25-31 ግንቦት

ኣብ ቃል ኣምላኽ ዚርከብ መዛግብቲ

1. ንመንፈሳዊ ገነት ንፈትዎ ኢና!

(10 ደቒቕ)

ህዝቢ ኣምላኽ ኣብ መንፈሳዊ ገነት ኣኺሉ ዚተርፍ መንፈሳዊ ምግቢ ኣለዎም (ኢሳ 65:13፣ cl 275 ¶12, 14)

መንፈሳዊ ገነት ስቓይን ውጥረትን ክንጻወር ይሕግዘና (ኢሳ 65:14-17፣ w24.04 22 ¶9-10)

ዓለም ምስቲ እነስተማቕሮ ዘለና ሰላምን ድሕንነትን ኪወዳደር ዚኽእል ዋላ ሓንቲ የብላን (ኢሳ 65:25፣ w24.04 23 ¶13)

መግለጺ፦ “መንፈሳዊ ገነት” ኪብሃል ከሎ፡ ነቲ ንየሆዋ እነምልኸሉ ሃዋህው እዩ ዜመልክት። ኣብዚ መንፈሳዊ ገነት እዚ፡ ምስ የሆዋን ምስ ሰባትን ሰላማዊ ርክብ ነስተማቕር ኢና።

ስእልታት፦ ኣሕዋትን ኣሓትን ካብ መንፈሳዊ ገነት ጥቕሚ ይረኽቡ። 1. ኣብ ኣዳራሽ መንግስቲ ኣምላኽ ባህ ኢልዎም የዕልሉ። 2. ኣብ ጽገና ኣዳራሽ መንግስቲ ኣምላኽ ኣብ ግዳም ባህ ኢልዎም ብሓባር ይዓይዩ። 3. ኣብ ቤተ ማእሰርቲ፡ ሓደ ብዕድመ ዝደፍአ ሓው ንሓደ መንእሰይ ሓው የተባብዖ። ካብ ኣሕዋቶምን ኣሓቶምን እተላእከ ካርድን ደብዳበን ኣብ መንደቕ ተለጢፉ ኣሎ። 4. ንሓንቲ ሓሚማ ኣብ ሆስፒታል ዝደቀሰት ሓብቲ ሰብ ሓዳር ይበጽሕዋ። እታ ሓብቲ ኢዳ ሒዛታ ኣላ፣ እቲ ሓው ድማ ሳኬት ምሉእ ፍረታትን ካርድን ብኢዱ ሒዙ ኣሎ።

2. መንፈሳዊ ሃብቲ

(10 ደቒቕ)

ኢሳ 66:24—እዛ ፍቕዲ እዚኣ፡ ነቲ የሱስ ኣብ ማርቆስ 9:47, 48 ብዛዕባ ገሃነም እተዛረቦ ኽንርዳእ እትሕግዘና ብኸመይ እያ፧ (it “ገሃነም” ¶6-7-mwbr)

መልስኻ
ኣብዚ ሰሙን እዚ ኻብ ዘንበብካዮ ንባብ መጽሓፍ ቅዱስ እንታይ መንፈሳዊ ሃብቲ ረኺብካ፧

መልስኻ

3. ንባብ መጽሓፍ ቅዱስ

(4 ደቒቕ) ኢሳ 65:17-25 (th መጽናዕቲ 10)

ኣብ ኣገልግሎት ወፍሪ ትጋህ

4. ዝርርብ ምጅማር

(3 ደቒቕ) ዘይወግዓዊ ምስክርነት። ባህርያዊ ብዝዀነ መገዲ ነቲ ሰብ ናይ የሆዋ ምስክር ምዃንካ ኺፈልጥ ግበሮ። (lmd ትምህርቲ 5 ነጥቢ 3)

5. ዝርርብ ምጅማር

(2 ደቒቕ) ብግህዶ ዚግበር ምስክርነት። እቲ ሰብ ኪካትዓካ ይደሊ። (lmd ትምህርቲ 4 ነጥቢ 5)

