Dipokano go re Thusa go Dira Barutwa
BEKE E E SIMOLOLANG KA NOVEMBER 5
Pina 180
10 mets: Dikitsiso tsa lefelo la lona le Dikitsiso tse di tlhophilweng go tswa go Tirelo ya Rona ya Bogosi. Tlotlomatsa ditlhogo dingwe go tswa mo dimakasineng tsa bosheng jaana tseo di ka neelwang mo bekeng eno. Gakolola bakaulengwe gore ba tle ka boroutšhara ya Ba Dira Thato ya Modimo beke e e tlang mo Pokanong ya Tirelo.
20 mets: “Go Bontsha Mosola wa Lefoko la Modimo.” Se sekasekiwa ka dipotso le dikarabo. Fa lo tlotla dirapa 3 le 4, dira gore mmoledi yo o tshwanelegang a dire pontsho ka Setlhogo se sesha sa Motlotlo.
15 mets: “Nka Boloka Jang Boitlhaodi mo Gare ga Tlhakatlhakano ya Bopolotiki.” Mogolwane yo o tshwanelegang o tlotla ka botlhale le basha ba le babedi bao ba tlhomang sekao ka dintlha tse di mo lekwalong la letlha la March 20, 1990, leo le yang go diphuthego tsotlhe mo tshimong ya Bantsho. Tlhalosa ka bokhutshwanyane kgatelelo ya bopolotiki eo e itemogelwang ke basha ba le bantsi. Tota le eleng le bagolo ba ile ba angwa ke kgatelelo e e ntseng jalo. A go ile ga nna bonolo go nna o itlhaotse? Ba ile ba atlega jang mo go ganeng ditiro tseo eseng tsa boitlhaodi? Tlotlang ka dirapa 3 le 4 tsa lekwalo leno. Jesu ke ene moeteledipele wa rona ka jalo re tshwanetse ra mo sala morago. Tlotla ka Diane 13:20; 29:25. O ka nna gape wa dirisa dintlha tse di leng mo bukeng ya Go Fetolana ditsebe 104-110. Selo se segolo seo re tla itshireletsang ka sone ke gore re nne le seabe ka botlalo mo bodiheding jwa tshimo re bo re itlhagise phatlalatsa jaaka bao ba leng mo phuthegong ya ga Jehofa. Bontsha go anaanela sekao se se molemo seo basha bao ba leng mo phuthegong ba se tlhomang. Jehofa o itumedisiwa thata ke sekao sa bone se se molemo ebile se dira gore a tlotliwe.—Dia. 27:11.
Pina 46 le thapelo e e konelang.
BEKE E E SIMOLOLANG KA NOVEMBER 12
Pina 6
8 mets: Dikitsiso tsa lefelo la lona le pego ya madi. Bala lekwalo le le tswang kwa Mokgatlhong leo le bontshang gore ba amogetse meneelo eo e diretsweng tiro ya lefatshe ka bophara ya Mokgatlho le eo e neetsweng mo Letloleng la Mokgatlho la Diholo tsa Bogosi. Bontsha gape gore lo anaanela tsela eo go tshegediwang phuthego ya lefelo la lona ka dilo tse di bonalang ka gone.
22 mets: “Go Kaela Diithuti tsa Bibela kwa Phuthegong ya ga Jehofa.” Se sekasekiwa ka dipotso le dikarabo. Fa lo tlotla ka serapa 3, dira gore mmoledi yo o tshwanelegang a dire pontsho ya ka moo seithuti se ka kgothalediwang ka gone gore se nne gone kwa dipokanong tsa phuthego, o dirisa dintlha tse di totobetseng go tswa mo boroutšhareng ya Ba Dira Thato ya Modimo, ditsebe 14 le 15.
15 mets: Letlole la Dipotso. Mogolwane yo o tshwanelegang o tshwanetse a tshwara karolo eno ka mokgwa wa go tlotla mme go nna le mo bareetsi ba nnang le seabe gone. Bontsha ka moo e berekang ka gone mo lefelong la lona fa go tlhokafala go dira jalo, o thusa botlhe gore ba tlhaloganye lebaka la go bo tshedimosetso eno e neetswe le kafa eleng botlhokwa ka gone.
