ምስ የሆዋ ንዘሎካ ርክብ ኣኽቢርካ ርኣዮ

ናይ የሆዋ መሰኻኽር ፍሉይ መሰል ኣለዎም። ርእስና ወፊና እተጠመቕና ክርስትያናት ከም ምዃንና መጠን፡ ምስቲ ልዑላዊ ጐይታ ዝዀነ የሆዋ ንዝመስረትናዮ ብሕታዊ ርክብ ከነማዕብሎ ወትሩ ኽንጽዕር ኣሎና። የሆዋ ብወዱ ኣቢሉ ናብኡ ስሒቡና እዩ። (ዮሃ 6:44) ንጸሎትና እውን ይሰምዖ እዩ።—መዝ 34:15።

እቲ ምስ ኣምላኽ ዘሎና ኽቡር ርክብ ብኸመይ ክንዕቅቦ ንኽእል፧ ቅድም ቀዳድም፡ ከምቲ እስራኤላውያን ዝገበርዎ ኸቢድ ሓጢኣት ክንገብር የብልናን። ምስ የሆዋ ኺዳን ካብ ዚኣትዉ ብዙሕ ከይጸንሑ፡ ምራኽ ወርቂ ብምግባር ኣብ ኣምልኾ ጣኦት ወዲቖም እዮም። (ዘጸ 32:7, 8፣ 1ቈረ 10:7, 11, 14) ንርእስና ኸምዚ ዚስዕብ ኢልና ንሕተታ፦ ‘ጌጋ ኽገብር ምስ ዝፍተን ብኸመይ ምላሽ ምሃብኩ፧ ነቲ ምስ የሆዋ ዘሎኒ ርክብ ኣኽቢረ ኸም ዝርእዮ፡ ብተግባራተይ አርኢ ድየ፧ እቲ ንሰማያዊ ኣቦና ዘሎና ዓሚቝ ፍቕሪ፡ ካብቲ ንሱ ዚጸልኦ ኽንሃድም ይሕግዘና እዩ።—መዝ 97:10።

ነታ ምስ የሆዋ ዘሎካ ርክብ ሓሉ (ቈሎ 3:5) ዘርእስታ ቪድዮ ርኣያ እሞ፡ ድሕሪኡ፡ ነዚ ዚስዕብ ሕቶታት መልሶ፦

• ስስዐ እንታይ እዩ፧

• ካብ ስስዐን ካብ ኣምልኾ ጣኦትን ክንርሕቕ ዘሎና ስለምንታይ ኢና፧

• ዝሙትን ኣምልኾ ጣኦትን ዚተሓሓዝ ብኸመይ እዩ፧

• ብፍላይ እቶም ቲኦክራሲያዊ ሓላፍነት ዘለዎም ክርስትያናት፡ ንድሌት መጻምድቶም ወትሩ ኼማልኡ ዘለዎም ስለምንታይ እዮም፧