Dikitsiso
◼ Dikgatiso tse di tla dirisiwang ka October: Dipeeletso tse di tlang ka poso tsa ngwaga o le mongwe tsa Tsogang! kana Tora ya Tebelo ka moneelo wa R33,00 mo dikgatisong tse di tswang gabedi ka kgwedi. Peeletso ya ngwaga o le mongwe mo dikgatisong tse di tswang gangwe ka kgwedi kana peeletso ya dikgwedi tse thataro mo dikgatisong tse di tswang gabedi ka kgwedi ke R16,50. Dipeeletso tsa tlelapa ke R19,00 mme tse dingwe ke R9,50. Dirang maiteko a a kgethegileng gore lo tsamaise dimakasine fa peeletso e ganwa. November: Tsamaisang buka ya Matsapa a a Tserweng ke Motho go Batla Modimo ka moneelo wa R5,30. December le January: Monna Yo Mogolo go Gaisa Botlhe Ba Ba Kileng Ba Tshela ka moneelo wa R10,50.
◼ TSWEETSWEE ELANG TLHOKO: Mo kgweding ya October le November re lo kgothaletsa gore lo tsamaise buka ya Tshelela Ruri ka tlhwatlhwa e e kgethegileng mmogo le kgatiso ya kgwedi e e tsamaisiwang. Nako ya go tsamaisa kgatiso e e kgethegileng eno e a okediwa gore re fetse dibuka tsotlhe tse di santseng di le mo setokong sa rona.
◼ Diphuthego di ka nna tsa otara temana ya ngwaga ya 1996 gone jaanong, e e ka bonwang ka R13,00 e le nngwe ka Seburu, Seesemane, Sesotho, Sexhosa le Sezulu. Molato wa tsone o tla tsenngwa mo akhaontong ya dibuka. Diphuthego tse di nang le molato mo diakhaontong tsa tsone tsa dibuka di tshwanetse go romela madi le diotara tsa tsone. Go akantshiwa gore diphuthego tsotlhe di pege temana e ntšha ya ngwaga ka January 1, 1996.
◼ Diphuthego di tshwanetse gore di simolole go otara bukana ya Go Lotolotsa mo Dikwalong ka Malatsi Otlhe—1996 le otara ya tsone e e tlwaelegileng ya dibuka go tloga ka October 1. Dibukana tseno di tla bo di le teng ka Seburu, Seesemane, Sefora, Segerika, Sejeremane, Sekwanyama, Sentadiana, Sepedi, Sepotokisi, Sesotho, Setsonga, Setswana, Sevenda, Sexhosa le Sezulu. Dibukana tseno di tla tlhaga e le “Back Ordered” mo tshupamolatong ya phuthego go fitlhela di nna teng le go romelwa. Dibukana tsa Go Lotolotsa mo Dikwalong ke dilwana tsa setoko se se laolwang mme madi a tsone a tla lopiwa mo akhaontong ya dibuka ka moneelo wa R1,80 e le nngwe, e e leng tlhwatlhwa ya baboledi le ya babulatsela. Babulatsela ba ka metlha le ba ba kgethegileng ba ba ileng ba simolola bobulatsela pele ga July 1, 1995, ba ka bona khopi e le nngwe ya mahala. Diphuthego tse di senang akhaonto mo Mokgatlhong kana tse di nang le molato mo akhaontong ya tsone ya dibuka di tshwanetse go romela madi le diotara tsa tsone. Go tshwanetse ga tladiwa foromo e nngwe ya Remittance and Credit Request (S-AB-20) e e supang dikhopi tsa mahala tsa babulatsela. Di tshwanetse go otariwa ka phuthego. RE KGOTHALETSA MONGWE LE MONGWE MO LELAPENG, MMOGO LE BANA BA BA KGONANG GO BALA, GORE MONGWE LE MONGWE A NNE LE KHOPI YA GAGWE YA BUKANA ENO.
◼ Tsenyeletso ya tokololo eno ya Tirelo ya Rona ya Bogosi ke “Thulaganyo ya 1996 ya Sekolo sa Puso ya Modimo.” E tshwanetse ya bolokiwa gore e dirisiwe mo ngwageng otlhe wa 1996.
◼ Tsweetswee Dikomiti tsa Tirelo di tshwanetse go romelela Mokgatlho maitemogelo a a tlhomologileng a tshimo e e sa abiwang. Re tla itumelela go a amogela pele ga November 15, 1995.
◼ Babulatsela ba ba kgethegileng, ba ka metlha le ba ba thusang ba ka nna ba romela dipeeletso tsa bone ka namana ka tlhwatlhwa ya babulatsela fa dipeeletso di romelwa ka phuthego ya bone. Ga go na tlhwatlhwa ya babulatsela fa e le dipeeletso tsa mpho tse di direlwang baboledi. Mo godimo ga moo, baboledi ba e leng ba lelapa la mmulatsela le ba e seng babulatsela ba tshwanetse go dira dipeeletso ka tlhwatlhwa e e tlwaelegileng ya phuthego.