Thulaganyo e Ntšha ya Kopano e e Kgethegileng ya Letsatsi le le Lengwe

Mo malatsing ano, go na le tshedimosetso e e seng kana ka sepe ya gore re ka boloka jang pelo ya rona e itekanetse sentle gore re kgone go tshela botshelo jo boleele le jo bo itumedisang. Botsogo jwa pelo ya rona ya tshwantshetso bo botlhokwa le go feta. A bo setlhogo sa thulaganyo ya kopano e e kgethegileng ya letsatsi le le lengwe e e simololang ka September 2003 se tshwanela jang ne fa se re: “Go direla Jehofa ka Pelo e e Feletseng.” (1 Ditir. 28:9) Ke eng se re ka lebelelang pele go se ithuta?

Molebedi wa potologo o tla tlotla ka setlhogo se se reng: “Go Thusa ba Bangwe go Direla Jehofa ka Moya o o Itumetseng.” Dipotsolotso di tla bontsha kafa go itumedisang ka gone go dira gore batho ba kgatlhege le go tshwarela ba ba batlang go direla Jehofa dithuto tsa Baebele. Ga go pelaelo gore botlhe ba ba tla bong ba le gone ba tla gomodiwa le go kgothadiwa ke puo ya ntlha ya sebui se se etileng, ya setlhogo se se reng “Go Sireletsa Dipelo Tsa Rona mo Lefatsheng le le Tletseng Matshwenyego.” Thulaganyo ya mo mosong e tla konelwa ka puo ya kolobetso.

Thapama, puo ya setlhogo se se reng “Go Nna le Moya wa go Thusa” e tla tlotla ka ditsela tse re ka thusang ba bangwe ka tsone. Batsadi ba ka dirang go sireletsa dipelo tsa bana ba bone mo ditlhotlheletsong tse di bosula le go ba thusa go atamalana thata le Jehofa? Puo ya setlhogo se se reng “Thusa Bana ba Gago go Rata Jehofa” e tla re naya dikakantsho tse di mosola mme e tla bontsha kafa seno se ka dirwang ka gone.

A re sola molemo sengwe le sengwe se Jehofa a se re nayang gore re boloke pelo ya rona ya tshwantshetso e itekanetse sentle e bile e nonofile? Puo ya bofelo ya sebui se se etileng, ya setlhogo se se reng “Nna o Direle Jehofa ka Pelo e e Feletseng,” e tla tlotla ka ditsela di le nnè tse di botlhokwa tsa kafa re ka itlhokomelang semoyeng ka gone. Re dirisa nako le boiteko tse di kana kang go rapela ka tlhoafalo, go ithuta Lefoko la Modimo, go rera ka tlhoafalo le go kopana mmogo le Bakeresete ba bangwe? A go na le epe ya ditsela tse nnè tseno e re ka tokafatsang mo go yone?

Jehofa o re laletsa a re: “Tlisa pelo ya gago mo kotlhaong le tsebe ya gago kwa mafokong a kitso.” (Dia. 23:12) Dira dithulaganyo gone jaanong tsa gore o nne teng mo letsatsing leno la go rutwa dilo tse di tswang mo Dikwalong. Go dira jalo go tla go nonotsha gore o tswelele o direla Jehofa ka pelo e e feletseng le ka moya o o itumetseng.