6. ዝርርብ ምጅማር

(3 ደቒቕ) ኣብ በቤት። ዝርርብ ንምጅማር ትራክት ተጠቐም። (lmd ትምህርቲ 1 ነጥቢ 4)

7. እምነትካ ምግላጽ

(3 ደቒቕ) መርኣያ። ijwbq ዓንቀጽ 87—ፍረ ነገር፦ ጸረ ክርስቶስ መን እዩ፧ (th መጽናዕቲ 17)

ክርስትያናዊ ህይወት

8. የምልጠካዶ ኣሎ፧

(15 ደቒቕ) ምይይጥ።

ስእልታት፦ “‘ምእንቲ እቲ ብስራት’ እንታይ ክትገብር ኢኻ፧” ካብ ዘርእስታ ቪድዮ እተወስደ። 1. ሓውና ቶሞሂሮ ኒሺሙራ ኣብ ቤት-ኤል ኣብ ክፍሊ ጥረዛ ይዓዪ። 2. ሓብትና ሃፒነስ ማቡ ኣብ ቤት ጽሕፈት ትርጉም ኣብ ኮምፕዩተራ ትዓዪ። 3. ራይነር ፈርናንዶን ከዚያ ፈርናንዶን ኣብ ጨንፈር ቤት ጽሕፈት ንዚዓዩ ኣገልገልቲ ህንጸት ሰላም ይብልዎም። 4. ሓውና ጆርጅ ተላን ምስቶም ኣብ ቤት-ኤል ክፍሊ ኣገልግሎት ዚዓይዩ ኣሕዋት ብሓባር ይዓዪ። 5. ሓብትና ሮማና ወልሽ መጽናዕቲ መጽሓፍ ቅዱስ ትመርሕ።

ናይ ምሉእ ግዜ ኣገልግሎት ክትጅምር ትሓስብ ኣለኻ ዲኻ፧ እንተ ጀሚርካ ኣብ ህይወት ጽቡቕ ነገራት ከየምልጠካ ትሰግእ ትኸውን። ወይ ‘ኵሎም ኣምለኽቲ የሆዋ ናይ ዘለኣለም ህይወት ዚረኽቡ ኻብ ኰኑ፡ ስለምንታይ እየ ተወሳኺ መስዋእቲ ዝኸፍል፧’ ኢልካ ትሓስብ ትኸውን። ከምዚ ዚስምዓካ እንተ ዀይኑ፡ የሆዋ ነቶም ብእኡ ዚእመኑ ‘ጽቡቕ ዘበለ ኸም ዘይከልኦም’ ዘክር። (መዝ 84:11, 12) ጽቡቕ ነገራት ዜምልጠና ንየሆዋ ብሉጽና ኻብ ምሃብ ድሕር ምሕር እንተ ኢልና ጥራይ እዩ።

የሆዋ ሕጂ ይኹን ኣብ መጻኢ ኺባርኸና እዩ። ነታ “ምእንቲ እቲ ብስራት” እንታይ ክትገብር ኢኻ፧ ዘርእስታ ቪድዮ ወልዓያ። ድሕሪኡ፡ ንሰማዕቲ ነዛ እትስዕብ ሕቶ ሕተቶም፦

እዞም መንእሰያት ርእሶም ብምቕራቦም እንታይ በረኸት እዮም ረኺቦም፧

መልስኻ

ናይ ምሉእ ግዜ ኣገልግሎት ክትጅምር ኵነታትካ ዘይፈቕደልካ እንተ ዀይኑኸ፧ የሆዋ ነቶም ብሉጾም ዚህብዎ ይባርኾም እዩ። ስለዚ፡ የሆዋ ‘ሓንቲ እኳ ኽሳዕ ዘይጐድለካ በረኸት ከም ዜፍስሰልካ’ ብምትእምማን ብሉጽካ ሃቦ።—ሚል 3:10።

9. መጽናዕቲ መጽሓፍ ቅዱስ ጉባኤ

(30 ደቒቕ) lfb ትምህርቲ 88-89