Dikgang Tsa Puso ya Modimo

Afrika Borwa: Re itumelela go lo itsise gore go fitlha jaanong go setse go kgakotswe Diholo tsa Bogosi di le 11 mo ngwageng ono wa tirelo, e leng: Buccleuch (Johannesburg), Durbanville, Ekangala (Bronkhorstspruit), Ethwathwa (Benoni), Lamontville (Durban), Louis Trichardt, Mahalapye (Botswana), Masele (King William’s Town), Weltevrede (Marble Hall), Mariannhill (Pinetown), le Kwa-Mashu (Durban).

Ke tsela e e molemo ruri ya go simolola ngwaga wa tirelo wa 1996. Re rata go kgothaletsa badiri botlhe ba ba ithaopang ka go rata gore ba tswelele pele ba ntse ba ema nokeng Dikomiti Tsa Kago Tsa Kgaolo tse 23 ka tsela e e molemo jalo.

Re anaanela thata le meneelo ya lona ya madi ya kgwedi le kgwedi. Re batla go kopa bagolwane gore ba tlhomamise gore go na le lebokoso la moneelo le le tshwailweng sentle gore ke Letlole la Mokgatlho la Kago ya Diholo Tsa Bogosi. Mokgatlho o tla lo lebogela moneelo ono kgwedi le kgwedi mme ditebogo tseo di tshwanetse go balelwa phuthego.