O Ne a “Lwana Ntwa E E Molemo”

Mokaulengwe F. E. Skinner o ne a wetsa botshelo jwa gagwe jwa mo lefatsheng ka July 4, 1990. Edwin Skinner o ne a na le dingwaga di le 96 mme o sa le a ntse a tsweledisa dikgatlhego tsa Bogosi jwa Modimo a le mo tirelong e e tletseng kwa India go tloga ka July 1926. O ne a kolobediwa kwa Engelane ka 1919. Kgang ya botshelo jwa gagwe e ne ya tlhaga go Tora ya Tebelo ya January 1, 1990. Mokaulengwe Skinner eleruri e ne e le monna wa tumelo ebile o ne a itshoka go fitlha kwa bokhutlong go digela sebaka sa tshiano, mme eleruri o bone tuelo ya gagwe.—2 Timotheo 4:7, 8.