Monna yo o Nyetseng Lefufa Ebile e le Ngaka ya Setswana O Amogela Boammaaruri

MONNA mongwe wa Moafrika yo o bidiwang Isaac, ene le banna ba bangwe ba le mmalwa, ba ne ba tlogela Kereke ya motse wa bone ya Aposetolo ka gonne e ne e sa dire seo e neng e se rera. Moragonyana ga moo botlhe, go balelwa le basadi ba bone, ba ne ba fetoga Basupi ba ga Jehofa​—go sa balelwe le Isaac. Ba ne ba dira tshwetso ya gore ba mo etele le go mmolelela gore ba ne ba bone boammaaruri. lsaac, ka nako eo, o ne a fetogile ngaka e e atlegileng ya Setswana mme o ne a na le basadi ba le mmalwa. Morago ga gore a ithute bukana ya Itumelele Botshelo mo Lefatsheng ka Bosakhutleng! eo e leng malebana le tsela ya gagwe ya go tshela, Isaac o ne a tlogela tiro ya gagwe ya bongaka jwa Setswana, eo e neng e na le morokotso tota, mme gape le basadi ba gagwe kwantle ga wa ntlha. O ne a kwadisa lenyalo la gagwe le mosadi wa gagwe wa ntlha, yo a neng a na le dingwaga di le 63 ka nako eo (ene o ne a na le di le 68). A re o ikutlwa a “itumetse thata ebile a gololesegile, ga a tlhole a boifa meya.”