Dikitsiso

◼ Dikgatiso tse di tsamaisiwang ka December: Kitso E E Isang Botshelong Jo bo Sa Khutleng. January: Sephiri sa Boitumelo mo Lelapeng kana Matsapa a a Tserweng ke Motho go Batla Modimo. February: Monna Yo Mogolo go Gaisa Botlhe Ba Ba Kileng Ba Tshela kana buka epe ya ditsebe tse 192 e e gatisitsweng ka 1986 kana pele ga moo e phuthego e nang le yone mo setokong. March: Kitso E E Isang Botshelong Jo bo Sa Khutleng. Go tla dirwa boiteko jo bo kgethegileng go simolola dithuto tsa Baebele tsa magae.

◼ Tora ya Tebelo ya puo ya Se-Tumbuka e setse e gatisiwa gangwe ka kgwedi go simolola ka makasine wa September 1, 2000.

◼ Dikgatiso Tse Disha Tse di Leng Teng:

How to Improve Your Speaking and Teaching Ability—Sevenda

A o Ka Direla Kwa Ntlong ya Modimo?

Bethele e tlhoka bakaulengwe ba ba sa nyalang, kana ba ba nyetseng mme ba sena batho ba ba ba tlhokomelang, ba ba nang le bokgoni jwa go baakanya dikoloi, baenjeniri (mo tirong ya go aga), dipolamara, kana ba ba itseng ka motlakase, kana ba ba dirileng tiro ya dieleketoroniki, ya go baakanya, kana ya HVAC (heating, ventilation, and air-conditioning [go gotetsa, go fetlha phefo le go laola mogote]). Gape re tlhoka ka bonako ngaka ya meno e e nang le ditlankana e e tla dirang ka dinako tsotlhe.

Fa o kopa go tla Bethele o tshwanetse wa bo o le motho yo o ineetseng e bile o kolobeditswe bobotlana lobaka lwa ngwaga, o le motho yo o tlhagafetseng, wa semoya yo o ratang go dira ka natla, e bile o na le botsogo jo bontle, mo mmeleng le mo maikutlong. O tshwanetse wa bo o na le dingwaga tse di fa gare ga 19 le 35 e bile o le moagi wa Afrika Borwa.

Fa o tshwanelega, ke ka ntlha yang fa o sa kope foromo ya Bethele le go e tlatsa o bo o e neela komiti ya tirelo ya phuthego ya lona? Kana tsweetswee o foune kana o kwalele Mokgatlho go bona tshedimosetso e e oketsegileng.