Thulaganyo ya 1993 ya Sekolo sa Bodihedi sa Bolegodimo
DITAELO
Ka 1993 go tlile go nna le dithulaganyo tse di latelang fa go tshwarwa Sekolo sa Bodihedi sa Bolegodimo.
DIBUKA TSE GO RUTWANG KA TSONE: Go tla ntshiwa dikabelo go tswa go Bibela [biTN], “Lokwalo Longwe le Longwe Lo Tlhotlheleditswe ke Modimo Ebile Lo Mosola,” (Tokololo ya 1990) [siTN], Buka ya Kaelo ya Sekolo sa Bodihedi sa Bolegodimo [sgTN], Monna Yo Mogolo go Gaisa Botlhe Ba Ba Kileng Ba Tshela [gtTN], Go Fetolana ka Dikwalo [rsTN], le Dipolelo tsa Bibela tsa Puisano [tdTN].
Sekolo se tla simolola ka pina, thapelo, le dikakgelo tsa go amogela ba ba leng gone, mme se bo se tswelela jaana:
KABELO NO. 1: Metsotso e le 15. E tshwanetse ya neelwa ke mogolwane kana ke motlhanka wa bodihedi yo o tshwanelegang. Puo eno e tla ntshiwa go “Lokwalo Longwe le Longwe Lo Tlhotlheleditswe ke Modimo Ebile Lo Mosola” kana go Buka ya Kaelo ya Sekolo sa Bodihedi sa Bolegodimo. Kabelo eno e tshwanetse ya neelwa jaaka puo ya tao ya metsotso e le 10 go ya go e le 12 e latelwa ke poeletso e e dirwang ka molomo ka metsotso e le 3 go ya go e le 5, go dirisiwa dipotso tse di gatisitsweng tse di mo bukeng eo. Boitlhomo ga ya tshwanela gore e nne go neela puo eo yotlhe fela mme e nne go tlhokomedisa ka moo tshedimosetso eo go tlotliwang ka yone e leng mosola go ka dirisiwa ka gone, o tlotlomatsa seo se tla nnang mosola thata mo phuthegong. Koo go tlhokafalang gore go dirwe jalo gone, go tshwanetse ga tlhophiwa setlhogo. Botlhe ba kgothalediwa gore ba baakanyetse esale gale ka kelotlhoko gore ba bapale go le gontsi mo puong eno.
Bakaulengwe ba ba abetsweng go neela puo eno ba tshwanetse go ela tlhoko gore ba boloke nako. Go ka neelwa kgakololo kwa thoko fa go tlhokafala.
DINTLHAKGOLO TSE DI TSWANG MO MMALONG WA BIBELA: Metsotso e le 6. E tshwanetse ya neelwa ke molebedi wa sekolo kana ke mogolwane yo mongwe yo o tshwanelegang kana ke motlhanka wa bodihedi yo o abetsweng ke molebedi wa sekolo. Puo eno ga e a tshwanela go nna tshobokanyo fela ya mmalo oo o o abetsweng. Fa o sena go akaretsa dikgaolo tseo mo metsotswaneng e le 30 go ya go e le 60 di abetsweng ka bokhutshwane, thusa bareetsi gore ba lemoge lebaka la go bo tshedimosetso eo e le botlhokwa mo go rona le ka moo eleng botlhokwa mo go rona ka gone. Tlhatlhoba ditokololo tsa Tora ya Tebelo go bona dintlha tse di oketsegileng tseo di ka otlelelwang. Morago ga moo molebedi wa sekolo o tla phatlalaletsa diithuti kwa ditlhopheng tsa tsone tse di farologaneng.
PUO NO. 2: Metsotso e le 5. Seno ke go balwa ga Bibela ga karolo eo e abilweng eo e tshwanetseng ya neelwa ke mokaulengwe. Seno se tla dirwa mo sekolong se segolo le mo ditlhopheng tse dinnye tsa sone. Dikarolo tseo seithuti se abetsweng gore se bale mo go tsone gantsi di bokhutshwane jo bo lekaneng go ka mo letlelela gore a akgele ditlhaloso ka bokhutshwane kwa tshimologong le kwa konelong. O ka akaretsa tshedimosetso e e amanang le ditiragalo tsa nako e e fetileng, kafa e leng botlhokwa ka gone mo boperofeting kana mo dithutong tsa motheo, le ka moo melaometheo eo e ka dirisiwang ka gone. O tshwanetse a bala ditemana tsotlhe tse di abilweng a sa tle a kgaotsa gope.
