Dipokano Tsa Tirelo Tsa October
Beke e e Simololang ka October 7
Pina 47
10 mets: Dikitsiso tsa phuthego ya lona. Dikitsiso tse di tlhophilweng go tswa go Tirelo ya Rona ya Bogosi. Akgela ka pego ya tirelo ya tshimo ya phuthego ya lona ya August. October ke kgwedi ya bofelo ya letsholo la tshimo e e sa abiwang. Kgothaletsa botlhe go nna le seabe ka botlalo.
15 mets: Lebokoso la Dipotso. Molebedi wa Tirelo kana mogolwane mongwe yo o tshwanelegang o tlotla ka tshedimosetso eno le bareetsi.
20 mets: “Baakanyetsa Puisano ya Gago ya Makasine.” (Dirapa 1-7) Botsa dipotso mo dirapeng 1-4, mme o bo o nna le dipontsho tse pedi kana tse tharo tse di khutshwane go bontsha gore go ka tsamaisiwa jang peeletso, go dirisiwa dikakantsho tse di mo dirapeng 5-7. Akaretsa le dikakgelo tse di mo makasineng wa Tora ya Tebelo ya March 1, 1987, tsebe 17, dirapa 8-9.
Pina 222 le thapelo e e konelang.
Beke e e Simololang ka October 14
Pina 39
10 mets: Dikitsiso tsa phuthego ya lona. Pego ya diakhaonto.
15 mets: “Go Phatlalatsa Mafoko a a Molemo a Sengwe se se Botoka.” Dipotso le dikarabo. Tlhalosa ka ditlhogo dingwe tse di tlhomologileng tse di tlhagang mo makasineng wa Tora ya Tebelo.—Bona Tora ya Tebelo ya March 1, 1987, tsebe 13.
20 mets: “Baakanyetsa Puisano ya Gago ya Makasine.” (Dirapa 8-11) Dipotso le dikarabo. Akaretsa dikakgelo tsa dikakantsho tse nnè tse di mo makasineng wa Tora ya Tebelo ya January 1, 1994, ditsebe 24-5, dirapa 18-21. O dirisa ditokololo tsa dimakasine tsa October, bontsha kafa go ka dirwang puisano ka gone: (1) Tlhopa setlhogo se se ka kgatlhang batho mo tshimong ya lona, (2) batla ntlha e e kgatlhisang e o tla e buelelang, (3) akanya ka potso e o ka e dirisang go tlhokomedisa ka ntlha eo, (4) tlhopha lekwalo le o tla le balang fa o neilwe tshono, gape (5) baakanyetsa tsenyeletso ya gago le se o tla se buang ka makasine e le gore o ka kgothaletsa mongantlo go amogela peeletso. Dira gore go nne le baboledi ba babedi kana ba bararo ba ba nang le bokgoni gore ba dire dipontsho mongwe le mongwe a bontsha kafa a ka buang ka gone. Akaretsa le mosha yo o tla bontshang tsela e e motlhofo ya go neelana ka makasine.
Pina 82 le thapelo e e konelang.
Beke e e Simololang ka October 21
Pina 169
12 mets: Dikitsiso tsa phuthego ya lona. Tlhalosa gore o ka simolola jang tselana ya dimakasine: (1) Kwala gongwe le gongwe kwa o tsamaisitseng makasine gone le setlhogo se o neng wa se buelela, (2) rulaganya gore o boele ka ditokololo tse dingwe, mme (3) beela nako e e rileng kwa thoko mo thulaganyong ya gago ya beke nngwe le nngwe ya tirelo gore o etele batho bano. Gakologelwa go tsamaisa dipeeletso ka dinako tsotlhe. Fa peeletso e sa amogelwe, tsamaisa dimakasine tse pedi. Gakolola baboledi gore ka metlha fa ba boela kwa bathong ba ba ba tsamaiseditseng ba ba bege e le maeto a go boela.
13 mets: “Dirang Tshimo ya Lona ka Botlalo.” Tlotla ka setlhogo seno le dithulaganyo tse di dirilweng mo lefelong la lona tsa go bereka tshimo ya dikgwebo. Kopa bareetsi go bolela maitemogelo a a kgothatsang ao ba a itumeletseng fa ba bereka mabenkele a a mo tshimong ya bone.
20 mets: “Kopano ya Kgaolo ya ‘Barongwa ba Kagiso ya Bomodimo’ ya 1996.” Akaretsa dirapa 1-17 ka dipotso le dikarabo. Bala dirapa 10-11, 16.
Pina 12 le thapelo e e konelang.
Beke e e Simololang ka October 28
Pina 27
10 mets: Dikitsiso tsa phuthego ya lona. E re ka malatsi a boikhutso a lefatshe a December a ntse a atamela, gongwe e bile re sa ye tirong kana sekolong, kgothatsa botlhe go akanya ka go ikwadisa go nna babulatsela ba ba thusang. Rotloetsa botlhe gore ba tlise dipego tsa bone tsa October tsa tirelo ya tshimo mo mafelobekeng ano. Molebedi yo o okamelang le mokwaledi ba tla batla go tlhomamisega gore mo dikgweding tse di tlang pego e e feletseng e romelwe kwa Mokgatlhong.
15 mets: “Kafa re ka Swelang Lobaka Molemo ka Gone.” Dipotso le dikarabo. Akaretsa le dikakgelo tse di mo makasineng wa Tora ya Tebelo ya December 1, 1989, ditsebe 16-17, dirapa 7-11.
20 mets: “Kopano ya Kgaolo ya ‘Barongwa ba Kagiso ya Bomodimo’ ya 1996.” Akaretsa dirapa 18-24 ka dipotso le dikarabo. Bala serapa 23. Tlhatlhoba “Dikgakololo Tsa Kopano ya Kgaolo.”
Pina 162 le thapelo e e konelang.