Dithapelo Tsa Gago di na le Bokao go le Kana Kang?

“Ke biditse ka pelo ea me eotlhe; nkaraba Yehofa.”​—PESALEMA 119:145.

1, 2. (a) Ke setshwantsho sefe sa ga Jean se ee neng se le malebana le thapelo? (b) Jesu o ne e dira phetso efe ka barapedi ba babedi bao, mme seno se tshwanetse go re bontsha eng?

MMOPI, Jehofa Modimo, o utlwa dithapelo tsa mofuta ofe? Setshwantsho se se neng sa bolelwa ke Jesu Keresete ee bontsha boemo bongwe jwa motheo jwa gore Modimo o arabe dithapelo Jesu o ne a bua ka banna bangwe ba babedi ba ba neng ba rapela mo tempeleng kwa Jerusalema Yo mongwe e ne e le Mofarasai yo o tlotlegang thata, yo mongwe e le mokgethisi yo o nyatsegang Mofarasai o ne a rapela jaana: “Modimo, kea gu leboga ka go bo ke sa nna yaka batho ba bañwe, . . . kgotsa yaka mokgethisi eo. Ke tle ke ikitse go ya gabedi ka weke moñwe le moñwe; le ea boshomè sa eotlhe tse ke di bapalañ ke se ntshe.” Mme mokgethisi yo o nyatsegang “a ititaea sehuba, a re, Modimo, nkutlwèla botlhoko, nna eo ke leñ moleohi.”​—Luke 18:9-13.

² Fa Jesu a akgela kaga dithapelo tse pedi tseno, o ne a re: “Kea lo bolèlèla, Monna eo [mokgethisi], o hologetse kwa tluñ ea gagwè a siamisicwe bogolo go eo moñwe [Mofarasai]: gonne moñwe le moñwe eo o ikgodisañ o tla ñōtlahadiwa; me eo o iñōtlahatsañ, o tla godisiwa.” (Luke 18:14) Ka phepafalo, Jesu o ne a bontsha gore go rapela Rraarona wa selegodimo fela ga go a lekana. Tsela e re rapelang ka yone​—boikutlo jwa mogopolo wa rona—​le tsone di botlhokwa.

3. (a) Tsopola melao-metheo mengwe e e laolang thapelo. (b) Thapelo e ka nna le mefuta efe?

³ Ruri thapelo ke tshiamelo ya botlhokwa, e e boima, e e masisi. mme Bakeresete ba ba rutilweng sentle ba tlwaelane le melao ya motheo e e e laolang Dithapelo di tshwanetse tsa lebisiwa kwa Modimong wa boammaaruri, Jehofa. Di tshwanetse go rapelwa ka leina la ga Morwawe, Jean Keresete. Gore di amogelwe, di tshwanetse go rapelwa ka tumelo. Ee, “eo o tlañ Modimoñ o na le go dumèla ha o leeō.” Mo godimo ga moo, dithapelo tsa motho di tshwanetse go dumalana le thato ya Modimo. (Bahebera 11:6; Pesalema 65:2; Mathaio 17:20; Yohane 14:6, 14; 1 Yohane 5:14) Mme go tswa mo dikaong tsa Dikwalo, re ithuta gore dithapelo di ka rapelwa ka tsela ya pako, tebogo, topo, le mokokotlelo.​—Luke 10:21; Baefesia 5:20; Bafilipi 4:6; Bahebera 5:7.

Dikai tsa Dithapelo tse di Nang le Bokao

4. (a) Moshe le Joshua ba ne ba neela dikai dife tsa thapelo e e nang le bokao? (b) Dafide le Kgosi Hesekia ba ne be neela dikai dife? (c) Bontsi jwa dithapelo tseno di ne di tshwana ka tsela efe?