PUO NO. 3: Metsotso e le 5. Puo eno e tla abelwa bokgaitsadi. Ditlhogo tsa puo eno di tla ntshiwa mo bukeng ya Monna Yo Mogolo go Gaisa Botlhe Ba Ba Kileng Ba Tshela. Seithuti seo se e abelwang se tshwanetse sa bo se kgona go bala. Fa seithuti se neela puo eno, se ka dula kana sa ema ka maoto. Molebedi wa sekolo o tla rulaganyetsa gore go nne le mothusi a le mongwe, mme lefa go ntse jalo go ka nna ga dirisiwa bathusi ba ba oketsegileng. Go molemo gore diseting e nne tsa maemo a mo tirelong ya tshimo kana mo bosuping jo e seng jwa ka tlwaelo. Yo o neelang puo eno e ka nna ene yo o simololang motlotlo gore a sedimose boemo jo e neelwang mo go jone kana a ka dira gore mothusi/bathusi ba gagwe ba dire jalo. Go tshwanetse ga tlhokomelwa thata dintlha tse di neelwang eseng boemo jo e neelwang mo go jone. Seithuti se tshwanetse sa dirisa setlhogo se se bontshitsweng.
PUO NO. 4: Metsotso e le 5. E abelwe mokaulengwe kana kgaitsadi. Fa e abetswe mokaulengwe, e tshwanetse go nna puo eo e neelwang bareetsi botlhe. Ka gale go tla nna molemo gore mokaulengwe a baakanyetse puo ya gagwe a akantse ka bareetsi ba kwa Holong ya Bogosi gore e tle e nne e e rutang go le gontsi ebile e le mosola tota mo go bao ba e utlwang. Lefa go ntse jalo, fa dintlha tsa yone di ka nna mosola mo boemong jwa bareetsi ba mofuta o o rileng ebile di tshwanela boemo joo botoka, mokaulengwe a ka tlhopha gore a baakanyetse puo ya gagwe ka tsela eo. Seithuti se tshwanetse go dirisa setlhogo se se bontshitsweng.
Fa e abetswe kgaitsadi, dintlha tsa yone di tshwanetse go neelwa jaaka tse di thadiseditsweng Puo No. 3.
KGAKOLOLO LE DIKAKGELO: Morago ga puo ya seithuti sengwe le sengwe, molebedi wa sekolo o tla neela kgakololo e e se tshwanelang, ga go tlhokafale gore e latele thulaganyo ya kgakololo kgato ka kgato eo e thadisitsweng mo pampitshaneng ya Kgakololo ya Puo (Speech Counsel). Go na le moo, o tshwanetse a tlhokomela dintlha tseo seithuti se tlhokang gore se tokafatse mo go tsone. Fa sebui sa seithuti se tshwanelwa fela ke letshwao la “S” mme go sena ntlha epe e nngwe ya puo e e tshwailweng “T” kana “B,” he mogakolodi o tshwanetse go dira lesakana mo bokosong nngwe, moo “S,” “T,” kana “B” di kwalwang gone ka gale, ya ntlha ya puo eo seithuti se tshwanetseng go berekela mo go yone mo nakong e e tlang. O tla itsise seithuti malebana le seno gone mo maitsiboeng ao a bo a bontsha ntlha eo ya puo mo pampitshaneng e e latelang ya seithuti seo ya Kabelo ya Sekolo sa Bodihedi sa Puso ya Bolegodimo (S-89). Bao ba neelang dipuo ba tshwanetse go dulela kwa pele mo holong. Seno se tla boloka nako ebile se tla kgonisa molebedi wa sekolo gore a neele seithuti sengwe le sengwe kgakololo ka tlhamalalo. Fa nako e letla morago ga fa mogakolodi a sena go neela kgakololo e e tlhokafalang a e neela ka molomo, a ka neela dikakgelo malebana le dintlha tse di rutang le tse di ka dirisiwang tseo seithuti se sa di kopanyeletsang. Molebedi wa sekolo o tshwanetse go ela tlhoko gore a se dirise metsotso e e fetang e le mebedi fa a neela kgakololo le dikakgelo dipe fela tse dikhutshwane morago ga puo ya seithuti sengwe le sengwe. Fa puo ya dintlhakgolo tsa Bibela e sa kgotsofatsa ka tsela nngwe, go ka neelwa kgakololo kwa thoko.
GO BAAKANYETSA DIPUO: Bakaulengwe bao ba neelang Kabelo No. 1 ba tshwanetse go itlhophela setlhogo fa go tlhokafala gore ba dire jalo. Diithuti tseo di abetsweng puo ya bobedi di tshwanetse go tlhopha setlhogo seo se tla ba letlelelang gore ba neele puo ya bone ka tsela e e molemo go gaisa. Diithuti tseo di abetsweng puo ya boraro le ya bonè di tshwanetse go dirisa setlhogo se se bontshitsweng. Pele diithuti di neela puo, di tla tshwanelwa ke gore di bale dintlha tse di go Buka ya Kaelo ya Sekolo tse di malebana le ntlha eo di berekelang mo go yone.
