“ኣይትጨነቕ”

የሆዋ ኣብ ጥንታዊት እስራኤል ንዝነበሩ ድኻታት ይሕግዞም ነበረ። ገለ ኻብቲ ሎሚ ንዘለዉ ድኻታት ኣገልገልቱ ዚሕግዘሉ መገድታት እንታይ እዩ፧

• ንገንዘብ ሚዛናዊ ኣረኣእያ ኸም ዚህልዎም ብምምሃር።—ሉቃ 12:15፣ 1ጢሞ 6:6-8

• ንገዛእ ርእሶም ግቡእ ኣኽብሮት ከም ዚህልዎም ብምግባር።—እዮ 34:19

• ብትግሃት ኪዓይዩን ጐዳኢ ልማድ ኬወግዱን ብምምሃር።—ምሳ 14:23፣ 20:1፣ 2ቈረ 7:1

• ኣባል እቲ ፍቕሪ ዝዓሰሎ ክርስትያናዊ ሕውነት ከም ዚዀኑ ብምግባር።—ዮሃ 13:35፣ 1ዮሃ 3:17, 18

• ተስፋ ብምሃብ።—መዝ 9:18፣ ኢሳ 65:21-23

ኣጸጋሚ ዅነታት እኳ እንተ ኣጋጠመና፡ ክንጭነቕ ግና ኣየድልየናን እዩ። (ኢሳ 30:15) ቅድም መንግስቲ ኣምላኽ ብቐጻሊ እንተ ደሊና፡ የሆዋ ብስጋዊ መዳይ ዜድልየና ዘበለ ኼማልኣልና እዩ።—ማቴ 6:31-33።

ነታ ፍቕሪ ኸቶ ኣይተቋርጽን፡ ዋላ እኳ ድኽነት እናሃለወ—ኮንጎ ዘርእስታ ቪድዮ ርኣያ እሞ፡ ድሕሪኡ፡ ነዚ ዚስዕብ ሕቶታት መልሶ፦

• 

  እቶም ኣብ ጥቓ ኣኼባ ዞባ ዚግበረሉ ቦታ ዚነብሩ ኣሕዋት፡ ነቶም ካብ ካልእ ዓዲ ናብ ኣኼባ ዝመጹ ኣሕዋት ብፍቕሪ እተቐበልዎም ብኸመይ እዮም፧

• 

  ኣብዛ ቪድዮ እዚኣ፡ ካብቲ የሆዋ ንድኻታት ዘለዎ ፍቕሪ እንታይ ንምሃር፧

• 

  ደረጃ መነባብሮና ብዘየገድስ፡ ንየሆዋ ኽንመስሎ እንኽእል ብኸመይ ኢና፧