Thulaganyo Ya Pokano Ya Tirelo

Beke e e Simololang ka July 8

Pina 201

15 mets: Dikitsiso tsa phuthego ya lona. Dikitsiso tse di tlhophilweng go tswa go Tirelo ya Rona ya Bogosi. Molebedi wa tirelo o tlotla ka dithulaganyo tsa tshimo e e sa abiwang. Boeletsang lekwalo la May 30, 2002, le le buang ka tshimo e e sa abiwang, mpho ya buka, matlha, lefelo le le tlileng go berekiwa, marobalo le dithulaganyo tsa loeto lwa go ya koo. A bangwe ba ka tsaya bobulatsela jo bo thusang? Diphuthego tse di sa yeng kwa tshimong e e sa abiwang di tshwanetse go tlotla ka dithulaganyo tsa go bereka tshimo e e berekiwang sewelo. O dirisa dikakantsho tse di mo go tsebe 4, dira gore go nne le dipontsho tse pedi tsa ka fa go ka tsamaisiwang Tora ya Tebelo ya July 15 le Tsogang! ya August 8. Mo pontshong nngwe le nngwe bontsha tsela e e farologaneng ya go bontsha gore o ka araba jang motho yo o kgoreletsang puisano a re, “Le rona re setse re le Bakeresete fano.”—Bona buka ya Go Fetolana, tsebe 19.

10 mets: Lebokoso la Dipotso. Puo ka mogolwane, dira gore e tshwanele phuthego ya lona.

20 mets: Go Ipaakanyetsa go Neela Bosupi jo e Seng Jwa ka Tlwaelo. Motlotlo le bareetsi ka buka ya Bodihedi Jwa Rona, ditsebe 93-4. O dirisa dikakantsho tse di mo tsebeng ya ntlha ya tsenyeletso ya Tirelo ya Rona ya Bogosi ya January 2002, dira dipontsho di le pedi kgotsa di le tharo tse di khutshwane tsa ka fa o ka neelang bosupi jo e seng jwa ka tlwaelo ka gone mo mothong yo o sa mo itseng, mo moagelaning, mongwe wa losika kgotsa mongwe yo o mo tlwaetseng.

Pina 139 le thapelo e e konelang.

Beke e e Simololang ka July 15

Pina 144

10 mets: Dikitsiso tsa phuthego ya lona. Pego ya diakhaonto.

15 mets: Dilo tse phuthego ya lona e tlhokang go di ela tlhoko.

20 mets: Mabaka a a Utlwalang A go Bo re Tshwanetse go Dirisa Baebele mo Bodireding Jwa Rona. Puo le motlotlo le bareetsi. Jesu o ne a itse Dikwalo mme gangwe le gape o ne a di nopola fa a ruta. (Luke 24:27, 44-47) Dilo tse a neng a di ruta di ne di sa tswe mo go ene. (Joh. 7:16-18) Go botlhokwa gore le rona re dirise Lefoko la Modimo. Le maatla go feta selo le fa e ka nna sefe se re ka se buang. (Joh. 12:49, 50; Baheb. 4:12) Ba ba peloephepa ba ngokwa ke kgomotso le tsholofelo tse di fitlhelwang mo Dikwalong. Itirele mokgele wa go bala le fa e ka nna temana e le nngwe fela ya Baebele fa o buisana le ba bangwe. Bontsha gore mo dikakantshong tsa kgwedi eno tsa go tsamaisa dimakasine, go na le dikwalo tse o ka di dirisang. Kopa bareetsi gore ba tlhalose gore ba ntse ba dirisa jang Baebele mo bodireding le matswela a seo se nnileng le one mo go bone le mo go ba ba ba rerelang.

Pina 215 le thapelo e e konelang.

Beke e e Simololang ka July 22

Pina 47

10 mets: Dikitsiso tsa phuthego ya lona. Motsadi le ngwana ba bereka mmogo mo tirelong mme ba bontsha ka fa go ka dirisiwang dikakantsho tse di mo go tsebe 4 tsa go tsamaisa makasine wa August 1, le wa August 8. Yo mongwe wa bone o buelela Tora ya Tebelo mme yo mongwe o buelela Tsogang! Kgothaletsa batsadi go tswelela ba thapisa bana mo bodireding.

