ብዛዕባ ደዌ ኻብ እተዋህበ ሕግታት ተምሃር

13:4, 5, 45, 46, 52, 57

መሰረታዊ ስርዓት እቲ ብዛዕባ ደዌ እተዋህበ ሕግታት፡ መንፈሳዊ ጥዕናና ኽንሕሉ ዚምህረና ብኸመይ እዩ፧

• የሆዋ ንኻህናት ብኸመይ ብኣጋኡ ደዌ ኼለልዩ ኸም ዚኽእሉ ምሂርዎም እዩ። ሎሚ እውን ክርስትያን ጓሶት፡ መንፈሳዊ ሓገዝ ንዜድልዮ ዝዀነ ይኹን ሰብ ብኣጋኡ የቕልቡሉ እዮም።—ያእ 5:14, 15

• እስራኤላውያን ንዝዀነ ይኹን ብደዌ እተበከለ ነገራት ናብ ካልእ ምእንቲ ኸይመሓላለፍ ኬወግድዎ ነበሮም። ብተመሳሳሊ፡ ክርስትያናት ከም ክቡር ገይሮም ንዚርእይዎ ነገራት እውን ከይተረፈ፡ ናብ ሓጢኣት ዚመርሖም እንተ ዀይኑ፡ ኬወግድዎ ፍቓደኛታት ኪዀኑ ኣለዎም። (ማቴ 18:8, 9) እዚ ኸኣ ከም ልማዳት፡ ዕርክነት፡ ወይ መዘናግዒ ዜጠቓልል ኪኸውን ይኽእል እዩ።

ሓደ ክርስትያን ሓገዝ የሆዋ ንምርካብ ቈራጽነት ከም ዘለዎ ኼርኢ ዚኽእል ብኸመይ እዩ፧