⁴ Segolo-bogolo fa go tshwanetswe ga thulanwa le mathata a a boima, fa go tlhokega gore go dirwe diphetso tse di masisi, fa go dirilwe diphoso tse di maswe thata, kana go na le matshosetsi mo matshelong a rona, re rapela ka tlhoafalo ebile re rapela dithapelo tse di nang le bokao. Ereka Baiseraela ba ne ba tsuologa morago ga ba sena go utlwa pego e e seng boammaaruri ya ditlhola tse some tse di sa ikanyegeng, Jehofa o ne a bolelela Moshe gore batho bao ba ne ba tshwanelwa ke go senngwa. Ka go rapela ka tlhoafalo le ka mo go nang le bokao, Moshe o ne a lopa Jehofa gore a seka a tsaya kgato eno ka gonne go ne go kopanyeletsa leina la Gagwe. (Dipalō 14:11-19) Fa lseraele a ne a fenngwa kwa Ai ka baka la bopelotshetlha jwa ga Akane, Joshua o ne a lopa ka tlhoafalo e kgolo gape e le malebana le leina la ga Jehofa. (Yoshua 7:6-9) Bontsi jwa dipesalema tsa ga Dafide ke tsa dithapelo tse a di rapetseng ka tlhoafalo, e e bileng e le sekai se se tsosang maikutlo thata ke Pesalema 51. Go rapela ga ga Kgosi Hesekia ka nako ya tlhaselo ya ga Kgosi Senakaribe wa Asiria ke sekai se sengwe se se molemo sa thapelo e e nang le bokao, mme le gone go ne go kopanyelediwa leina la ga Jehofa.​—Isaia 37:14-20.

5. Ke dikai dife tse dingwe tse re neng natso tsa dithapelo tse di nang le bokao tse di rapetsweng ke batlhanka bangwe ba ga Jehofa?

⁵ Buka ya Dikhutsahalō go ka twe ke thapelo e telele e Jeremia a neng a e rapelela batho ba ga gabo ka tlhoafalo, ka gonne go lebisiwa go Jehofa kgapetsa-kgapetsa mo go yone. (Dikhutsahalō 1:20; 2:20; 3:40-45, 55-66; 5:1-22) Esere le Daniele le bone ba ne ba rapelela batho ba ga bone dithapelo tse di nang le bokao ebile ba rapela ka tlhoafalo, ba bolela ditlolo tsa morafe wa bone ba bile ba kopa boitshwarelo. (Esere 9:5-15; Daniele 9:4-19) Mme re ka tlhomamisa gore thapelo eo Jona a neng a e rapela fa a le mo mpeng ya leruarua e ne e le ya tlhoafalo ebile e na le bokao.​—Yona 2:1-9.

6. (a) Jesu o re neetse dikai dife tsa dithapelo tse di nang le bokao? (b) Ke ntlha efe ya motheo e e tlhokegang gore dithapelo tsa rona di nne le bokao?

⁶ Pele ga Jesu a tlhopha baaposetoloi ba ba 12, o ne a lala a rapela bosigo jotlhe a kopa gore thato ya ga Rraagwe e diragale mo go tlhopheng ga gagwe. (Luke 6:12-16) Gape go na le thapelo ya ga Jesu e e nang le bokao e a neng a e rapela mo bosigong jwa go okwa ga gagwe, jaaka e kwadilwe mo go Johane kgaolo 17. Dithapelo tseno tsotlhe di neela bosupi jo bo duleng diatla jwa kamano e ntle le Jehofa e e neng e ipelelwa ke batho ba ba neng ba di rapela. Kwantle ga pelaelo, seno e tshwanetse go nna selo sa motheo mo dithapelong tsa rona gore di tle di nne le bokao. Mme ebile di tshwanetse go nna tsa tlhoafalo le tse di nang le bokao e le gore di tle di ‘nne le tse di nonofileng’ mo go Jehofa Modimo.​—Yakobe 5:16, The Jerusalem Bible.

Ditlhaelo tse di Bakwang ke Bosaitekanelang jwa Motho

7. Re ka ipotsa dipotso dife mabapi le dithapelo tsa rona?

⁷ Jaaka go lemogilwe, segolo-bogolo fa re gateletswe ke maemo mangwe dithapelo tsa rona di ka nna tsa nna tsa tlhoafalo le go nna le bokao. Mme go tweng kaga dithapelo tsa rona tsa letsatsi le letsatsi? A di supa kamano e e bothito, e e kitlaneng e re ikutlwang re na nayo le Rraarona wa selegodimo, Jehofa Modimo? Go builwe sentle ga twe: “Thapelo e tshwanetse go nna le bokao bongwe mo go rona fa e le gore e tla kaya sengwe mo Modimong.” A re akanyetsa dithapelo tsa rona jaaka go tshwanetse re bile re tlhomamisa gore di tswa mo pelong ya rona ya tshwantshetso tota?

