ድንጋጽ ብምርኣይ

ድንጋጽ፡ ሓደ ሰብ ንዘለዎ ኣተሓሳስባን ስምዒታትን መትከላትን ድሌትን ክንርዳእ እትሕግዘና ባህርይ እያ። ሰባት ንምሕጋዝ ዘሎና ልባዊ ድሌት፡ ካልኦት ብቐሊሉ ኺርእይዎ ይኽእሉ እዮም። ኣብ ኣገልግሎትና ድንጋጽ ምስ እነርኢ፡ ንፍቕርን ንሓልዮትን የሆዋ ኢና እነንጸባርቕ። እዚ ድማ ንሰባት ናብኡ ኸም ዚስሓቡ ይገብሮም እዩ።—ፊል 2:4።

ድንጋጽ ምርኣይ፡ ናይ ምምሃር ክእለት ጥራይ ኣይኰነን፣ የግዳስ፡ ኣብቲ እንሰምዓሉን እንዛረበሉን መገዲ፡ ኣብ ኣረኣእያናን ኣካላዊ ምንቅስቓስናን፡ ኣብ ገጽና ኣብ ዚንበብ መግለጺ እውን ዚርአ እዩ። ድንጋጽ ምስ እነርኢ ናይ ሓቂ ተገዳስነትን ስምዒትን ኢና እነርኢ። ድሕሪኡ፡ ተገዳስነቶምን እምነቶምን ኵነታቶምን ነስተብህል ኢና። ግብራዊ ኪኸውን ዚኽእል ሓበሬታን ሓገዝን ክንህቦ ንኽእል እኳ እንተ ዀንና፡ ለውጢ ኺገብር ጸቕጢ ኽንገብረሉ የብልናን። ክንሕግዞም ፍቓደኛታት ምስ ዚዀኑ፡ ኣብ ኣገልግሎት ሓጐስና ኺውስኽ እዩ።

ነታ ደቀ መዛሙርቲ ብምግባር ተሓጐስ፡ ክእለትካ ኣመሓይሽ—ድንጋጽ ብምርኣይ ዘርእስታ ድራማዊት ቪድዮ ርኣያ እሞ፡ ድሕሪኡ፡ ነዚ ዚስዕብ ሕቶታት መልሶ፦

• 

  ጀድ ደንጕያ ምስ መጸት፡ ኒታ ድንጋጽ ዘርኣየታ ብኸመይ እያ፧

• 

  ጀድ ብሰንኪ ጸቕጢ መጽናዕቲ ኽትገብር ከም እተጸገመት ንኒታ ምስ ነገረታ፡ ንሳ ድንጋጽ ዘርኣየታ ብኸመይ እያ፧

• 

  ጀድ ‘ስርዓት ንዓይ ኣይትኸውንን እያ’ ምስ በለታ፡ ኒታ ድንጋጽ ዘርኣየታ ብኸመይ እያ፧