MAKASINE O O ITHUTIWANG

Jehofa ga a bolo go nna a dirisa dikgakololo go kaela batho ba gagwe. Dikgakololo tseo di akaretsa eng? Setlhogo sa ntlha se bontsha kafa re ka ikanyang dikgakololo tsa Modimo ka gone. Setlhogo sa bobedi se tlhalosa ditsela di le tharo tsa kafa re ka ikanyang dikgakololo tsa ga Jehofa ka botlalo ka gone.

Tsela e re lebang dilo ka yone le ditshwetso tse re di dirang di tlhotlhelediwa thata ke tsela e re godisitsweng ka yone le maemo a re tshelang mo go one. Re ka tlhomamisa jang gore ditshwetso tsa rona di dumalana le thato ya Modimo? Mme gone, ke eng se se ka re thusang go diragatsa tshwetso e re e dirileng? Ditlhogo tseno di tla re thusa go itlhatlhoba ka kelotlhoko mo dintlheng tseno.

Re tla sekaseka ditsela di le robedi tsa kafa kamano e Mokeresete a nang le yone le Jehofa e ka nonotshiwang ka gone ke go nna mmulatsela. Fa e le gore gone jaanong o mmulatsela, ke eng se se ka go thusang gore o tswelele o le mo tirelong eno le fa gone o lebana le dikgwetlho? Fa e le gore o batla go nna mmulatsela le go itumelela masego a bobulatsela bo a lereng, o ka dira eng?