NAKO: Ga go na puo epe e go tshwanetseng ga jewa nako mo go yone, le kgakololo mmogo le dikakgelo tsa mogakolodi le tsone ga di a tshwanela go ja nako. Dipuo No. 2 go ya go 4 di tshwanetse tsa emisiwa ka botlhale fa nako e fedile. Motho yo o abetsweng go neela “tlhagiso ya ema” o tshwanetse go dira jalo ka bonako. Fa bakaulengwe ba ba neelang Kabelo No. 1 le dintlhakgolo tsa Bibela ba ja nako, ba tshwanetse go neelwa kgakololo kwa thoko. Botlhe ba tshwanetse go disa nako ya bone ka kelotlhoko. Thulaganyo yotlhe: metsotso e le 45, go sa balelwe pina le thapelo.
TLHATLHOBO E E KWALWANG: Go tla nna le tlhatlhobo e e kwalwang nako le nako morago ga lobaka lo lo rileng. Fa o baakanyetsa, boeletsa dintlha tseo o di abetsweng o bo o fetse mmalo wa Bibela o o mo thulaganyong. Bibela ke yone fela e e ka dirisiwang fa go kwalwa tlhatlhobo eno ya metsotso e le 25. Nako e e setseng e tla dirisediwa go tlotla ka dipotso le dikarabo. Seithuti sengwe le sengwe se tla itshwaela pampiri ya sone. Molebedi wa sekolo o tla bala dikarabo tsotlhe tsa dipotso tsa tlhatlhobo mme o tla tlhokomela thata tse di thatanyana mo go tsone, a thusa botlhe gore ba tlhaloganye dikarabo sentle. Fa, ka ntlha ya lebaka le le rileng, maemo a lefelo leo a dira gore seno se tlhokafale, tlhatlhobo eo e e kwalwang e ka kwalwa beke morago ga eo e bontshitsweng mo thulaganyong.
DIPHUTHEGO TSE DIKGOLO LE TSE DINNYE: Diphuthego tse di nang le diithuti di le 50 kana go feta moo tse di ikwadisitseng mo sekolong di ka nna tsa rata go rulaganyetsa gore go nne le ditlhopha tse di oketsegileng tsa diithuti di neela dipuo tse di mo thulaganyong fa pele ga bagakolodi ba bangwe. Jaaka fa re itse, batho bao ba iseng ba kolobediwe bao ba tshelang go ya ka melaometheo ya Bokeresete le bone ba ka ikwadisa mo sekolong mme ba amogela dikabelo.
BAO BA SENG TENG: Botlhe ba ba mo phuthegong ba ka bontsha ka moo ba anaanelang sekolo seno ka gone ka go leka ka natla gore ba nne teng mo thulaganyong ya beke nngwe le nngwe, ka go baakanyetsa dikabelo tsa bone sentle, le ka go nna le seabe mo dithulaganyong tse go bodiwang dipotso mo go tsone. Go solofelwa gore diithuti tsotlhe di tla tsaya dikabelo tsa tsone ka masisi tota. Fa seithuti se seyo ka nako eo se leng mo thulaganyong ka yone, moithaopi mongwe a ka nna a tsaya kabelo eo, a bontsha mokgwa ope o e ka dirisiwang ka one o a bonang o tshwanela ka nakonyana e khutshwanyane eo a e filweng ka yone eo. Kana molebedi wa sekolo a ka neela puo eo ka go dira gore bareetsi ba nne le seabe mo go yone mo go tshwanelang teng.
THULAGANYO
Jan. 4 Mmalo wa Bibela: 1 Samuele 25 go ya go 27
Pina No. 62
No. 1: sgTN dits. 84-8 dir. 1-9
No. 2: 1 Samuele 26:7-25
No. 3: Thuto Malebana le Kutlwelobotlhoko (gtTN kgao. 40)
No. 4: Go Gapiwa Ke Eng, mme ‘Go Tsholediwa’ go Ya go Nna le Morena Tota go Bolelang? (rsTN ts. 168 ser. 1)
Jan. 11 Mmalo wa Bibela: 1 Samuele 28 go ya go 31
Pina No. 59
No. 1: 1 Samuele—Lebaka la Go Bo E Le Mosola (siTN dits. 57-8 dir. 27-35)
No. 2: 1 Samuele 30:7-25
No. 3: Kgangkgolo Ke Jesu (gtTN kgao. 41)
No. 4: tdTN 30A Ke Ka Ntlha Yang Fa Re Sa Tshwanela go Obamela Bagologolwane?