Pina 36 le thapelo e e konelang.
BEKE E E SIMOLOLANG KA NOVEMBER 19
Pina 101
15 mets: Dikitsiso tsa lefelo la lona le Dikgang tsa Bolegodimo. Tlotla ka tiro eo e neng ya dirwa ke phuthego ka nako ya tlhabano ya tshimo e e sa abiwang. Dirisa dipalo tseo di tswang mo pegong ya phuthego eo e neng ya romelwa kwa Mokgatlhong ka November 15.
20 mets: “Thusa ba Bangwe Gore E Nne Ditswerere mo go Diriseng Lefoko la Modimo.” Se sekasekiwa ka dipotso le dikarabo. Tlotlomatsa kafa go tlhokafalang ka gone gore re thusane gore re nne le bokgoni ka mo go oketsegileng mo dikarolong tse di farologaneng tsa bodihedi. Dira pontsho go bontsha ka moo baboledi ba ka thusang diithuti tse di tshwanelegang tsa Bibela ka gone kana ka moo motsadi a ka thusang ngwana wa gagwe yo mmotlana ka gone gore a baakanyetse bodihedi.
10 mets: Komiti ya tirelo e tlotla kaga go tswa ka metlha ga phuthego e tswela bodiheding jwa tshimo. Dirisang dintlha tse di tshwanelang tse di tswang mo lekwalong leo le neng le kwaletswe ditlhopha tsotlhe tsa bagolwane leo le neng le na le letlha la May 31, 1990. Neela dipalo tsa mo lefelong la lona, o kgothaletsa botlhe gore ba nne le seabe mo bodiheding beke le beke mme ba bege dipego tsa bone ka bonako fa kgwedi nngwe le nngwe e fela. Boloka motlotlo ono e le o o kgothatsang ebile e le o o tlhotlheletsang.
Pina 183 le thapelo e e konelang.
BEKE E E SIMOLOLANG KA NOVEMBER 26
Pina 161
5 mets: Dikitsiso tsa lefelo la lona.
13 mets: “Go Neela Mafoko A A Molemo—Ka Mokgwa wa go Rapela.” Puo e e bothitho eo e ikuelang. Tlotlomatsa kafa go tlhokafalang ka gone gore re rapele Modimo gore a re kaele le gore a re segofatse mo bodiheding jwa rona.
15 mets: Mokwaledi o boeletsa dikgakololo tsa kopano ya kgaolo le phuthego. Lebisa go tsenyeletso ya Tirelo ya Rona ya Bogosi ya October 1990. Kopanyeletsa dikgakololo tse di latelang: A botlhe ba dirile dithulaganyo tse di tlhomameng tsa gore ba nne gone kwa kopanong eno go tloga fela kwa tshimologong? A o setse o kopile nako ya go se bereke kwa tirong ya boitshidiso? A lelapa lotlhe le na le dilo tse di tshwanelang tsa go kwala dintlha go tlhomamisa gore botlhe ba solegelwa molemo ka botlalo go tswa mo thulaganyong? A o tla ithaopa go direla kwa kopanong? A o dirile dithulaganyo tsa gore diithuti tsa gago tsa Bibela di nne gone? Gape gakolola bakaulengwe gore ba se ka ba nnela go tsamaya tsamaya fa thulaganyo e ntse e tsweletse, le kafa go tlhokafalang ka gone gore batsadi ba nne le taolo e e tshwanetseng mo baneng ba bone ka dinako tsotlhe.
12 mets. Neela Buka ya Me ya Dipolelo tsa Bibela ka December. Puo le pontsho. Bontsha ka moo buka eno eleng botlhokwa ka gone, o tlotlomatsa dintlha dingwe tse di rileng le ditshwantsho tseo di ka dirisiwang. Mmoledi yo o tshwanelegang o dira pontsho go bontsha ka moo buka eno e ka neelwang ka gone e neelwa mogolo mo tirong ya ka ntlo le ntlo.
Pina 188 le thapelo e e konelang.