MAKASINE O O ITHUTIWANG

DITLHOGO TSA THUTO

▪ Ba ba Ratang Jehofa “Ga ba Na Sekgopi”

Bakeresete botlhe ba mo lobelong lwa go gapa sekgele sa botshelo jo bo sa khutleng. Le fa go ntse jalo, ka gonne rotlhe re ruile boleo, re a kgopiwa. Setlhogo seno se tla re thusa go lemoga dilo di le tlhano tse di ka re kgopang, e bile se tla re tlhalosetsa kafa re ka dirang ka gone gore dilo tseno di se ka tsa re thibela go fenya.

▪ A o Na le ‘Pelo ya go Itse’ Jehofa?

Buka ya Jeremia e re bolelela go le gontsi malebana le pelo. Setlhogo seno se tla re thusa go lemoga gore ‘pelo e e sa rupang’ ke eng le gore pelo eo e ka nna kotsi jang tota le mo Bakereseteng. Mme gone re ka nna jang le ‘pelo ya go itse’ Jehofa? —Jer. 9:26; 24:7.

▪ E re Ka O “Simolotse Go Itse Modimo”—O Tla Dira Eng Jaanong?

Ke eng se re tshwanetseng go se dira gore re itse Modimo le gore re itsewe ke ene? Mokeresete yo o setseng a godile semoyeng a ka kgona jang go tswelela a gatela pele, mme ka ntlha yang? Setlhogo seno se tla go thusa gore o arabe dipotso tseno.

▪ Jehofa—Lefelo la Rona la Bonno

Re tshela mo lefatsheng le le kotsi mo bomoyeng jwa rona, mme gone ga re a tshwanela go boifa. Setlhogo seno se re bontsha kafa re nang le bonno jo bo sireletsegileng go gaisa ka gone—Jehofa Modimo wa rona.

▪ Tlotla Leina la ga Jehofa le Legolo

Go kaya eng go nna mongwe wa batho ba ba bidiwang ka leina la Modimo? Go tsamaya mo leineng leo go kaya eng? Mme Modimo o leba jang ba ba tlontlololang leina la gagwe? Setlhogo seno se tla araba dipotso tseno.