Jan. 18 Mmalo wa Bibela: 2 Samuele 1 go ya go 4
Pina No. 43
No. 1: Ketapele ya 2 Samuele (siTN ts. 59 dir. 1-5)
No. 2: 2 Samuele 1:1-4, 17-27
No. 3: Jesu O Kgalemela Bafarasai (gtTN kgao. 42)
No. 4: Ke Bomang Ba Ba Tla ‘Tsholediwang Mmogo Ba le mo Marung’ go Ya go Nna le Morena? (rsTN ts. 168 ser. 2)
Jan. 25 Mmalo wa Bibela: 2 Samuele 5 go ya go 8
Pina No. 42
No. 1: sgTN dits. 88-90 dir. 10-15
No. 2: 2 Samuele 6:1-19
No. 3: Ditshwantsho Tse Tlhano ka Nako ya Fa A Le mo Mokorong (gtTN kgao. 43 dir. 1-8)
No. 4: tdTN 30B Lebaka la Go Bo Batho Ba Ka Tlotlwa mme E Le Modimo Fela Yo O Ka Obamelwang
Feb. 1 Mmalo wa Bibela: 2 Samuele 9 go ya go 12
Pina No. 40
No. 1: sgTN dits. 90-2 dir. 1-7
No. 2: 2 Samuele 10:1-14
No. 3: Tsela Eo Barutwa Ba Bonang Molemo ka Gone go Tswa mo Dilong Tseo Jesu A Rutang ka Tsone (gtTN kgao. 43 dir. 9-19)
No. 4: Ka Nako ya Fa Morena a “Hologa kwa Legodimoñ,” Ga A Kitla A Tlhaga ka Tsela Eo A Ka Bonwang ka Matlho (rsTN ts. 169 dir. 1, 2)
Feb. 8 Mmalo wa Bibela: 2 Samuele 13 go ya go 15
Pina No. 91
No. 1: sgTN dits. 92-5 dir. 8-18
No. 2: 2 Samuele 15:1-17
No. 3: Jesu O Segofatsa Barutwa ba Gagwe ka go Ba Ruta mo go Oketsegileng (gtTN kgao. 43 dir. 20-31)
No. 4: tdTN 23A Boikepo Bo Tla Fedisiwa Jang?
Feb. 15 Mmalo wa Bibela: 2 Samuele 16 go ya go 18
Pina No. 38
No. 1: sgTN dits. 96-9 dir. 1-10
No. 2: 2 Samuele 18:1-17
No. 3: Jesu O Didimatsa Setsuatsue Se Se Tshosang (gtTN kgao. 44)
No. 4: Batho Ba Tla ‘Bona’ Morena “A Tla ka Leru” ka Tlhaloganyo Efe? (rsTN ts. 169 ser. 3)
Feb. 22 Mmalo wa Bibela: 2 Samuele 19 go ya go 21
Pina No. 29
No. 1: sgTN dits. 100-102 dir. 1-12
No. 2: 2 Samuele 19:1-14
No. 3: Monna Yo O Tsenweng ke Badimona O Fetoga Morutwa (gtTN kgao. 45)
No. 4: tdTN 23C Ke ka Ntlha Yang Fa Hara–Magedone E Tla Nna Kgato ya go Bontsha Lorato ga Modimo?
Mar. 1 Mmalo wa Bibela: 2 Samuele 22 go ya go 24
Pina No. 82
No. 1: 2 Samuele—Lebaka la Go Bo E Le Mosola (siTN ts. 63 dir. 28-31)
No. 2: 2 Samuele 22:1-4, 24-36
No. 3: O Ne A Tshwara Seaparo sa Gagwe (gtTN kgao. 46)
No. 4: Lebaka la Go Bo Bakeresete Ba Se Kake Ba Tseelwa Legodimong ka Mebele ya Bone ya Senama (rsTN ts. 170 dir. 1, 2)
Mar. 8 Mmalo wa Bibela: 1 Dikgosi 1 le 2
Pina No. 85
No. 1: Ketapele ya 1 Dikgosi (siTN dits. 64-5 dir. 1-5)
No. 2: 1 Dikgosi 1:32-48
No. 3: Dikeledi tsa Fetoga Boitumelo Jo Bogolo (gtTN kgao. 47)
No. 4: tdTN 31A Kolobetso Ke Selo Se Se Batlegang mo Bakereseteng
Mar. 15 Mmalo wa Bibela: 1 Dikgosi 3 go ya go 6
Pina No. 25
No. 1: sgTN dits. 103-8 dir. 13-21
No. 2: 1 Dikgosi 3:10-28
No. 3: Jesu O A Ganwa go Sa Kgathalesege Dikgakgamatso Tseo A Neng A Di Dira (gtTN kgao. 48)
No. 4: A Bakeresete Ba Ba Ikanyegang Ba Tla Ya Legodimong ka Sephiri, Ba Nyelela Fela mo Lefatsheng Kwantle ga go Swa? (rsTN ts. 170 dir. 3, 4)
Mar. 22 Mmalo wa Bibela: 1 Dikgosi 7 le 8
Pina No. 107
No. 1: sgTN dits. 108-12 dir. 1-20
No. 2: 1 Dikgosi 8:54-66
No. 3: Loeto lwa Boraro lwa go Ya go Rera kwa Galalia (gtTN kgao. 49)
No. 4: tdTN 31B Kolobetso Ga E Tlhapise mo Maleong
Mar. 29 Mmalo wa Bibela: 1 Dikgosi 9 go ya go 11
Pina No. 174
No. 1: sgTN dits. 113-16 dir. 1-16
No. 2: 1 Dikgosi 10:1-13
No. 3: O Baakanyetsa Barutwa ba Gagwe Gore Ba Lebane le Pogiso (gtTN kgao. 50)
No. 4: A Bakeresete Botlhe Ba Ba Ikanyegang Ba Tla Tlosiwa mo Lefatsheng ka Kgakgamatso Pele ga Sepitla Se Segolo? (rsTN ts. 170 ser. 5 go ya go ts. 171 ser. 1)
Apr. 5 Mmalo wa Bibela: 1 Dikgosi 12 go ya go 14
Pina No. 170
No. 1: sgTN dits. 116-18 dir. 1-12
No. 2: 1 Dikgosi 12:1-15
No. 3: Polao ka Nako ya Moletlo wa Letsatsi la Matsalo (gtTN kgao. 51)
No. 4: tdTN 4A A Bibela Ruri E Tlhotlheleditswe?
