MAKASINE O O ITHUTIWANG

Fa tsamaiso e e boikepo ya ga Satane e ntse e ya bokhutlong, go botlhokwa thata gore re se ka ra robala semoyeng. Setlhogo seno se tlotla kafa go nna re thantse malebana le dithapelo go ka re thusang ka gone gore re nne re tsogile.

Mo setlhogong seno, bona gore re ka ithuta eng ka bopelotelele jwa ga moporofeti Mika. Sekaseka gore ke ditiragalo dife tse di tla bontshang bokhutlo jwa nako ya rona ya go letela Jehofa gore a tseye kgato ka tsamaiso eno e e boikepo. Gape ela tlhoko kafa re ka bontshang ka gone gore re anaanela bopelotelele jwa Modimo.

Pego ya fa Senakeribe a ne a tlhasela Jerusalema mo motlheng wa ga Esekiele e ka re ruta dithuto tse di botlhokwa. Se go tlotliwang ka sone mo setlhogong seno se botlhokwa thata mo go ba ba neilweng maikarabelo a go nna badisa ba phuthego.

Setlhogo sa ntlha mo ditlhogong tseno tse pedi se tlotla ka tsela e Jehofa le Jesu ba disang ka gone letsomane la bone la mo lefatsheng gompieno e bile se bontsha kafa dinku tse ba di tlhokometseng di tshwanetseng go itshwara ka gone. Mo setlhogong sa bobedi re tla sekaseka boikutlo jo bagolwane ba phuthego ba tshwanetseng go lwela go nna le jone fa ba ntse ba dira tiro ya bone ya go nna badisa ba ba botlana ba letsomane.