka September 25

Pina 94

10 mets: Dikitsiso tsa phuthego. E neelwe ke molebedi wa tirelo. Bala pego ya diakhaonto le makwalo ape a a bontshang gore moneelo wa lona o amogetswe. Gakolola baboledi go tlisa dipego tsa tirelo ya tshimo tsa September. Tlotla ka dithulaganyo tsa tshimo e e sa abiwang tsa October. Eno ke kgwedi ya bofelo ya letsholo la tshimo e e sa abiwang. Kgothaletsa botlhe go nna le seabe ka botlalo. Diphuthego di kgothalediwa go fetsa go bereka tshimo e e sa abiwang ka October 15, ka ntlha ya letsholo le le kgethegileng la go tsamaisa pampitshana. Dirisa dikakantsho tse di mo tsebeng ya 8 kgotsa dipuisano tse dingwe tse di tshwanelang mo tshimong ya lona go bontsha gore Tora ya Tebelo ya October 1 kgotsa Tsogang! ya October e ka tsamaisiwa jang fa o neela bosupi mo mmileng.

25 mets: “Bidio e re Tlhokang go e Akanyetsa ka Kelotlhoko.”a Fa o tlotla ka serapa sa ntlha, kopa phuthego gore e akgele ka bokhutshwane ka bidio ya Young People Ask—How Can I Make Real Friends? Morago ga moo botsa potso nngwe le nngwe mo serapeng sa 2-7. Kwa bofelong, kgothaletsa malapa go lebelela mmogo DVD ya Young People Ask—What Will I Do With My Life?

10 mets: Maitemogelo a lefelo la lona. Kopa bareetsi go bolela maitemogelo a ba nnileng le one fa ba tsamaisa makasine o o kgethegileng wa Tsogang! kgotsa fa ba simolola dithuto tsa Baebele mo loetong lwa ntlha ba dirisa buka ya Baebele e Ruta Eng? Go ka nna ga dirwa pontsho e le nngwe kgotsa di le pedi tsa maitemogelo a a kgatlhang thata.

Pina 183 le thapelo e e konelang.

Beke e e Simololang ka October 2

Pina 36

10 mets: Dikitsiso tsa phuthego. Tlotla ka Lebokoso la Dipotso.

15 mets: Dilo tse phuthego e tlhokang go di ela tlhoko.

20 mets: “Go Neela Bosupi ka Ntlo le Ntlo.”b Fa nako e letla, kopa bareetsi go akgela ka ditemana tse di umakilweng.

Pina 127 le thapelo e e konelang.

[Dintlha tse di kwa tlase]