SAPAK 11

Joşgunly gepläň

Rimliler 12:11

MAKSADY: Diňleýjileriň ýüregine täsir etmek we öwrenen zady boýunça ýaşamaga höweslendirmek üçin joşgunly gepläň.

Gowy taýýarlanyň. Taýýarlananyňyzda aýtjak zatlaryňyzyň wajypdygy hakda oýlanyň. Aljyraman çykyş eder ýaly temany gowy özleşdiriň.
Diňleýjiler hakda oýlanyň. Okajak ýa-da düşündirjek zatlaryňyzyň peýdasy hakda oýlanyň. Diňleýjiler aýdylýan zatlaryň peýdalydygyna düşüner ýaly, maglumaty nädip aýtjakdygyňyz hakda pikirleniň.
Joşgunly gepläň. Höwes bilen gürrüň beriň. Duýgularyňyz ýüz-gözüňizden we hereketiňizden görünsin, ýöne ýasama bolmasyn.

Şol bir hereketleriňizi gaýtalap durmaň, ýogsam diňleýjileriň ünsi bölüner. Hereketleriňiz adaty bolsun. Esasy pikirleri düşündireniňizde ýa-da diňleýjileri öwrenen zatlaryny durmuşda ulanmaga höweslendireniňizde joşgunly gepläň. Ýöne başdan-aýak joşgunly geplemäň, ýogsam diňleýjiler ýadar.