Apr. 12 Mmalo wa Bibela: 1 Dikgosi 15 go ya go 17
Pina No. 6
No. 1: sgTN dits. 119-21 dir. 13-28
No. 2: 1 Dikgosi 17:1-16
No. 3: Jesu O Fa Diketekete tsa Batho Dijo ka Kgakgamatso (gtTN kgao. 52)
No. 4: Bakeresete Ba Tla Sirelediwa Jang ka Nako ya Sepitla Se Segolo? (rsTN ts. 171 dir. 2, 3)
Apr. 19 Mmalo wa Bibela: 1 Dikgosi 18 go ya go 20
Pina No. 175
No. 1: sgTN dits. 122-5 dir. 1-21
No. 2: 1 Dikgosi 18:25-40
No. 3: Ka Nako ya Fa Jesu A Tsamaya mo Godimo ga Metsi (gtTN kgao. 53)
No. 4: tdTN 4C Lebaka la Go Bo Bibela E Le Mosola go Ka Re Kaela mo Motlheng Ono wa Rona
Apr. 26 Tlhatlhobo E E Kwalwang. Konelang 1 Samuele 25;2Sa 1-24 go ya go 1 Dikgosi 20
Pina No. 8
May 3 Mmalo wa Bibela: 1 Dikgosi 21 le 22
Pina No. 150
No. 1: 1 Dikgosi—Lebaka la Go Bo E Le Mosola (siTN dits. 68-9 dir. 23-26)
No. 2: 1 Dikgosi 21:15-29
No. 3: Senkgwe Se Se Tswang Legodimong—Ke Mpho E E Tswang kwa go Mang? (gtTN kgao. 54)
No. 4: Ke Ka Ntlha Yang Fa Bakeresete Bangwe Ba Tseelwa kwa Legodimong, A mme Ba Tla Boela mo Lefatsheng go Tla go Tshela ka Bosakhutleng Teng? (rsTN ts. 172 dir. 1-4)
May 10 Mmalo wa Bibela: 2 Dikgosi 1 go ya go 3
Pina No. 50
No. 1: Ketapele ya 2 Dikgosi (siTN ts. 69 dir. 1-4)
No. 2: 2 Dikgosi 2:1-14
No. 3: Lebaka la Go Bo Bontsi Bo Tlogela go Tlhola Bo Sala Jesu Morago (gtTN kgao. 55)
No. 4: tdTN 4F Bibela E Kwaletswe Bomang?
May 17 Mmalo wa Bibela: 2 Dikgosi 4 go ya go 6
Pina No. 132
No. 1: sgTN dits. 126-9 dir. 1-22
No. 2: 2 Dikgosi 5:1-14
No. 3: Ke Eng Se Se Itshekololang Motho? (gtTN kgao. 56)
No. 4: Thuto ya go Tsalwa ka Mmele O Mosha Ga E Tshegediwe ke Bibela (rsTN ts. 179. ser. 2 go ya go ts. 181 ser. 4)
May 24 Mmalo wa Bibela: 2 Dikgosi 7 go ya go 9
Pina No. 18
No. 1: sgTN dits. 130-3 dir. 1-20
No. 2: 2 Dikgosi 9:1-14
No. 3: Jesu O Utlwela Ba Ba Patikegileng Botlhoko (gtTN kgao. 57)
No. 4: tdTN 36A Ditshelo tsa Madi Ke Selo Se Se Kgatlhanong le go Itsheka ga Madi
May 31 Mmalo wa Bibela: 2 Dikgosi 10 go ya go 12
Pina No. 119
No. 1: sgTN dits. 133-5 dir. 1-8
No. 2: 2 Dikgosi 10:15-30
No. 3: Jesu O Siamisa Bao Ba Sa Tlhaloganyeng Sentle (gtTN kgao. 58)
No. 4: Se Bibela E Se Rutang Kaga Moya le Loso Ga Se Letlelele Gore go Nne le go Tsalwa ka Mmele O Mosha (rsTN ts. 182 ser. 1-3)
June 7 Mmalo wa Bibela: 2 Dikgosi 13 go ya go 15
Pina No. 168
No. 1: sgTN dits. 135-8 dir. 9-21
No. 2: 2 Dikgosi 13:14-25
No. 3: Tota Jesu Ke Mang? (gtTN kgao. 59)
No. 4: tdTN 36B A Botshelo jwa Motho Bo Tshwanetse jwa Bolokiwa Le Fa Ebile go Tweng?
