MAKASINE O O ITHUTIWANG

Ithute lebaka la go bo re ka tlhomamisega gore Jesu o ne a tsosiwa le gore o a tshela gompieno. Gape setlhogo seno se bontsha kafa go tsosediwa ga ga Keresete kwa botshelong jwa go sa sweng kwa legodimong go tshwanetseng ga re ama ka teng le kafa go amang tiro ya rona ya baboledi ba Bogosi ka gone.

Ditlhogo tseno tse di theilweng thata mo bukeng ya Lefitiko di bontsha lebaka la go bo Jehofa a batla gore batho ba gagwe ba nne boitshepo le kafa ba ka bontshang nonofo eno ka gone. Gape go tlotlwa ka ditsela tse re ka bontshang ka sone gore re boitshepo mo boitshwarong jotlhe jwa rona.

Batho bangwe ba re ithutang Baebele le bone ba fitlhela go le thata go tlhaloganya gore Jehofa o na le phuthego e le nngwe fela mo lefatsheng. Ba akanya gore go nna peloephepa ke gone fela go tlhokegang gore o itumedise Modimo go sa kgathalesege gore o wa bodumedi bofe. Ditlhogo tseno di tla bontsha botlhokwa jwa go lemoga batho ba Modimo le go direla Jehofa mmogo le bone.