Thulaganyo ya Pokano ya Tirelo

Beke e e Simololang ka February 10

Pina 4

10 mets: Dikitsiso tsa phuthego. Dikitsiso tse di tlhophilweng go tswa go Tirelo ya Rona ya Bogosi. Kgothaletsa botlhe go lebelela bidio ya Faithful Under Trials—Jehovah’s Witnesses in the Soviet Union gore ba ipaakanyetse fa e tla bo e tlotlwa mo Pokanong ya Tirelo ya beke ya February 24. Mo mafelong a selegae bagolwane ba tshwanetse ba leka go dira gore malapa a a se nang didirisiwa tsa bidio a bontshiwe bidio eno. Ba ka dira seno ka go rulaganyetsa gore go lebelelwe bidio eno kwa Holong ya Bogosi mo maitseboeng a e seng a dipokano kana e lebelelwe morago ga thuto ya buka. Le fa go ntse jalo, bidio eno ga e a tshwanela go lebelelwa mo boemong jwa puo ya phatlalatsa. Diphuthego tsa kwa magaeng tse di se nang didirisiwa tsa bidio gore ba kgone go lebelela bidio eo di ka nna tsa dirisa nako eno go tlotla ka dilo tse phuthego e tshwanetseng go di ela tlhoko. O dirisa dikakantsho tse di mo go tsebe 8 dira dipontsho tse pedi tse di farologaneng o bontsha kafa go ka tsamaisiwang Tora ya Tebelo ya February 15 le Tsogang! ya March 8 ka teng. Mo pontshong nngwe le nngwe dimakasine tseno di tsamaisiwe mmogo le mororo go bueletswe o le mongwe fela.

35 mets: “Rera O bo O Neele Bosupi ka Botlalo.”a E neelwe ke molebedi wa tirelo. Kgothaletsa botlhe ba ba ka kgonang gore ba tseye bobulatsela ka March le April. Kopa ba ba neng ba tsaya bobulatsela mo pakeng e e fetileng ya Segopotso gore ba akgele. Ba rulagantse dilo jang gore ba kgone go bula tsela? Ba ne ba tshwanelwa ke go dira maiteko afe le diphetogo dife? Ba ne ba nna le boitumelo bofe le masego afe? Tlotla ka sekai sa dithulaganyo se se mo lebokosong le le mo tsebeng ya 4. Itsise gore diforomo tsa bobulatsela jo bo thusang di tla bo di le gone morago ga dipokano.

Pina 30 le thapelo e e konelang.

Beke e e Simololang ka February 17

Pina 48

10 mets: Dikitsiso tsa phuthego. Pego ya diakhaonto. Tlotla ka dikgatiso tse di tla tsamaisiwang ka March. Umaka kakantsho e le nngwe kana di le pedi tsa go tsamaisa buka ya Kitso, o dirisa dintlha tse di mo tsenyeletsong ya Tirelo ya Rona ya Bogosi ya January 2002. Gatelela mokgele wa go simolola dithuto tsa magae tsa Baebele.

35 mets: “Go Solegelwa Molemo ka Botlalo ke Kopano ya Kgaolo ya ‘Baboledi ba ba Tlhoafetseng ba Bogosi.’” E neelwe ke motshwari wa Thuto ya Tora ya Tebelo. Morago ga matseno a motsotso, tlotla le bareetsi ka thulaganyo ya kopano ya kgaolo, o dirisa dipotso tse di mo setlhogong seno. Rulaganya nako ya gago sentle. O ka nna wa akgela ka bokhutshwane go gakolola bareetsi dintlha tsa konokono. Fa go tshwanela, botsa bareetsi gore ba ntse ba dirisa jang se ba se ithutileng le gore go se dirisa go ba solegela molemo jang.

Pina 57 le thapelo e e konelang.

Beke e e Simololang ka February 24

Pina 74

10 mets: Dikitsiso tsa phuthego. Gakolola baboledi go tlisa dipego tsa bone tsa tirelo ya tshimo tsa February. Dirisa dikakantsho tse di mo go tsebe 8 go dira dipontsho tse pedi tse di farologaneng o bontsha kafa go ka tsamaisiwang Tora ya Tebelo ya March 1 le Tsogang! ya March 8 ka teng. Mo pontshong nngwe le nngwe dimakasine tseno di tsamaisiwe mmogo le mororo go bueletswe o le mongwe fela.

10 mets: “Thuso ka Nako e e Tshwanetseng.” Puo ka mogolwane. Gatelela gore maiteko a a kgethegileng a a dirwang go thusa ba ba tsidifetseng a bontsha kafa Jehofa a amegang ka lorato ka gone ka batho ba gagwe.

25 mets: “Bidio e e Sedimosang e Bile e Ama Maikutlo!” Di tloga fela tlotla le bareetsi ka bidio ya Faithful Under Trials, o dirisa dipotso tse di mo setlhogong seno. Rulaganya nako ya gago sentle gore mo potsong ya bofelo o dire gore go ntshiwe dikakgelo tse dintsinyana. Konela ka go bala lebokoso le le mo tsebeng ya 192 ya 2002 Yearbook.

Pina 56 le thapelo e e konelang.

Beke e e Simololang ka March 3

Pina 14

10 mets: Dikitsiso tsa phuthego.

15 mets: “A o Ka Bula Legae la Gago?” Puo ka molebedi wa thuto ya buka. Akaretsa dikakgelo tse di mo Mabokosong a Dipotso a Tirelo ya Rona ya Bogosi ya April 2001 le ya May 1991 (CD-ROM February 1990). Umaka palo ya ditlhopha tsa thuto ya buka tse phuthego e nang le tsone le palogare ya ba ba nnang gone. Dira gore mmoledi a le mongwe kgotsa ba le babedi ba bolele kafa malapa a bone a solegetsweng molemo ka gone ka go bo go tshwarelwa thuto ya buka mo legaeng la bone. Mongwe le mongwe yo o ka ratang gore legae la gagwe le dirisiwe o tshwanetse go bolelela molebedi yo o okamelang ka seno.

20 mets: “Ke Eng se se Botlhokwa Thata mo go Wena?”b Rulaganya go sa le gale gore mmoledi a le mongwe kgotsa ba le babedi ba akgele kafa ba ileng ba fetola maemo a bone ka gone gore ba kgone go nna le seabe se segolwane mo bodireding.

Pina 127 le thapelo e e konelang.

[Dintlha tse di kwa tlase]