June 14 Mmalo wa Bibela: 2 Dikgosi 16 go ya go 18
Pina No. 181
No. 1: sgTN dits. 138-41 dir. 1-19
No. 2: 2 Dikgosi 17:1-15
No. 3: Ponelopele ya Kgalalelo ya Bogosi jwa ga Keresete (gtTN kgao. 60)
No. 4: Go Na le Pharologanyo E E Kae Magareng ga go Tsalwa ka Mmele O Mosha le Tsholofelo E E mo Bibeleng? (rsTN ts. 182 ser. 4 go ya go ts. 183 ser. 1)
June 21 Mmalo wa Bibela: 2 Dikgosi 19 go ya go 22
Pina No. 144
No. 1: sgTN dits. 142-5 dir. 1-15
No. 2: 2 Dikgosi 19:14-28, 35
No. 3: Maatla Ao Tumelo E Nang le One (gtTN kgao. 61)
No. 4: tdTN 58A Re Itse Jang Gore Metlha ya Baditšhaba E Fedile ka 1914?
June 28 Mmalo wa Bibela: 2 Dikgosi 23 go ya go 25
Pina No. 213
No. 1: 2 Dikgosi—Lebaka la Go Bo E Le Mosola (siTN ts. 74 dir. 33-36)
No. 2: 2 Dikgosi 23:1-15
No. 3: Thuto Kaga Boikokobetso (gtTN kgao. 62)
No. 4: Ke ka Ntlha Yang Fa go Na le Ditumelo Tse Dintsintsi Jaana, mme Motlhotlheletsi wa Tsone Ke Mang? (rsTN ts. 72 dir. 2-4)
July 5 Mmalo wa Bibela: 1 Ditihalō 1 go ya go 3
Pina No. 105
No. 1: Ketapele ya 1 Ditihalō (siTN dits. 75-6 dir. 1-7)
No. 2: 1 Ditihalō 3:1-16
No. 3: Itise Kgatlhanong le go Kgopisa Ba Bangwe (gtTN kgao. 63)
No. 4: tdTN 27A Kereke ya Boammaaruri Ke Eng mme E Theilwe mo go Eng?
July 12 Mmalo wa Bibela: 1 Ditihalō 4 go ya go 6
Pina No. 110
No. 1: sgTN dits. 145-8 dir. 16-34
No. 2: 1 Ditihalō 5:1-17
No. 3: Thuto Kaga Boitshwarelo (gtTN kgao. 64)
No. 4: Lebaka la Go Bo Modimo O Sa Amogele Ditumelo Tsotlhe (rsTN ts. 73 ser. 1 go ya go ts. 74 ser. 1)
July 19 Mmalo wa Bibela: 1 Ditihalō 7 go ya go 10
Pina No. 151
No. 1: sgTN dits. 149-50 dir. 1-8
No. 2: 1 Ditihalō 7:1-12
No. 3: Mosepele wa Sephiri go Ya kwa Jerusalema (gtTN kgao. 65)
No. 4: tdTN 27D A Petere Ke Ene “Lehika”?
July 26 Mmalo wa Bibela: 1 Ditihalō 11 go ya go 14
Pina No. 155
No. 1: sgTN dits. 150-3 dir. 9-21
No. 2: 1 Ditihalō 13:1-14
No. 3: Kotsi kwa Modirong wa Metlaagana (gtTN kgao. 66)
No. 4: Nako Eo go Siameng ka Yone Gore Motho A Tlogele Bodumedi jwa Batsadi ba Gagwe (rsTN ts. 74 dir. 2-4)
Aug. 2 Mmalo wa Bibela: 1 Ditihalō 15 go ya go 18
Pina No. 156
No. 1: sgTN dits. 153-6 dir. 1-14
No. 2: 1 Ditihalō 17:1-15
No. 3: Lebaka la Go Bo Maotlana A Palelwa Ke go Tshwara Jesu (gtTN kgao. 67)
No. 4: tdTN 47A A Saense ya Boammaaruri E Dumalana le Bibela?