8. Dithapelo tsa rona di ka nna le ditlhaelo dife tse di ba wang ke go la itekanelang ga botho?

⁸ Go motlhofo fela go letlelela dithapelo tsa rona go latlhegelwa ke bokao mo dintlheng tseno. Ka baka la ditshekamelo tsa rona tse re di ruileng tsa bosaitekanelang dipelo tsa rona di ka re tsietsa motlhofo fela, di dira gore dithapelo tsa rona di seka tsa nna le boleng jo di tshwanetseng go nna najo. (Jeremia 17:9) Fa, ka makgetlo a mantsi, re sa eme re bo re akanya pele ga re rapela, re ka nna ra fitlhela gore re tlwaela go rapela dithapelo tsa rona ka tsela e e tshwanang nako le nako, tse di sa laolweng ke se re se rapelelang, di nna seo-modiro fela. Kana gongwe ra di boa-boeletsa, mo go re gakololang se Jean a neng a se bua malebana le tsela e e sa tshwanelang eo ‘baditšhaba ba rapelang ka yone.’ (Mathaio 6:7, 8) Kana dithapelo tsa rona dika nna tse di akaretsang fela go na le go bua ka dilo tse di tlhomameng kana batho.

9. Ke momeno afe a mangwe a a ke tsogang mabapi le dithapelo tsa rona, mme kwantle ga pelaelo ke eng se e leng lebaka le lengwe la mamena ano?

⁹ Ka dinako tse dingwe re ka nna ra sekamela mo go rapeleleng ka bonako. Mme go tshwanetswe ga lemogiwa kelotlhoko e e reng: “Fa o tshwaregile thata mo o sa kakeng wa rapela, go raya gore o tshwaregile tota.” Ga re a tshwanela go tshwara mafoko mangwe ka tlhogo re bo re a boeletsa fela nako le nako fa re rapela; le gone ga go tlhokafale gore mosupi wa ga Jehofa a bale thapelo ya gagwe, jaaka kwa kopanong ya phatlalatsa Kwantle ga pelaelo, bobotlana karolo ya mamena ano otlhe a tsosiwa ke ntlha ya gore ga re kgone go bona Jehofa Modimo ka namana, Ene yo re mo rapelang Lefa go ntse jalo, ga re kake ra solofela gore o ka itumedisiwa ke dithapelo tse di ntseng jalo, le gone le rona ga re solegelwe molemo ke go di rapela.

Go Fenya Ditlhaelo

10. (a) Ke boikutlo bofe jo bo ka supang go sa anaanelang botlhokwa jwa thapelo? (b) Go tlhokomedisiwa sekai sefe sa Dikwalo?

¹⁰ Go kgona ga rona go elatlhoko mamena a a umakilweng fa godimo go ikaegile kafa re anaanelang botlhokwa jwa dithapelo tsa rona tsa letsatsi le letsatsi ka teng le go nna le kamano e e molemo le Rraarona wa selegodimo. Selo ea ntlha, kanaanelo e e ntseng jalo e tla re thusa go ikelatlhoko mo go ea rapeleleng ka bonako jaaka ekete re batla go dira dilo dingwe tse di botlhokwa go feta seo. Ga go na sepe se se ka nnang botlhokwa go feta go buisana le Molaodi wa Lobopo, Jehofa Modimo. Ke boammaaruri, go ka tewa go na le dipaka tseo mo go tsone nako e lekanyeditsweng. Ka sekai, fa Kgosi Aretaserese a ne a botsa motshola-pafana wa gagwe Nehemia a re, “Ke eñ seo o se lopañ?” Nehemia a ‘rapela Modimo wa legodimo ka bonako.’ (Nehemia 2:4) Ereka kgosi e ne e batla phetolo ka bofefo, Nehemia o ne a sa kake a lelefatsa thapelo. Mme re ka nna ra tlhomamisa gore e ne e na le bokao ebile e tswa mo pelong ya gagwe ka gonne Jehofa o ne a mo araba ka bofefo. (Nehemia 2:5, 6) Lefa go ntse jalo, kwantle ga dipaka tseno tse di nnang ka sewelo, re tshwanetse go tsaya nako fa re rapela mme re emise dilo tse dingwe. Fa re na le go rapelela ka bonako, ga re anaanele ka botlalo botlhokwa jwa thapelo.