17 mets: O Tla Reng mo Mothong Yo o Go Botsang ka Bodumedi Jwa Boiselamo? Puo le pontsho. O dirisa buka ya Matsapa a a Tserweng ke Motho go Batla Modimo, kgaolo 12, tlhalosa ka bokhutshwane dilo tse Baebele le Koran di tshwanang ka tsone. (Bona lebokoso le le mo go tsebe 285.) Bontsha ka fa thuto ya Boiselamo e farologanang le tlhaloso ya Baebele (Bona mokwalo o o kwa tlase mo go tsebe 299.) ka gone fa di bua ka moya (ditsebe 297-300). O dirisa buka ya Go Fetolana, ditsebe 295-9, dira pontsho ya ka fa o ka tlhalosetsang motho yo o sa tswang go kgatlhegela se Baebele e se buang ka moya.

18 mets: Nka Tila Jang Dikotsi Tsa Internet? Puo le motlotlo le bareetsi o o theilweng mo makasineng wa Tsogang! ya February 8, ditsebe 19-21. Bontsha dikotsi tse di ka nnang teng fa motho a sa laole tsela e a dirisang Internet ka yone, mme o tlhalose gore re ka tila serai seno jang. Kopa bareetsi go tlhalosa gore kgakololo eno e ba solegetse molemo jang.

Pina 61 le thapelo e e konelang.

Beke e e Simololang ka July 29

Pina 54

10 mets: Dikitsiso tsa phuthego ya lona. Gakolola baboledi gore ba neye molebedi wa thuto ya bone ya buka ya phuthego dipego tsa bone tsa tirelo ya tshimo tsa July. Tlotla ka dithulaganyo tsa bofelo tsa tshimo e e sa abiwang e e tla simololang ka August 1, 2002.

10 mets: “Thulaganyo e Ntšha ya Kopano ya Potologo.” Puo. Itsise letlha la kopano e e latelang ya potologo. Kgothaletsa botlhe gore ba nne gone ba bo ba reetse thulaganyo ka kelotlhoko. Kgothaletsa baboledi ba ba sa kolobediwang gore ba akanyetse go tshwanelegela kolobetso. Dira boiteko jo bo kgethegileng jwa go laletsa ba o ithutang Baebele le bone.

25 mets: “Go Kopanngwa Mmogo ka Kutlwano.”a Fa o tlotla serapa 3, akaretsa dikakgelo tsa Tsogang! ya May 8, 2000, ditsebe 17-19. Fa o tlotla serapa 4, akaretsa dikakgelo tse di mo makasineng wa Tora ya Tebelo ya April 1, 1995, ditsebe 16-17, dirapa 4-6.

Pina 81 le thapelo e e konelang.

Beke e e Simololang ka August 5

Pina 38

10 mets: Dikitsiso tsa phuthego ya lona.

20 mets: “Go Phutha Batho ba Dipuo Tsotlhe.”b Akaretsa dikakgelo tse di mo makasineng wa Tora ya Tebelo ya April 1, 2002, tsebe 24. Fa go tshwanela, tlhalosa ka bokhutshwane gore go ntse go dirwang go thusa batho ba ba mo tshimong ya lona ba ba buang dipuo di sele, mme o dire pontsho ka puisano e e mo go serapa 4.

15 mets: Maitemogelo a mo phuthegong ya lona a a tlhokang go baakanyediwa go sa le gale. Kopa bareetsi go tlhalosa maitemogelo mangwe a a agang a a amanang le go ya kopanong ya potologo kgotsa kopano e e kgethegileng ya letsatsi le le lengwe, go nna mmulatsela yo o thusang, go aga Diholo Tsa Bogosi kgotsa go nna le seabe mo ditirong dingwe tsa semoya.

Pina 184 le thapelo e e konelang.

[Dintlha tse di kwa tlase]