Aug. 9 Mmalo wa Bibela: 1 Ditihalō 19 go ya go 22
Pina No. 2
No. 1: sgTN dits. 156-8 dir. 15-24
No. 2: 1 Ditihalō 22:6-19
No. 3: Tshimologo ya Bomodimo ya ga Jesu le Isagwe ya Gagwe kwa Legodimong (gtTN kgao. 68 dir. 1-11)
No. 4: Pono ya Bibela ka Tlhakanelotumelo (rsTN ts. 75 ser. 1 go ya go ts. 76 ser. 1)
Aug. 16 Mmalo wa Bibela: 1 Ditihalō 23 go ya go 26
Pina No. 121
No. 1: sgTN dits. 158-60 dir. 1-9
No. 2: 1 Ditihalō 23:1-5, 24-32
No. 3: Boammaaruri Joo Bo Gololang Batho (gtTN kgao. 68 dir. 12-16)
No. 4: tdTN 47B A Letsatsi la Popo Le Boleele jwa Diura Di Le 24?
Aug. 23 Mmalo wa Bibela: 1 Ditihalō 27 go ya go 29
Pina No. 88
No. 1: 1 Ditihalō—Lebaka la Go Bo E Le Mosola (siTN dits. 78-9 dir. 22-25)
No. 2: 1 Ditihalō 27:23-34
No. 3: Kgang Kaga go Nna Rre (gtTN kgao. 69)
No. 4: Lebaka la Go Bo Bodumedi jwa Boammaaruri Bo Tshwanetse ya Nna Jo Bo Rulagantsweng (rsTN ts. 76 ser. 2 go ya go ts. 77 ser. 2)
Aug. 30 Tlhatlhobo E E Kwalwang. Konelang 1 Dikgosi 21 go ya go 1 Ditihalō 29
Pina No. 217
Sept. 6 Mmalo wa Bibela: 2 Ditihalō 1 go ya go 5
Pina No. 191
No. 1: Ketapele ya 2 Ditihalō (siTN dits. 79-80 dir. 1-6)
No. 2: 2 Ditihalō 5:1-14
No. 3: Go Fodisa Monna Yo O Tsetsweng E le Sefofu (gtTN kgao. 70)
No. 4: tdTN 50A Ke ka Ntlha Yang Fa Jesu A Ne A Pegilwe mo Mokgorong?
Sept. 13 Mmalo wa Bibela: 2 Ditihalō 6 go ya go 8
Pina No. 47
No. 1: sgTN dits. 160-3 dir. 10-24
No. 2: 2 Ditihalō 7:1-16
No. 3: Mokopi O Tlhakanya Bafarasai Tlhogo (gtTN kgao. 71)
No. 4: Lebaka la Go Bo go Tlhokega Se Se Fetang go Rata Monkawena Fela (rsTN ts. 77 ser. 4)
Sept. 20 Mmalo wa Bibela: 2 Ditihalō 9 go ya go 12
Pina No. 201
No. 1: sgTN dits. 163-5 dir. 1-9
No. 2: 2 Ditihalō 9:1-14
No. 3: Jesu O Roma Ba Ba 70 (gtTN kgao. 72)
No. 4: tdTN 50B A Bakeresete Ba Tshwanetse Ba Obamela Sefapaano?
Sept. 27 Mmalo wa Bibela: 2 Ditihalō 13 go ya go 17
Pina No. 202
No. 1: sgTN dits. 165-7 dir. 10-21
No. 2: 2 Ditihalō 13:8-22
No. 3: Tota Moagelani wa Rona Ke Mang? (gtTN kgao. 73)
No. 4: Lebaka la Go Bo go Tlhokega Se Se Fetang go Nna Fela le Kamano ka Namana le Modimo (rsTN ts. 77 ser. 5 go ya go ts. 78 ser. 1)
Oct. 4 Mmalo wa Bibela: 2 Ditihalō 18 go ya go 21
Pina No. 172
No. 1: sgTN dits. 168-70 dir. 1-14
No. 2: 2 Ditihalō 19:1-11
No. 3: Kgakololo Eo Jesu A E Neelang Maratha (gtTN kgao. 74 dir. 1-5)
No. 4: tdTN 35A Ke ka Ntlha Yang Fa Motho A Swa?
Oct. 11 Mmalo wa Bibela: 2 Ditihalō 22 go ya go 25
Pina No. 161
No. 1: sgTN dits. 170-1 dir. 15-22
No. 2: 2 Ditihalō 23:1-15
No. 3: Kafa go Tlhokafalang ka Teng Gore Re Rapele Re Sa Kgaotse (gtTN kgao. 74 dir. 6-9)
No. 4: Lebaka la Go Bo go Ipalela Bibela Fela Go Sa Lekana (rsTN ts. 78 dir. 2, 3)
Oct. 18 Mmalo wa Bibela: 2 Ditihalō 26 go ya go 28
Pina No. 222
No. 1: sgTN dits. 172-5 dir. 1-13
No. 2: 2 Ditihalō 26:11-23
No. 3: Tsela E E Molemo ya go Arabela Dikgakgamatso Tseo Jesu A Di Dirang (gtTN kgao. 75)
No. 4: tdTN 35B Baswi Ba mo Boemong Bofe?