11. Ke lemena lefe le lengwe le re tlhokang go le disa, mme Jesu o ne a neela sekao sefe se sentle mabapi le seno?

¹¹ Lemena le lengwe le re ka tlhokang go le tila ke la go boeletsa dilo ka kakaretso. Go rapela ka tsela e e ntseng jalo ga se go dirisa tshiamelo e e botlhokwa ya thapelo sentle. Mo thapelong ya gagwe ya Morena, Jesu o ne a re beela sekao se se molemo mabapi le seno. O ne a umaka ditopo di supa tse di tlhomologileng: tse tharo e le tsa phenyo ya tshiamo, e le nngwefela e le ya ditlhokafalo tsa rona tsa letsatsi le letsatsi tsa senama, mme di le tharo e le tsa botsogo jwa rona jwa semoya.​—Mathaio 6:9-13.

12. Paulo o neela dikao dife tse di molemo malebana le go tlhomama mo dithapelong tsa rona?

¹² Moaposetoloi Paulo le ene o ne a re beela sekao se se molemo mo dintlheng tseno. O ne a kopa gore ba bangwe ba mo rapelele gore a ‘newe kgono ya go bua ka botlhoka-poifo.’ (Baefesia 6:18-20) Le ene o ne a tlhomama tota fa a rapelela ba bangwe. “Me ke lo rapèlèla mo,” ga rialo Paulo, “gore loratō loa lona lo totahalè bogolo bogolo mo kicoñ le mo temogoñ; Gore lo kè lo dumalane le dilō tse di molemō: gore lo kè lo nnè peloephepa le botlhōka sekgope, go ea go hitlha mo motlheñ oa ga Keresete; Ka go tladiwa mauñō a tshiamō, a a leñ kgalaleco le pakō ea Modimo ka Yesu Keresete.”​—Bafilipi 1:9-11.

13. Re ka rapela jang dithapelo tse di nang le bokao mabapi le mefuta e e farologaneng ya tirelo ya rona go Jehofa?

¹³ Ee, re tshwanetse go rapela ka dilo tse di tlhomameng mme seno se tlhoka gore re akanyetse dithapelo tsa rona. (Bapisa Diane 15:28.) Fa re le mo bodiheding jwa tshimo, re ka nna ra kopa Modimo eseng fela gore a segofatse maiteko a rona mme gape re ka kopa botlhale, bothakga, bopelotona, go bua ka tshosologo, kana gore a re thuse mo bokoeng bope fela jo bo ka neng bo kgoreletsana le go neela bosupi ga rona ka botswerere Mo godimo ga moo, a ga re a tshwanela go kopa Modimo go re isa kwa go bao ba bolaetsweng tshiamo ke tlala le lenyora? Pele fela ga go neela puo ya phatlalatsa kana go nna le seabe mo Pokanong ya Tirelo kana mo Sekolong sa Bodihedi sa Bolegodimo, re ka lopa Jehofa gore moya wa gagwe o o boitshepo o nne le rona ka botlalo. Ka ntlhayang? E le gore re tle re bue ka go itshepa le go ema sentle, re bue ka tlhoafalo le ka mo go tlhatswang pelo, e le gore re tle re lere tlotlo mo leineng la Modimo le go aga bakaulengwe ba rona. Dithapelo tsotlhe tse di ntseng jalo gape di tlatseleletsa mo go nneng le mogopolo o o siameng fa re bua.

14. Boikutlo jwa rona e tshwanetse go nna bofe mabapi le makoa a senama a a thata go fenngwa?

¹⁴ A re na le bokoa jwa senama jo bo lwantshanang le bomoya jwa rona jo bo bileng bo lebega bo le thata go ka bo fenya? Re tla batla go dirisana le jone ka mo go kgethegileng mo dithapelong tsa rona. Mme go na le go kgobega marapo, ga re a tshwanela go itsapa le ka motlha go kopa Modimo ka boikokobetso le ka tlhoafalo gore a re thuse le go re itshwarela.Ee, mo maemong a a ntseng jalo, re tshwanetse go batla go ya kwa go Jehofa jaaka ngwana a ya kwa go rraagwe fa a le mo bothateng, go sa kgathalesege gore re rapela Modimo ga kae ka bokoa bo le bongwefela Fa re tlhoafetse. Jehofa o tla re thusa a bo a re lemotsha gore o re itshwaretse Mo maemong a a ntseng jalo, re ka gomodiwa gape ke boipolelo jwa ga moaposetoloi Paulo jwa gore o ne a na le bothata.​—Baroma 7:21-25.

