MAKASINE O O ITHUTIWANG

DITLHOGO TSA THUTO

▪ Nna Pelokgale—Jehofa O na Le Wena!

Batho ba le bantsi ba ba umakilweng mo Dikwalong ba ne ba bontsha tumelo le bopelokgale. Fa re sekaseka mangwe a maitemogelo a bone, tumelo ya rona e tla nonofa e bile re tla direla Jehofa ka bopelokgale. Setlhogo seno se gatelela temana ya rona ya ngwaga ya 2013.

▪ Se Letle Sepe go go Katosetsa Kgakala le Jehofa

▪ Nna o Atamalane le Jehofa

Go na le dilo di le dintsi mo botshelong tse re sa kgoneng go di itlhophela, batsadi, bana ba gaeno le lefelo le re tsholetsweng mo go lone. Kamano ya rona le Jehofa e farologane. Re ka kgona go itlhophela gore a re batla go atamalana le ene kgotsa nnyaa. Ditlhogo tseno di tla tlotla ka dikarolo di le supa tsa botshelo tse mo go tsone re sa tshwanelang go letla sepe go re katosetsa kgakala le Jehofa.

▪ Go Direla Modimo re sa Ikwatlhaye

Rotlhe re na le dilo dingwe tse re ikwatlhaelang go bo re di dirile, mme re eletsa e kete re ka di dira gape ka tsela e e farologaneng. Le fa go ntse jalo, ga re a tshwanela go letlelela dilo tseo gore di koafatse tirelo e re e direlang Modimo. Mo setlhogong seno, re tla ithuta mo sekaong sa ga moaposetoloi Paulo gore re ka tswelela jang re direla Jehofa re sa ikwatlhaye.

▪ Bagolwane Ba Bakeresete—‘Badirimmogo Gore re Ipele’

Mo lekwalong la bobedi le Paulo a le kwaletseng Bakorintha, o ne a tlhalosa gore ene le ditsala tsa gagwe e ne e le ‘badirimmogo gore ba ipele.’ (2 Bakor. 1:24) Mafoko ao a ga Paulo a tshwanetse go ama jang segolobogolo bagolwane ba Bakeresete? Mme mongwe le mongwe wa rona a ka dira jang gore go nne le moya wa boitumelo mo phuthegong? Dikarabo tsa dipotso tseno di tla sekasekiwa mo setlhogong seno.