Makasine o o Ithutiwang

BOIKAELELO JWA DITLHOGO TSA THUTO

SETLHOGO SA THUTO 1 TSEBE 7-11

Re tshela mo nakong e e tletseng mathata. Setlhogo seno se tla re thusa go ithuta mo dikaong tsa bogologolo le tsa gompieno tsa batho ba ba ileng ba itshokela maemo a a thata. Gape se tla re bontsha kafa re ka nnang pelokgale ka gone le go leba dilo ka tsela e e tshwanetseng go sa kgathalesege gore re diragalelwa ke eng.

SETLHOGO SA THUTO 2 TSEBE 12-16

Lefatshe la gompieno le na le moya o o senyang e seng o o agang. Mo setlhogong seno, ithute kafa o ka tilang ka gone mekgwa le ditiro tse di senyang phuthego le kafa o ka lekang ka natla ka gone go dira gore go nne le moya o o rotloetsang dikamano tse di molemo le ba bangwe.

DITLHOGO TSA THUTO 3, 4 TSEBE 22-31

Setlhogo sa ntlha se tlhalosa ditsholofetso tse di botlhokwatlhokwa tse Modimo a ikanneng gore o tla di diragatsa. E le gore re solegelwe molemo ke ditsholofetso tsa gagwe, re tshwanetse go mo ikobela mme re diragatse se re se solofeditseng. Setlhogo sa bobedi se tlhalosa dikao tsa batho ba ba ileng ba dira gore Ee ya bone e reye Ee mme se kgothaletsa Bakeresete ba ba kolobeditsweng gore ba tshelele Ee ya bone e e botlhokwatlhokwa.—Math. 5:37.