Dithuso tsa go Rapela Dithapelo tse di Nang le Bokao

15. Re tshwanetse go atamela Jehofa Modimo ka boikutlo bofe jwa mogopolo fa re rapela?

¹⁵ Gore dithapelo tsa rona di nne le bokao tota, re tshwanetse go dira boiteko jwa go itlhokomolosa dikakanyo tsotlhe tse di ka kwantle le go nwela mo ntlheng ya gore re tla fa pele ga Modimo o Mogolo, Jehofa. Re tshwanetse go mo atamela ka tlotlo e kgolo, re anaanela go boitshega ga gagwe. Jaaka Jehofa a ne a bolelela Moshe, ga go na motho ope yo o ka bonang Modimo a bo a tshela. (Ekesodo 33:20) Jalo re tlhoka go atamela Jehofa ka boikokobetso le boingotlo jo bo tshwanetseng, e leng ntlha eo Jesu a neng a e gatelela mo setshwantshong sa gagwe sa Mofarasai le mokgethisi. (Mika 6:8; Luke 18:9-14) Jehofa o tshwanetse go nna wa sebele mo go rona. Be tshwanetse go nna le boikutlo jwa mogopolo jo bo tshwanang le joo Moshe a neng a na najo. “A ichōka yaka moñwe eo o tlhomileñ matlhō mo go èna eo o sa bonaleñ.” (Bahebera 11:27) Mekgwa e e ntseng jalo e supa gore re na le kamano e e molemo le Rraarona wa selegodimo.

16. Dipelo tsa rona di na le seabe sefe mo go rapeleng dithapelo tse di nang le bokao?

¹⁶ Gape dithapelo tsa rona di ka nna le bokao fa re tla kwa go Jehofa ka dipelo tse di tletseng lorato le go mo kgatlhegela Ka motlhala, abo mopesalema Dafide a ne a bontsha go anaanela Jehofa Modimo le go mo rata jang ne mo go Pesalema 23 le 103! Ga go na potso kaga go nna le kamano e e molemo ga ga Dafide le Modisa wa gagwe yo Mogolo, Jehofa Modimo. Mo Sekoleng sa Bodihedi sa Bolegodimo, re gakololwa go bua ka pelo e ntle le boikutlo Seno se tshwanetse go nna jalo bogolo jang fa re bala dikwalo mme le go feta foo fa re rapela Rraarona wa selegodimo. Ee, re batla go ikutlwa jaaka Dafide a ne a ikutlwa fa a ne a rapela a re: “Nchupetsa motlhala ea gago. Yehofa; u nthutè ditsela tsa gago. Ntsamaisa mo boamarureñ yoa gago, u bo u nthutè; gonne ke wèna Modimo oa polokō ea me.” Se gape se bontshang kafa re tshwanetseng go ikutlwa ka teng ke mafoko ano a mopesalema yo mongwe: “Ke biditse ka pelo ea me eotlhe; nkaraba Yehofa.”​—Pesalema 25:4, 5; 119:145.

17. Re ka dira jang gore dithapelo tsa rona di seka tsa nna tse di boa-boelediwang?

¹⁷ Gore dithapelo tse rona di nne le bokao ke metlha le go tila go di boe-boeletse, re dira sentle fa re fetola boikaelelo jwa tsone. Temana ya letsatsi ye Bibele kana kgatiso nngwe ya Bokeresete e re ntseng re e bala e ke re neela mogopolo Setlhogo ea thuto ya Tora ya Tebelo, ee puo ye phatlalatsa kana sa pokano kana kopano e re e ileng se ke thusa mo ntlheng eno.

18. Gore dithapelo tsa rona di nne le bokao jo bo oketsegileng ke eng se re ka se dirang tumalanong le mafoko a Bibela le dikai?

