‘Ke sone se Ke sa Bolong Go se Batla’

Matshelo a batho a ka fetolwa ke selo se sennyane fela. Seno se bontshiwa ke mosetsanyana mongwe wa Argentina yo o neng a kwalela ntlo-kgolo ya Watch Tower kwa Brooklyn, New York jaana:

“Mogatisi yo o Rategang:

Tswee tswee mpolelela ka bonako ka moo ke ka amogelang makasine wa Tora ya Tebelo oo lo o gatisang ka gone. Moagelani wa me o ne a nkadima sekaelo sa makasine ono mme seo ke se badileng mo go one ke sone seo ke sa bolong go se batla ka nako e telele. Abo o ntiretse molemo o mogolo jang ne! O nkgomoditse thata. Kana, ke na le dingwaga di le 15 mme ke setse ke le esi fela mo lefatsheng. Ga ke na ope yo o itshwenyang ka nna, mme makasine wa lona o ntladitse ka tsholofelo. Moagelani o nkopile gore ke buse makasine oo ereka e le sengwe sa dilo tseo mmagwe, yo o suleng bosheng jaana, a di mo tlogeletseng.”

Mosetsanyana yono o ne a konela lekwalo la gagwe ka go tlhalosa gore o humanegile thata mme le gore o tla dira sengwe le sengwe se se ka kgonagalang gore a duelele makasine ono. Lekwalo la gagwe le ne la romelwa Argentina, mme moemedi wa Mokgatlho wa Watch Tower o ne a etela mosetsanyana yono ka bonako morago ga moo. O ne a beeletsa Tora ya Tebelo gammogo le Awake! O ne a gatela pele ka bonako mo kitsong ya Bibela mme a kolobediwa. Jaanong o nna le seabe le diketekete tsa bakaulengwe le bokgaitsadi ba gagwe ba Argentina mo bodiheding jwa Bokeresete.

Le wena, Tora ya Tebelo le makasine o o e patileng wa Awake! di ka romelwa kwa legaeng la gago ka go tlatsa le go romela foromonyana eno e e fa tlase.

Tswee tswee nthomeleleng peeletso ya ngwaga o le mongwe ya Tora ya Tebelo le Awake! Ke romela R13.