ውግእን ዓመጻ ዝመልኦ ግጭትን ዚቕጽል ዘሎ ስለምንታይ እዩ፧

ሓጢኣት

ኣምላኽ ነቶም ናይ መጀመርታ ወለድና ዝዀኑ ኣዳምን ሄዋንን ብመልክዑ እዩ ፈጢርዎም። (ዘፍጥረት 1:27) ከምዚ ኺብሃል ከሎ ኸኣ ከም ሰላምን ፍቕርን ዝኣመሰለ ባህርያት ኣምላኽ ብተፈጥሮኦም ኬንጸባርቑ ይኽእሉ እዮም ማለት እዩ። (1 ቈረንቶስ 14:33፣ 1 ዮሃንስ 4:8) እንተዀነ ግና፡ ኣዳምን ሄዋንን ንኣምላኽ ስለ ዘይተኣዘዙ ሓጢኦም እዮም። ከም ሳዕቤኑ ኸኣ ኵላትና ሓጢኣትን ሞትን ወሪስና ኢና። (ሮሜ 5:12) እቲ ዝወረስናዮ ሓጢኣት ድማ ዝንባለና ናብ ዓመጻ ዚመልኦ ሓሳባትን ተግባራትን ከም ዝኸውን ገይሩና እዩ።—ዘፍጥረት 6:5፣ ማርቆስ 7:21, 22።

ሰብኣዊ መንግስቲ

ኣምላኽ፡ ሰብ ንሰብ ኪገዝእ ኣይኰነን ፈጢርዎ። መጽሓፍ ቅዱስ፡ “ሰብ . . . ስጕምቱ ኬቕንዕ ናቱ ኣይኰነን” ይብል እዩ። (ኤርምያስ 10:23) ስለዚ፡ ሰብኣውያን መንግስትታት ንውግእን ንዓመጻን ምሉእ ብምሉእ ኬጥፍእዎ ኣይክእሉን እዮም።

ሰይጣንን ኣጋንንቱን

መጽሓፍ ቅዱስ፡ “ብዘላ ዓለም . . . ኣብ ትሕቲ ቝጽጽር እቲ እኩይ ምህላዋ” ይገልጽ እዩ። (1 ዮሃንስ 5:19) እቲ “እኩይ” ተባሂሉ ዘሎ ሰይጣን ድያብሎስ እዩ፡ ቀታል ነፍሲ ድማ እዩ። (ዮሃንስ 8:44) ውግእን ዓመጻን ዜለዓዕሉ ሰይጣንን እኩያት መንፈሳውያን ፍጡራትን እዮም።—ራእይ 12:9, 12።