¹⁸ Go re thusa go ipaakanyetse go rapele le go dira gore dithapelo tse rona di nne le bokao, go tla bo go le molemo fa re fetola boemo jwa rone. Fe re rapele dithapelo tse phatlalatsa, ke tlholego fela re obe ditlhogo tse rona. Mme fa re rapela dithapelo tse botho, bangwe be bone gole molemo go khubama fe pele ga ga Jehofa fa ba rapele ba le bosi kana jaaka lelapa gonne ba fitlhele go thuse mo go nneng ga bone le boikutlo jwa mogopolo o o ikokobeditseng Mo go Pesalema 95:6 re kgothadiwa jaana: “A lo ko lo tleeñ, re ōbamè, re inamè: a re khubameñ ha pele ga Yehofa, Mmopi oa rone.” Solomone o ne e khubama fe a ne a rapela kwa go kgakolweng ga tempele ya ga Jehofa, gape Daniele o ne e go dirile tlwaelo go khubama fa a rapela.​—2 Ditihalō 6:13; Daniele 6:10.

19. Ba ba nang le boikarabelo jwa go rapela phatlalatsa ba tla bo ba dira sentle fa ba gakologelwa dintlha dife?

¹⁹ Ka ntlha ya botlhokwa jwa thapelo, bagolwane ba ba tlhophilweng ba tshwanetse go atlhola sentle mo go reng ke ofe yo ba mmiletsang go tla go rapela thapelo ya phatlalatsa mo boemong jwa phuthego Monna yo o kolobeditsweng yo o emelang phuthego o tshwanetse go nna modihedi yo o nonofileng wa Mokeresete. Thapelo ya gagwe e tshwanetse go senola gore o na le kamano e ntle le Modimo. Mme bao ba nnang le tshiamelo ya go rapela dithapelo tse di ntseng jalo ba tshwanetse go dira gore ba utlwiwe, ka gonne ga ba ithapelele ba le bosi me ba rapelela gape le phuthego yotlhe fela. Fa ba sa dire jalo, phuthego yotlhe e ka kopanela jang mo go reng “Amen” kwa bokhutlong jwa thapelo? (1 Bakorintha 14:16) Legale, gore botlhe ba kgone go bua ba re “Amen” ka mo go nang le bokao, ba tshwanetse go reetsa ka kelotlhoko, ba sa letlelele megopolo ya bone go kgarakgatshega mme ba dira gore thapelo e nne ya bone tota. Tlhagiso e nngwe e go ka okediwang ka yone ke gore ereka dithapelo tsa go nna jalo di lebisitswe kwa go Jehofa Modimo, ga di a tshwanela go dirisiwa jaaka sebaka sa go rerela bareetsi kana sa go boa megopolo ya botho fela.

20. Ka go bo dithapelo tse di nang le bokae tse di rapelelwang kwa godimo di leretse bareetsi tshegofatso, go akantshiwa eng?

²⁰ Fa dithapelo tsa rona tse di rapelelwang kwa godimo ruri di na le bokao, di leretse bareetsi tshegofatso Ka go bo go ntse jalo, banyalani le malapa ba ka dira sentle gore letsatsi le letsatsi ba nne le bobotlana thapelo e le nngwefela e ba e rapelang ba le mmogo. Mo go yone, motho a le mongwefela, yo o tshwanang le tlhogo ya lelapa, o ka buelela yo mongwe kana ba bangwe.

21. Gore dithapelo tsa rona di nne le bokao, ke ntlha efe e nngwe e re tlhokang go e sekaseka?

²¹ Gore dithapelo tsa rona di nne le bokao tota, go santse go na le ntlha e nngwe e re tlhokang go e tlhokomela. Eno ke ntlha ya gore re tshwanetse go tsamaisana le dithapelo tsa rona, mo go kayang eng? Gore re tshele tumalanong le dithapelo tsa rona re bo re berekele mo go se re se rapelelang Ntlha eno kaga dithapelo tsa rona e tla seka-sekiwa mo setlhogong se se latelang.

O Arabela Jang?

◻ Ke dithapelo dife tse di nang le bokao tse di kwadilweng mo Dikwalong?

◻ Ka baka la bosaitekanelang jwa batho, dithapelo tsa rona di ka nna le ditlhaelo dife?

◻ Re ka fenya ditlhaelo dingwe mo dithapelong tsa rona jang?

◻ Go na le dithuso dife tse dingwe tsa kafa re ka rapelang dithapelo tse di nang le bokao ka teng?