Dipokano Tsa Tirelo Tsa November

Beke e e Simololang ka November 3

Pina 48

10 mets: Dikitsiso tsa phuthego ya lona. Dikitsiso tse di tlhophilweng go Tirelo ya Rona ya Bogosi. “Dikgang Tse di Molemo ka Internet.” Akgela ka pego ya tirelo ya tshimo ya bosheng jaana ya naga yotlhe le ya phuthego ya lona. Gakolola baboledi go bega tirelo ya bone ya tshimo ya October ka bonako.

15 mets: “Kgoro e Kgolo e e Isang Kwa Tirong e Butswe.” Puo e e neelwang ke mogolwane, go akaretsa le go tlotla le bareetsi. Kgothaletsa botlhe ba ba ka kgonang go nna le seabe se segolwane mo tirong ya go rera. Akaretsa kgakololo nngwe e e neelwang mo makasineng wa Tora ya Tebelo ya August 15, 1988, tsebe 22.

20 mets: “Boela Kwa Bathong ba ba Ileng ba Kgatlhegela Pampitshana ya Dikgang Tsa Bogosi.” Dipotso le dikarabo. Dira dipontsho ka dipuisano tse di mo go serapa 6. Mo go nngwe ya tsone, bontsha fa go simololwa thuto ya Baebele.

Pina 144 le thapelo e e konelang.

Beke e e Simololang ka November 10

Pina 51

10 mets: Dikitsiso tsa phuthego ya lona. Pego ya diakhaonto. Itsise phuthego gore ke tshimo efe e go sa ntseng go tlhokwa go tsamaisa pampitshana ya Dikgang Tsa Bogosi No. 35 mo go yone. Kgothaletsa botlhe go nna le seabe ka botlalo mo bekeng eno ya bofelo ya letsholo leno le le kgethegileng.

15 mets: Ditlhokafalo tsa phuthego ya lona.

20 mets: “Fitlhelela Balekane ba Lenyalo ba e Seng Basupi.” Motlotlo fa gare ga bagolwane ba babedi ba ba tshwenyegileng ka gore ba batla go itse ba le bantsinyana ba balekane ba lenyalo ba ba sa dumeleng, ba ba itse ka namana. Ba tlotla gape ka dikakantsho tse di neelwang mo makasineng wa Tora ya Tebelo ya May 15, 1989, ditsebe 17-18, dirapa 6-9. Akaretsa maitemogelo a a mo makasineng wa Tora ya Tebelo ya October 1, 1995, ditsebe 10-11, dirapa 11-12.

Pina 148 le thapelo e e konelang.

Beke e e Simololang ka November 17

Pina 53

10 mets: Dikitsiso tsa phuthego ya lona. Bolela ka maitemogelo mangwe a lefelo la lona ka letsholo la pampitshana ya Dikgang Tsa Bogosi No. 35.

20 mets: Dirisa Tshono Eno E e Sa Tshwaneng le Epe! Puo e e tswang mo makasineng wa Tora ya Tebelo ya November 15, 1996, ditsebe 21-3.

15 mets: “Ke Tla Reng?” Motlotlo le bareetsi. Bala serapa sa ntlha mo go tsebe 8 mo bukeng ya Go Fetolana, o tlhalosa ka moo buka eno e rulagantsweng ka gone go re thusa go neela bosupi ka tsela e e nang le matswela ka ditlhogo tse di farologaneng tsa Baebele. Dira pontsho e le nngwe kana di le pedi tsa dipuisano tse di baakanyeditsweng sentle.

Pina 151 le thapelo e e konelang.

Beke e e Simololang ka November 24

Pina 56

10 mets: Dikitsiso tsa phuthego ya lona. Pego ya tshimo e e sa abiwang.

15 mets: Maitseo a Mantle Kwa Thutong ya Buka ya Phuthego. Re anaanela go amogela baeng ga malapa a a bulang magae a one gore thuto ya buka e tshwarelwe kwa go one. Seno se ka akaretsa go baakanya dilo di le dintsi le go tswa mo tseleng. Fa re ya kwa thutong, re tshwanetse go bontsha maitseo a mantle le go bontsha tlotlo le go ba akanyetsa, go go ka akaretsang dilo tse di latelang: (1) Re tshwanetse go phimola maoto a rona sentle pele re tsena mo ntlong, go tila go leswafatsa boalo fa fatshe kana mmetshe. (2) Batsadi ba tshwanetse go tlhokomela bana ba bone, ba tlhomamisa gore ba itshwara sentle le gore ba nna fela mo karolong e e abetsweng thuto ya buka. (3) Le fa setlhopha se ka nna sennye e bile maemo e le a a phuthologileng go sekae, eno ke pokano ya phuthego mme re tshwanetse go apara fela jaaka re apara fa re le kwa Holong ya Bogosi. (4) Bokopano jwa morago ga pokano bo tshwanetse go nna jo bokhutshwane gore ba lelapa ba tle ba nne le nako e e leng ya bone. (5) Le fa gone mong wa ntlo e thuto e tshwarelwang kwa go yone a ka nna a batla go re fa dijonyana tse di motlhoswana gangwe le gape morago ga thuto, botlhe ba tshwanetse go tlhaloganya gore ga ba a tshwanela go lebelela seno kana ba batla gore a nne a dire jalo.

20 mets: Dirang Barutwa, Lo ba Rute. Mogolwane o tshwere motlotlo le setlhopha sa baboledi ba le bararo kana ba le banè, ba araba dipotso tseno tse di theilweng mo bukeng ya Bodihedi jwa Rona, ditsebe 88-92: (1) Ke ka ntlha yang fa go dira maeto a go boela go le botlhokwa gore re atlege mo bodireding? Motho a ka lebana jang le kgwetlho ya tiro ya go dira maeto a go boela? (2) Ke ka ntlha yang fa re gatelela go simolola dithuto tsa Baebele thata jaana? Re ka nna jang ditswerere fa re tshwara dithuto? (3) Ke ka ntlha yang fa go le botlhokwa go kaela baithuti kwa phuthegong? Re ka dira seno jang? Setlhopha seno se bolela gape ka tsela eo ditsenyeletso tsa bosheng jaana tsa Tirelo ya Rona ya Bogosi ya June 1996 le March le April 1997 di ileng tsa ba thusa ka gone mo dikarolong tseno.

Pina 160 le thapelo e e konelang.