Dipokano Tsa Tirelo Tsa March
Beke e e Simololang ka March 4
Pina 1
10 mets: Dikitsiso tsa phuthego ya lona. Dikitsiso tse di tlhophilweng go tswa go Tirelo ya Rona ya Bogosi.
15 mets: “Baka Jehofa ‘Ka Malatsi Otlhe.’” Dipotso le dikarabo. Bala dirapa 2-5 fa nako e letla. Ba kgothaletse tiro ya bobulatsela jo bo thusang le jwa ka metlha ka tsela e e molemo.
20 mets: “Kitso ya Modimo wa Boammaaruri e Isa Botshelong.” Sekaseka dipuisano tse di akantshitsweng. Dira pontsho e le nngwe kana tse pedi.
Pina 78 le thapelo e e konelang.
Beke e e Simololang ka March 11
Pina 164
10 mets: Dikitsiso tsa phuthego ya lona. Pego ya diakhaonto.
20 mets: “Solegelwa Molemo mo Sekolong sa Bodiredi sa Puso ya Modimo sa 1996—Karolo 3.” Puo ka molebedi wa sekolo. Kgothaletsa botlhe ba ba ka kgonang gore ba ikwadise le gore ba dire dikabelo tsa bone ka boikanyegi. Tlhalosa melao ya go bitsa maina a mo Baebeleng sentle a a fitlhelwang mo bukeng ya “Lokwalo Longwe le Longwe” ditsebe 325-6, dirapa 27-8.
15 mets: Dirang Dilo Mmogo lo le Lelapa. Rre o bua le lelapa la gagwe ka tsela e e sa gagamalang thata kaga botlhokwa jwa go nna seoposengwe a dirisa Tora ya Tebelo ya September 1, 1993 ditsebe 16-19. Bua thata ka thuto ya lelapa le tiro ya boefangele. Supa kafa malapa a segompieno a kgaoganang ka teng ka gonne a fetsa nako e nnye thata a le mmogo e bile a sa kgatlhegele dilo tse di tshwanang. Go ithuta Lefoko la Modimo mmogo le go nna le seabe mo bodireding ke selo se se molemo tota mo lelapeng la Bokeresete. Gatelela botlhokwa jwa go bo rre a tshwanetse go rulaganya dilo tseno sentle le go bo mmè a tshwanetse go dirisana mmogo le ene. Bana ba tshwanetse go kgatlhegela dilo tsa semoya, ba di tshwaraganele le batsadi. Lelapa le tla kitlana e bile le tla nonofa go fenya tlhotlheletso e e ntseng e gola e e ba gogelang mo dilong tsa selefatshe.
Pina 211 le thapelo e e konelang.
Beke e e Simololang ka March 18
Pina 6
10 mets: Dikitsiso tsa phuthego ya lona. Ba ba nang le dithuto ba tshwanetse go kgothatsa batho ba basha ba ba gatelang pele sentle mo thutong ya bone ya Baebele gore ba kgaratlhele go nna baboledi ba ba sa kolobediwang. Batsadi le bone ba ka thusa bana ba bone go nna baboledi. Sekaseka thulaganyo e e akantshiwang e e mo bukeng ya Re Rulaganyeditswe go Swetsa Bodihedi Jwa Rona, ditsebe 97-100.
15 mets: Lebokoso la Dipotso. Puo ka mogolwane. Tlhalosa mabaka a go bo re tshwanetse go nna pelotshweu, jaaka go tlhalositswe mo go Tora ya Tebelo ya January 15, 1992, ditsebe 16-17.
20 mets: “Thusa ba Bangwe go Nna le Kitso e e Isang Botshelong.” Tlhalosa dipuisano tse di akantshitsweng tse di ka dirisiwang mo maetong a go boela. Akaretsa pontsho e le nngwe kana tse pedi. Gatelela gore mokgele wa rona ke go simolola dithuto.
Pina 130 le thapelo e e konelang.
Beke e e Simololang ka March 25
Pina 5
15 mets: Dikitsiso tsa phuthego ya lona. Sekaseka “Dikgakololo Tsa Segopotso.” Tlhalosa lebaka la go bo go le botlhokwa gore re nne gone. (Bona Tora ya Tebelo ya February 15, 1985, ditsebe 18-20.) Tlhalosa dithulaganyo tse di ka dirisiwang go thusa bagodi, ba ba koafetseng le batho ba basha gore ba nne gone. Tlhalosa dithulaganyo tse di dirilweng go oketsa tiro ya lona ya tshimo mo bekeng e e tlang. Gape sekaseka setlhogo sa, “Koo Baeng ba Amogelwang ka Diatla Tsoopedi Teng,” se se mo go tsebe 32 ya Tsogang! (ya Seesemane) ya September 22, 1995.
15 mets: Sekaseka Dintlhakgolo tsa 1996 Yearbook of Jehovah’s Witnesses. Setlhopha sa lelapa se tlotla ka dikarolo dingwe tse di kgatlhang tsa tiro ya rona ya lefatshe lotlhe tse di mo ditsebeng 3-5 le 33. Ba dumalana gore ba tla leka go bala ditsebe di sekae mmogo tsa Yearbook morago ga go sekaseka temana ya Baebele e e tlhalosiwang mo bukeng ya Go Lotolotsa mo Dikwalong ka Malatsi Otlhe.
15 mets: “Go Ipaakanyetsa—Tsela ya go Bona Katlego.” Dipotso le dikarabo. Tlhalosa gore re tla bo re tsamaisa peeletso ya Tora ya Tebelo mo kgweding ya April le May. Ipaakanyetseng gone jaanong ka go otara dimakasine tse di oketsegileng, go nna le dipampitshana tsa peeletso le go dira dithulaganyo tsa go ema dithulaganyo tsa phuthego tsa Letsatsi la Dimakasine nokeng.
Pina 7 le thapelo e e konelang.