Makasine o o Ithutiwang

BOIKAELELO JWA DITLHOGO TSA THUTO

DITLHOGO TSA THUTO 1, 2 TSEBE 10-19

Dithuto tsa bodumedi tsa maaka di ile tsa dira gore dimilionemilione tsa batho ba otsele semoyeng. Ditlhogo tseno tse pedi di tlotla kafa re ka tsosang batho ka gone, le lebaka la go bo go potlakile go dira jalo. Gape di tla tlotla ka gore re ka nna jang re na le boikutlo jwa go potlaka, le gore go rera ka potlako go kaya eng?

SETLHOGO SA THUTO 3 TSEBE 20-24

Moaposetoloi Petere o ne a kwala gore Bakeresete ba ba tloditsweng ba na le “tsholofelo e e tshelang.” (1 Pet. 1:3) Ke jang seo se leng boammaaruri, mme se ama jang ba “dinku tse dingwe”? (Joh. 10:16) Setlhogo seno se tla go thusa go bona gore ke ka ntlha yang fa o na le lebaka la go ipelela tsholofelo e o nang le yone le go leba kwa pele kwa go e fitlheleleng.

SETLHOGO SA THUTO 4 TSEBE 25-29

Jesu o ne a tlhagisa jaana: “Gakologelwang mosadi wa ga Lote.” (Luke 17:32) Ke eng fa Jesu a ne a naya tlhagiso eno? Setlhogo seno se tla re thusa go lemoga dikarolo tse tharo tse mo go tsone re tlhokang go dirisa tlhagiso eo. Bona fa e le gore o ka tlhoka go dirisa nngwe ya tsone kgotsa di le mmalwa tsa tsone mo botshelong jwa gago.