Dipotso tse di Tswang Go Babadi
◼ A mafoko a ga Jesu a gore “loratō loa bontsi bogolo lo tla tsidihala” a kaya gore seno se tla diragala mo baobameding ba boammaaruri jaanong?
Ka lebaka le le utlwalang re dumela gore Jesu o ne a sa bolelele-pele go latlhegelwa ke lorato go gogolo mo bathong ba ga Jehofa.
Baaposetoloi ba ne ba kopile ‘sesupo sa go tla ga ga Jesu le sa bokhutlo jwa lefatshe.’ Jesu o boleletse-pele dintwa, dithoromo tsa lefatshe, ditlhaelo tsa dijo le go bogisiwa ga Bakeresete. O okeditse ka go re: “E tla re ka boikèpō bo tla bo bo ntsihetse, loratō loa bontsi bogolo lo tla tsidihala.”—Mathaio 24:3-12.
Bontsi jwa boperofeti jono bo diragetse magareng ga nako eo (33 C.E.) le sepitla se segolo sa Jerusalema seo se bakilweng ke Baroma ka 70 C.E. (Bapisa le Luke 19:41-44; 21:5-28.) Ka lobaka loo, a lorato lwa Bakeresete ba bantsi ba ba tloditsweng lo ne lwa tsidifala? Nnya. Bao ba neng ba wa mo Bokereseteng mo losikeng loo go bonala ba ne ba le bannye thata. Bakeresete ba bantsi ba ba neng ba bogisiwa ke Bajuda ba ne ba tswelela ka go “èta ba rèra lehoko,” ba bontsha lorato go Modimo, go bao e seng badumedi le go Bakeresete ka bone. (Ditihō 8:1-25; 9:36-42) Mme lorato lo ne lwa tsidifala mo Bajudeng, bao ba neng ba bolela gore ke baobamedi ba boammaaruri. Bontsi jo bogolo jwa bone bo ne jwa tlhokomologa tlhagiso ya ga Jesu, ba ne ba tsuologela Roma mme ba ineela mo tshireletsong e e thubakanyang ya morafe wa bone.
Boperofeti jwa ga Jesu bo fetela ka kwa ga lekgolo la ntlha la dingwaga mme bo diragala thata gompieno (Tshenolō 6:2-8) Jaaka Bajuda morago koo, batho ba na le lorato lo lonnye thata. Dimilione di fetogile baheitane. Tota le mo go La-Bodumedi batho ba sekametse mo go bontsheng baagelani lorato lo lonnye, mme palo ya ba ba tlang kerekeng le kitso ya Bibela ka kakaretso di a fokotsega. Ba bantsi bao ba lebegang e le badumedi ba leka go baakanya mathata a batho ka ditsela tsa bopolotiki. Jalo go bonala gore ke mo go bao ba ipolelang go nna baobamedi ba Modimo moo lorato lo tsidifalang gone.
Leta go ntse jalo Bakeresete ba boammaaruri ga baa tshwanela go nna ba gololesegile Ereka Bakeresete bangwe mo lekgolong la ntlha la dingwaga ba ne ba latlhegelwa ke lorato lwa bone lwa ntlha kana ba ne ba faposiwa go lone ke mathata, re ka nna ra fitlhela lorato lwa rona lo tsidifala (2 Timotheo 2:16-19; Tshenolō 2:4) Ka nako ya fa seno se diragala, re tla bo re kgethegile mo bathong ba bantsi ba ga Jehofa, lebaka la gore go ka diragala go rona ka bongwe le otlelela go tlhoka ga rona go ‘itshoka go ya bokhutlong’ gore re tle re bolokwe.—Mathaio 24:13.