Oct. 25 Mmalo wa Bibela: 2 Ditihalō 29 le 30
Pina No. 34
No. 1: sgTN dits. 175-7 dir. 1-14
No. 2: 2 Ditihalō 30:1-12
No. 3: Jesu O Senola Bafarasai le Borramolao (gtTN kgao. 76)
No. 4: Bodumedi Jo Bo Tshwanetseng Bo Theilwe mo Bibeleng Ebile Bo Itsise ka Leina la Modimo (rsTN ts. 78 dir. 4, 5)
Nov. 1 Mmalo wa Bibela: 2 Ditihalō 31 go ya go 33
Pina No. 215
No. 1: sgTN dits. 177-80 dir. 15-29
No. 2: 2 Ditihalō 32:10-22
No. 3: Jesu O Araba Potso E Eleng Malebana le Boswa (gtTN kgao. 77)
No. 4: tdTN 35C A go Ka Kgonega Gore Motho A Bue le Baswi?
Nov. 8 Mmalo wa Bibela: 2 Ditihalō 34 go ya go 36
Pina No. 211
No. 1: 2 Ditihalō—Lebaka la Go Bo E Le Mosola (siTN ts. 84 dir. 34-36)
No. 2: 2 Ditihalō 34:22-33
No. 3: Jesu O Kgothaletsa Barutwa ba Gagwe Gore Ba Nne Ba Iketleeleditse go Boa ga Gagwe (gtTN kgao. 78)
No. 4: Bodumedi Jo Bo Siameng Bo Bontsha Tumelo ya Boammaaruri mo go Jesu Keresete (rsTN ts. 79 ser. 1)
Nov. 15 Mmalo wa Bibela: Esere 1 go ya go 3
Pina No. 195
No. 1: Ketapele ya Esere (siTN ts. 85 dir. 1-7)
No. 2: Esere 3:1-13
No. 3: Morafe O O Timetseng, mme Eseng Otlhe (gtTN kgao. 79 dir. 1-5)
No. 4: tdTN 14A Diabolo Ke Mang?
Nov. 22 Mmalo wa Bibela: Esere 4 go ya go 7
Pina No. 177
No. 1: sgTN dits. 181-3 dir. 1-14
No. 2: Esere 6:1-13
No. 3: Go Didimatsa Bao Ba Leng Kgatlhanong le go Fodisa ka Sabata (gtTN kgao. 79 dir. 6-9)
No. 4: Bodumedi jwa Boammaaruri Ga Se Seomodiro Fela mme Go Na le Moo Ke Tsela ya Botshelo (rsTN ts. 79 ser. 2)
Nov. 29 Mmalo wa Bibela: Esere 8 go ya go 10
Pina No. 148
No. 1: Esere—Lebaka la Go Bo E Le Mosola (siTN ts. 87 dir. 14-18)
No. 2: Esere 9:1-9, 15
No. 3: Masaka a Dinku le Modisa Yo O Molemo (gtTN kgao. 80)
No. 4: tdTN 14B Mmusi wa Lefatshe Leno Ke Mang?
Dec. 6 Mmalo wa Bibela: Nehemia 1 go ya go 3
Pina No. 53
No. 1: Ketapele ya Nehemia (siTN ts. 88 dir. 1-5)
No. 2: Nehemia 3:1-14
No. 3: Lebaka la Go Bo Ba Leka go Bolaya Jesu (gtTN kgao. 81)
No. 4: Maloko a Bodumedi Jo Bo Tshwanetseng A A Ratana Ebile A Farologane le Lefatshe (rsTN ts. 79 dir. 3, 4)
Dec. 13 Mmalo wa Bibela: Nehemia 4 go ya go 6
Pina No. 143
No. 1: sgTN dits. 184-7 dir. 15-34
No. 2: Nehemia 6:1-13
No. 3: Ke Bomang Bao Ba Se Kitlang Ba Bolokiwa? (gtTN kgao. 82 dir. 1-6)
No. 4: tdTN 14D Badimona Ba Simologile Kae?
Dec. 20 Mmalo wa Bibela: Nehemia 7 le 8
Pina No. 123
No. 1: sgTN dits. 188-91 dir. 1-13
No. 2: Nehemia 8:1-12
No. 3: Dilo Tseo A Neng A Di Dira Fa A Sena go Fapogela kwa Jerusalema (gtTN kgao. 82 dir. 7-11)
No. 4: Maloko Otlhe a Bodumedi Jo Bo Tshwanetseng A Tlhaga mo go Neeleng Bosupi (rsTN ts. 80 ser. 1)
Dec. 27 Tlhatlhobo E E Kwalwang. Konelang 2 Ditihalō 1 go ya go Ezr 1-10 Nehemia -8
Pina No. 111