Mukaddes Kitapdaky deňeşdirmelere nädip düşünmeli?

Mukaddes Kitapda ýüzlerçe deňeşdirmelere, mysallara duş gelse bolýar. Köp adamlara şol deňeşdirmelere düşünmek kyn (Mat. 13:13). Olaryň manysyna düşünmäge aşakdaky üç ädim kömek edýär.

• Esasy pikiri we onuň näme bilen deňeşdirilýändigini anyklaň. Meselem, Ylham 3:3-de Isanyň gelşi (esasy pikir) ogrynyň gelşine (deňeşdirme) meňzedilýär.

• Esasy pikir bilen deňeşdirmäniň meňzeşligi hakda oýlanyň. Esasy pikiriň bir waka ýa ýagdaý bilen näme üçin deňeşdirilendigini we olaryň nähili baglanyşygynyň bardygyny biljek boluň.

• Dogry netijä geliň. Käte adamlar deňeşdirmelere nädogry düşünýärler. Meselem, ýokardaky mysal Isanyň bir zat ogurlamak üçin gelýändigini aňlatmaýar. Gaýtam beýleki aýatlardan ogrynyň duýdansyz gelşi ýaly, Isanyň hem duýdansyz geljekdigine düşünse bolýar.